舞台劇"頭注香"
中英劇團主辦~
單張上寫明~
本地原創狂笑鬧劇~
一張六合彩
一場技術性擊倒的棋財爭奪戰~
剛剛去香港大會堂劇院睇完中午場~
故事係姑媽因為中左六合彩..
而命送黃泉~留低豬絲馬跡~
後人剛好因生意失敗將被人查封~
不息蒙騙馬會..為左要繼承呢筆巨額..
搞出一輪爆笑喜劇~
劇情簡單~
節奏輕快..笑位都好多..
無乜冷場~hehe
重有個真正既泰妹演出..
做回泰妹一角~好多泰文~
尾段還加入現時流行既呀叔名句~
未解決..渣下手~..無諗過佢加..好笑~
連鍾sir都有黎睇場~^^
套劇做到6月4日..
大家有興趣可以睇下重有無飛~
學治會<~~爭d入左個傻人..天下大亂
學治會係咩黎?
係當年中學的一個學校與學生之間既橋樑~
幫學校教活動、幫學生傳達一d既問題給校方~
中四那年~選學治會幹事~
因為要每班必須搵三個人去參與
全班係我唔在場既情況下~選左~
我當時連學治會係乜東東..都未知~
我一向不理人間煙火既人..揀我做乜~
擺明玩我~應該比d紅心壯志既人去做就岩~
搵我把鬼~
立即搵有關老師更改..但已經不受理~唉~咁架..我唔係自願架~
個個都準備好政綱~去練習~
係早會向全校學生介紹自己..介紹自己既政綱~
有d講得好好笑..要幫學生爭取課室有冷氣~
因為當時係天方夜譚~邊有人會知而家間間都有咁仔~
我見到當然好驚啦..同全校講野喎~
唔知點解最後都以為可以搵到同學頂上~我變左無講呢part~hehe逃過一劫~
到當選個日~我名字又出左黎...
點呢..點算好呢..唉..照上台啦~
對咪講自己咩班、咩名比人投票算勒~
haha...點知點票結果出到黎~
有成90幾票~...唔係掛~...識我既人都好驚訝一.一"
佢地識唔識睇野架..
我無政綱..
無拉票..
人又無路過面..
你地係咪為學校好架..
亂黎既..
擺明玩我啦..
雖然我做左4年"風紀"(風紀都唔係自願做,喊哂唔做,都唔得)..
再加埋自己班..都無咁多票數~
好彩票數都係唔夠人多~鬆一口氣~^^
如果我講埋政綱~咪實得..haha
一個唔識政既人..去搞政治..咪盞搞~
左撇子
好少人會知..
好少人會注意到..
係~我係左撇子~
點解唔覺~
因為我最主要用手既工作..
渣筷子、同渣筆~
都已經用番右手~
因為我呀媽認為左撇子係唔岩架~
所以強迫我用我唔專長既手..
去做一般人認為岩既事~
左撇子係咪聰明d~唔係~
只係右腦發達d~
不過在運動上除左乒乓球..
全部都用番左手~
"左撇子"帶比我有咩得著~
有..得到一面銀牌..亦是唯一一面~
不是個人..而係團體~
在中學時代~成日都會避開參與公開運動或比賽~
因為我不愛出風頭,亦不愛受人注目成為焦點~
亦因為當時我又肥又矮~haha~
但一次既PE堂~
改寫左我個人既歷史~
玩既運動係.."手球"
原來呀sir搵僅人加入"手球隊"
點知叫我地上堂玩分組比賽~
我左撇..好自然就打右翼~
整個過程我無乜做過野~
我連玩法都唔係好清楚~
人走我走~haha
但呀sir覺得我表現得幾好~
佢點左我名入隊..
佢無問過我同唔同意..亦無得我唔同意~
why~我做過乜~人行我行~咁都揀我~唔明~
原來當年全屆學生..只得三個左撇子~
全部入哂~噢~無計~
我重要係正選打頭陣~
隔日放學練習直到比賽為止~辛苦~
搵左4間中學比賽..贏到一隊都有銅牌..haha
3次對賽中我表現過d乜~
一次美妙既地波傳球(我認為),入埋波~
一次個人帶頭進攻,但到籠門前我驚..等隊友但又未到..
就格硬射..入左..不過踩界..唔算數..shit~
其餘都係得個走字..haha..
我每次走到咁上下都示意換人..
體力不支..好攰..但佢唔肯~死頂~
就係咁贏左兩場..得到銀牌~
係我中學唯一參與既運動..
亦係我唯一的銀牌~
拜"左撇子"所賜^^
痴線佬入左幼稚園~
往事只能回味~
廿幾年前一單痴線佬入左幼稚園...
佢手持刀..重係裡面擾攘左幾小時..
老師既振定同機智..
救左一班細路同自己..
唔知重有無人記得~
之後重拍埋戲..
無記錯應該叫"安安幼稚園"
位於長沙彎~
點解會提起呢單野~
因為當年我讀四間幼稚園既第一間,
讀咁多間原因都係居無定所~
重同表姊都係個間讀~
個單野發生個事~
我屋企電話响完一個接住一個
個陣時都無兩線入~
所以打唔通..不斷打~
d親戚個個都重以為我讀緊~
擔心死~
不過我早一年已經轉左校~
而我表姊都升左小一~
所以大家都逃過大難~
虛驚一場~^^
火都黎~
夜晚從學校帶作品回家..
見到車站單層巴士準備離開..
我望見尾座存放物品的地方重有位..
便立即急步追上..踏上車..
再望一望尾位真係有空..
就拍咭~
女司機見我..我右肩一袋、兩手各一袋~
比左d好唔友善既目光..唔駛咁呀~
我無理佢..係多野..我咪照行向後唔阻人囉~
點知行左兩步..佢急不及代開車喎..重轉彎~
我變左..左撞右撞~
我即刻火都黎~
真係..真係...真係..好想用我流利既粗口鬧番佢~
點呀司機~見唔見我好多野呀~望下倒後鏡啦~
識唔識為乘客安全呀~去到尾坐低先得唔得呀~趕住頭胎呀~
好想..好想..好大聲咁講~..
但以上既說話只系係我腦海不斷出現~..
我按捺住...按捺住...沉住道氣..唔好失儀~
坐低都重谷住...好慶..真係好慶~
即刻拿住手機打機..
分散主意力..慢慢靜落黎..靜落黎..
但諗番都真係好慶~頂..住~
邊有d咁既司機架~
真係好想大聲鬧佢!!
神奇事....我一出世就唔見左~
話說我呀媽懷胎足哂月..要吹生出黎...
當生完我~個個鬼咁開心..因為第一胎就係男..
我爸爸係長子..而又係第一個孫~..
當然開心死爺爺、麻麻~
但第二日..我呀媽去嬰兒室發覺唔見左我~
唉~去左邊呢~比人偷左~
好擔心就打哂比親屬問點算好~
要唔要報驚呢?
原來先知係我"麻麻"抱左番去~
由九龍抱番去新界~
嘩~以前d交通極之唔方便~
我"麻麻"又夠擔死出黎抱左~
又唔同我呀媽單聲~
激死我呀媽重鬧鬼我老豆~
haha~佢唔好彩勒~
綠色奶樽
我一出世無幾耐因家父母一齊出去搵食..
就已經比左我"麻麻"養~
我"麻麻"係養漁~
所以間屋會係漁塘邊~
我多數係最細既姑姊服侍我~
我每逄飲奶都有一個唔好既習慣~
就係拋個奶樽出窗外..即係落漁塘~
久而久之個奶樽變成淺綠..綠色..深綠~haha..
因為每次拾起樽都係沖兩下..就攞黎用..
haha..食個5安奶都食到肥獅大隻~
當我呀媽入黎睇我咁樣..
都嚇左一跳..咁樣對我個仔~
我呀媽而家成日串而家姑姊點養d仔女..
就話呢d點污joe..又話果d要消毒~
我個仔呢~又係比妳地咁樣養大..haha~
因為神婆呢單...又再想起細過的~真人真事
話說8歲那年..
重係一個小學二年級生..
我還住在圍村那時~
有一次我"麻麻"因為隔離村有單親戚飲宴..
咁岩無人同佢去..就叫我同佢去..
當時4點幾左右~我做緊功課~
有得玩通常都唔理三七廿一就會話去~
但唔知點解當時又懶乖..
話要做功課唔去..不過最終都係要去~
因為要去個達地方..都要經兩個漁塘左右~
搵人車我地一齊去~
呀媽重叫我同埋細佬去~
跟著去到玩完..飲到咁上下..
都已經好飽..又見天未黑..6點咁上下~
咪同"呀麻"講我同細佬番去先..懶叻~我識路~^^
佢又比我番去~咁穿過漁煻..經過小徑就番到屋企~未黑齊~
跟著都無乜野做過..都係沖涼..睇完電視跟著去訓~
半夜就開始出事~
我屋企人聽到我房有聲..
咪入去睇下囉~..
點知聽到我不斷講野~..
初時以為我玩得癲..所以發開口夢~
但佢地越聽就越覺唔對路..
又拍唔醒~
咪即刻叫我呀麻、呀叔、姑婆、姑姊幫手睇下係乜事~
抱我係張櫈到坐係度~
依然係口upup唔知up乜~
我姑婆就真係叫用兩對紅筷子..
夾住兩手中指~
我就開始沃身..
有d發瀾渣..有人就按住我個人..
有個大肚婆講野~
up左d野..唔知係搞到佢呀..
定係撞到佢d乜野..
我屋企人就緊係叫佢快d走..
夾左一陣..之後就走左..
我就開始醒..
重飲左碗"符水"
我姑姊重問我幾多隻手指..
我答5隻..佢就話1隻..重玩野~
我只係記得我個晚係發僅惡夢~
比我老豆用舊大石迎面擲向我先醒~
我番屋企沿途只係見過一間鐵皮屋..
同浪滿衫既浪衫架~
之後果幾個月都無覺好訓..
夜晚驚..訓唔到..要人陪..要開燈訓..
有時又無端端喊..係學校都係咁..係有d失常
神婆~
幾年前曾經係我身上發生一件事~
就係覺得訓覺比野壓住~
唔係日日~但都好密~
由初初唔慣同驚...
慢慢變得習慣同無咁驚...
因為個人唔沃得~
咁同屋企人講番出黎~
我媽就帶左去見一個神婆叫"馬太"
一個60幾歲既老人家..有點慈祥~
向來對任何古靈精怪野都有好奇心既我...
不斷留意緊佢做乜~
初初都好似c拉咁..傾左幾句門面說話就開始~
地方400尺到..光猛..唔係黑沉沉咁~
佢拜完神裝過香就坐埋我到..
面向我..用佢雙手各掂住我兩邊耳珠~
跟住佢突然講左句說話~
咁後生..點解諗野咁灰~
打個冷震~我當時覺得..有被人睇穿既感覺~^^
因為表面睇我..對住佢微微笑..點都睇唔出我咁灰..haha
跟住又繼續睇..
佢憑住掂耳珠..就可以去我屋企..
佢一路形容講出黎..途經係邊係邊..
就話比女鬼跟..所以比野壓住~
就幫我趕佢走..同係某日燒衣紙拜神比佢就ok~
之後既野信唔信就好難講..haha
但簡唔中都有一兩次會係咁~
聽我媽講佢係養鬼仔幫佢辦事~hehe
26號...8號...12號....呢d特別no.希望好天啦~
將成年既功課搬番學校...
實在多得很~...
兩隻手都好唔得閒~
落雨重邊有手攞傘..
又驚比雨整濕..
顧得左..又顧唔到右..
有前..有無後...
haha~幫幫手一定要好天呀~^^
一切都完~^^
...等擺Internal & External assessment....
等呀Sir評分...等外界既評分...
四年既光景~識到一班同行既同學~
因為呢班算係最多同行既~
大家都已經到左一條分义線...
終於都各行各路~要分手既時候~
一場同學仔~
我希望大家有一番既成就^^
係我心目中呢班一d都唔弱~
係最強既~
日光日白大風雪
呢個星期不停在樓下出現既現象~
就係對面公園木棉樹的種子--棉絮~
像棉花般大...周圍飄~...我呢邊又勁大風~
就好似吹住大風雪一樣~不過好舒服^^
連睇幾套~^^
睇完韓劇"我和我的女友".....呢場戲....
抄足日劇"在世界中心呼換愛"
連死都要係碼頭~亦無日劇拍得那麼激情~
動畫"海底奇兵"配合版...畫功生動...
色彩豐富~...黃秋生、毛毛、黃毓民又配得好好笑~
"鋼之練金術"我雖然無留意睇過電視版...
但日本動畫都幾吸引~不過唔知點解....
最後佢細佬要剪短番頭髮要同佢有分別...haha
"得閑飲茶"方力申同viann(roadshow女主持)主演..
講述落bar飲酒...男同女既睇法...比viann玩到妥妥寧~
男既又就得太過火~...分手再做番朋友之後...開始做回自己~
變得大家相處得舒服~而一班男人落bar時...會有同事兼朋友既林家楝、
同成日扮李小龍個位...對話都好好笑~...林雪同元秋做方力申父母~
劉德華又係佢失落時內心既出現扮大隻佬唱歌~同方力申講野都幾抵死~
viann都系係roadshow度..玩自我陶醉既演出好睇d..hehe
方力申一般~
"match point"拍得好似60年代既戲...
女主角一張性感既樣~非常吸引~
故事提及男主角娶一個平凡樣貌但有家底既女性~
但個心又戀上性感柔物~重刻意製造機會得到佢~
得到之後因為意外有bb...而思想周旋想不放棄事業~
而迫於現出殺機~...佈局雖然很有破綻..但死好運比佢過骨~
不過難逃一世既恐懼、難而磨滅既陰影~
"mi3"湯佬拍開一貫手法...打鬥連連...刺激你視覺感觀~
湯佬好似癲左一樣博名~特技都係個類~無驚喜~
但佢女友唔知點解尾段槍法咁準連殺兩人~
佢雖然係做護士..可能比較冷靜..咁準講唔通..haha~
剛剛接到一個電話 -- 原來世上真係有咁好既人存在
事原我呢兩個星期不斷問我自己所有識得既朋友,
有無假水仙或水仙的麵粉花買,
反轉花虛都無...因為已經過左新年時候~無都係正常~
曾經有一間以為300蚊可以做到一盆~咁底~都問多幾次..真係~
極為開心..但之後佢老公歐生打回來給我..話佢太太報錯價~
haha..其實都知無可能...因為市價要3000蚊...
重以為咁益我~haha~咁我就話諗諗先~
點知岩岩佢老公打比我~
話佢問過一d學生...
有同學願意做一盆水仙當為學習~
只要回我麵粉料錢500蚊就足夠~
嘩~咁好人~
歐生之所以肯幫我~
係因為我send過我件作品給佢看..
我解釋過係咩黎...佢又覺得好得意...
佢就好欣賞我件作品..
佢都覺得欠缺完整~haha
所以幫我問d學生願唔願意咁做~
有學生一口就應承左~
大家互不相識~
簡直係人間重有溫暖呀~
多謝所有朋友,曾為我打聽~thx~
誤解
呢四年既夜校生涯,
對我來說過得並不輕鬆。
每星期三晚三個鐘上課真係難頂,
因為我唔會比自己爭功課未交。
搞到自己全部時間都獻給功課~
有功課去玩會令我好不安,不會玩得自在~
大多時間斷絕朋友...都在做功課..功課呀..功課呀..
點解我會提到誤解呢?
朋友會覺得有無咁多功課呀?
同學會覺得我交既功課比較平均~很多都能應付有餘!
呀sir又覺得不用擔心我交唔到功課,佢知我約束自己得太緊,
從來都不擔心我!
真係唔好意思~
其實功課多係我自己慢...
用好多時間去做...
無寛鬆既時間我會好大心理壓力...
煩躁不安..簡單黎講受不起壓力~^^
同學誤解我很多時都做得不錯~
佢地只見到我交出去既結果...
以為我好快手...唔駛諗咁~正正係相反~
比人用多一倍以上既時間~
但交得出去既作品..
同一幅其實已經比自己改了6、7次之多...
再先交出去(時間就係用係呢度)..
正所謂過得自己眼..先會過得人!
我對自己信心不足...
呢十年從來都覺得designer這個稱號...
我受之有愧...自己知道不材...
因為我心目中期望一個真正既designer..其實要求很高..
我達不到呢個水平~
實在有太多事情都不認識...
認識的都只是皮毛~膚淺~
其中一樣"創意"係我要求自己想達到既水平~
正因為我無~
但為何還在這行立足?
只係覺得自己可以做得更好~
我信心已經大過以前既我^^
Project 1 Final - 全方位吸收陽光的輔助器
project 1 Final
濃縮半年之作~
亦係用盡時間之作~
名就好勁^^
實質係自轉..令植物平均吸收陽光~換水等功能~
簡稱"盆"
動力來自太陽能推動摩打..
摩打有兩個作用~
1.令四邊車輪動起來~
2.打入空氣進入氣缸..儲存氣體不斷加壓..有代用氣壓把水向上輸送~
裝水器皿有兩個是裝污水和清水,
裝水另一個目的係方便水喉水經空氣中凈化或沈澱...釋放有害氣體。
Project 3 Final - 擁有荷蘭風格派特色的摺枱
project 3 Final
加入culture的furniture
做摺枱既原因係香港地方細想慳位~
每個人都替我擔心張枱既安全性~
我已經考慮到安全、外觀簡約、內裡複雜結構、
摺得方便、保持風格派的特色為大原則~
但我已經用盡自己心力去鎖緊每一處地方~
我始終唔係一個識結構既工程師~haha^^
我對我兩份projects黎講...我已經很滿意自己的表現~
