救生員擺工
我個fd聽到救生員擺工...
尋晚就叫埋幾個去游水...
不過都係去泳池游...
好耐都無游...來回四次都手軟腳軟...一.一"
中斷又見多了時間...
又走去睇左出戲"荒島叛變"
之前無睇過個故事講乜,完全唔知情入去睇!!
初初一路睇時,
以為都係講未來既先進科技,
令舊世界沒落、生態既變質!
原來所有人都係複製人...係美國秘密地進行既一行活動
同有錢佬安排只要比5百萬,就可以複製全體身體既器官,
以便有什麼緊急病痛時用!
一路都無講比d有錢人聽係複製整個人一.一"
因為科技先進所有複製人都係用好短時間就複製出黎,
主角都係出生左只有三年,
除左腦內沒有感情事輸入之外跟本就係一個人!
利用科技輸入所編制固定既故事作為記憶!!
佢由於腦部出現異常迅速突變成長,
佢成日腦裡出現一迅間既影像,
神奇地影像係原本真人所擁有...但係佢腦內出現!
跟著劇情都係帶同女主角偷走...
想知真相...想擦穿比世界知...番去破壞...救同伴!!
我覺得以外地好好睇喎^^
join左有線寛頻新plan
寛頻剛剛到期...大廈又無其它第二間公司可以好平,
都係問下有無新plan,聽到而家做僅join 18個月,
有olympus相機400萬像14M記憶體13倍變焦...
woh...岩晒...我遲遲都無買數碼相機...fit晒我!
本來等僅可有300萬像既手機推出先買...慳番!
咁又可以繼續用我既老爺手機 lu....haha
開心大發現^^
今日無意中睇到呢集幾有趣!
1.一人飯煲
外貎就係一個6"長既白色塑膠圓柱體,可打開一邊成兩個半圓柱體,
頂部所多行約有1.5mm既小孔,內部分為兩格,一格是1/3空間既位置,
另一格是2/3空間既位置!
首先加入米填平,關好半圓柱體,開水喉射入頂部小孔再左右搖晃數十次,
之後把整個柱體放入一個煮麵的細煲內,內注約一半水,快火約十分鐘,
然後再慢火焗五分鐘便完成!....跟著打開就會見到充滿整個圓柱體既飯勒!
剛好是一個人食用^^
2.日本只有一間店舖賣似雪糕既肥皂
外貎同一間賣雪榚既店鋪一樣,好像揀雪榚一樣從玻璃望入去,同樣係一筒筒放在內,
雪榚有什麼味它亦都有,他又會用透明杯裝比你,價錢約港紙80蚊杯,
這份量可用兩至三個月,邊個去開日本可以買黎試下....有趣!
3.耳垢內規鏡
約12"長綠色的軟管外殼,一頭像針孔攝影機,有燈著,另一頭像潛望鏡約25mm闊,
可以自行望耳內清垢,可不假手於人,真方便!
今次真係大發現!^^
港男
從一開始節奏太快...好似趕收工咁...中間重隔左1個鐘再睇!
我好唔鍾意無線咁樣安排....攪咁多宣傳...都係一兩個鐘草草了事!
都唔知攪黎重乜....!
想睇下我所揀選....同女性所揀選差別是否很大出入!
比我當然唔會揀二號...佢第二part著泳褲時動作太姐形,
舌戰方便又答得好差...雖然我都好欣賞佢用左一個鐘去跳拉丁...
d步法跟得晒都好叻(唔排除之前已經練過好多次)!但正常去唔到決賽^^
至於大隻佬個胸真係好大...但身形其實練得唔夠實..背肌又無..得個胸!
但整體上答問題、著泳褲、同佢招牌笑容...平均黎講係唔錯...
最尾一個鐘個part就差d...因佢大隻唔夠靈活打得唔好睇又無勁度...失敗左!
係女性投選出現在一個現象...就係學生歌係會選二號,好大原因係佢識鋼琴!
而家庭主婦會選大隻佬...而匯應通多數係後生仔女玩意...
所以好自然d分都會係二號!....所以勝出!
反映出後生既一批係童境著浪漫...而"施拉"係好現實同實際,佢地會覺得大隻好!^^
睇左"Robots"優先塲^^
hehe...好快地又去睇左^^,
今次亦都係睇粵語配音...
都聽得出有古巨基、張錦程、深美....
畫面立體感豐富...坐車既獨特方法很天馬行空...有趣!
尾段加重笑料...
故事帶出只要有夢想...堅持...不放棄...
紿終都會成真!!
經過玩具舖看見有神奇4俠的一系列玩具出左...
但望極都唔見我極鍾意既女主角玩具....係無....一.一"
再諗清楚...係喎...佢係隱影俠...現今真係做唔到隱影既效果!
唔怪得無得出啦....不過地鐵見到佢獨立既海報係勁靚...
但已經被人抽起左lu...無得睇lu.....一.一"
追星記
係信德中心食完中午飯時,
食完就行下個商場消化下...
就見到戴夢夢上台玩僅遊戲,
睇既人唔多因為好容易就企好前望...
紅極有限^^....
跟著出左商場想去旅行社問下價錢,
又見到譚小環拍僅旅行社廣告...
佢帶兩隻鑽介勁誇...戴埋一串大粒既珍珠,
著住套裝...睇怕都想像得到...
再加埋一個做開主持訪問既演員..個名唔記得^^
行遠少少又見到一個應該係拍過下廣告或劇既演員,
由想入酒樓再轉軚入左大家樂....遠睇都靚既...
我同事就用佢新出既sony ericsson影低晒
今日都見到好多人.....^^
收到 IVE Year One 成績證明書
d分都算係咁lu...無5字頭..最高都有兩個70分,
一向都唔勁亦唔太差.....不過不失都升到班...^^
一見到要係8月11日前註冊交學費就頭痛,
交成$9,390......真係貴..重包埋畢業費都要$300
一出糧就無晒d錢 一.一"
真係過眼雲煙~
隔離鄰舍
尋晚8點幾突然開始勁大雨....
望到隔離屋無人...但三個窗都開...
死僅實濕晒 一.一"
所以盡人士用支"掛衫竹"推埋d佢隻窗...
盡左力...不過都重有一隻太遠勾唔到...無辨法!!
我諗佢自己都知自己個窗開晒...唯有希望佢早d番啦^^
有小小既趣事
每清早有一班頭班巴士在我那邊開出,
所以有得坐...好方便!
但趣事就出現左...
由於我想方便落車同有時會睇下書,
都會選擇下層某一、兩個位係經常坐,
好似小學生坐校巴坐僅左位咁...hehe
就係咁..好奇怪經常有一個3、40歲既女性會坐左我隔離位!
個樣有三成似"大塊田"
初初都唔為意...一星期都坐左兩、三次...
以為無乜位所以先坐,
而家發覺佢就算有好多位都會坐係我隔離位 一.一"
應該唔會係痴或傻既...或者可能我係坐左佢以前坐開既位...haha
令我想起另一個問題!
有d人鍾意一上車會選擇坐係某人隔離,
有d人鍾意坐係有兩個空位位置,
有d人坐僅一個位置,就算無都要坐佢側邊,
有d人一上車就只係睇有無位...有位即坐個隻!
亦有人唔理下面有幾多位....都直衝上上層!
唔知係咩心態??
我就鍾意揀有兩個空位..
因為坐另一邊個個永遠都唔知係邊個..
有d博彩心理...坐既係好就好...唔好都幾難頂^^
不過過程係最有趣!!
concept idea 上得色既 ^^
Back Pack Stroller
用photoshop上左色既Layout,
係一個由袋改變成為手推車!^^
一樁新聞^^
當然唔係講林志玲呢單啦...hehe
"日本腦炎白紋喙庫蚊"係元朗公園出沒!
咪係我個度...一.一"..只係一路之隔!!
死人架喎....咪好驚^^
好彩我一向冷血...吸引唔到d蚊..
問題都唔大...haha
神奇4俠
整體上唔錯..場面...畫質...特技效果質素都很高!^^
但劇情方面尾段佢所研究個部機,雖然要好大能量去推動,
令我覺得可以做到更多特異功能既人...hehe
同埋尾段佢講到石頭人好重要同好關鍵既人物,
睇落又唔覺得係..係個刻好似作用唔大!
哎呀我揀錯戲院...同遠左少少....所以震撼感欠左少少一.一"
哎呀...今日傻傻地一.一"
攪左成日原來今日係星期五,
成日以為星期四...
如果唔係同事講聽日有咩節目...哈哈真烏龍!
第一次既sketch
sketch
這就是我第一次做手板既sketch呀!
值得留念^^
睇左"荒失失奇兵"
我自己就鍾意睇笑片既^^
都係想輕鬆下開心下!
套動畫視覺上唔差喎...
加上班人配音幾底死..都好笑呀!
(聽得出有容袓兒、鄭忠基、方力申....)
收到自己畫既design手板^^
同事幫我帶左我畫隻手板落黎^^
望出黎都似足我畫既差唔多!
係而家新式背負嬰兒既"咩帶"
雖然都有不足之處同修改地方,
boss亦有比番意見我!
都會先寄比個客睇左先,
睇下有無其它意見..用或唔用等!
始終都係我第一件產品出世...so good^^
終於見到另一位designer^^
另一位終於從大陸回來...
唔知重以為佢長註添^^
係一個女仔...好細粒...
可以用態度溫文黎形容...
佢唔係因為落黎睇醫生的話!
我諗都重會耐d先見到佢...haha
仍然有一位designer係大陸未見到^^
開始與同事熟悉^^
慢慢開始熟悉同事...雖然有d都唔記得叫乜名!
佢認我就容易...haha!
好彩公司都無針鋒相對既人...
大家有講有笑....相處都ok架!!
收到好消息^^
今日在放工時收到一個好消息!
就係呀Mic打比我話佢已經見成左份新工^^
係灣仔開工...環境唔錯...人工又唔錯...!!
希望佢盡快適應環境...盡情發揮佢所長^^
亦希望其他同學都搵到適合自己既工作!!
今日工作非常順利^^
番左成個星期都未見過boss,
今日佢終於係大陸返番黎!!
係我做僅野時...行埋黎睇我d野,
問我畫僅乜野sketch,咪講比佢聽做僅兩份野囉!!
跟著佢幾大聲講左句 [你條o靚仔幾有idea喎]
喎....真係估佢唔到一.一"
打個突...嚇我一跳!
雖然我唔覺得我個兩份野有乜特別,另佢覺得咁好!!
不過都安心番D....因為之前既憂慮^^
都多謝佢讚賞同鼓勵!!
不過個份野係上星期已經改左好多次..
好彩我呀頭,講左好多地方唔合佢心意既地方咋!!
另外今日認識到由大陸黎既工程部女人(已經六、七十歲)
退左休....因為佢有做玩具既三十年豐富經驗...
所以可能係公司既工程顧問!
都好和藹可親既老人家^^
佢今日坐我隔離..
佢一見我就好雀躍、好高興...同我傾左成十五分鐘到!
又話佢個仔又係叫Ivan...唔育佢擋我係佢個仔^^
又問我之前做過乜..佢自己又做過乜!
當然無掃老人家興...有講有笑添!!
佢又講下佢係邊幾間大公司做過!
不過係佢身上一定可以學到好多我想知既野!!
而且佢又肯教人果仲種人^^
得意既老人家^^
家庭日
太陽兼落大雨...無乜好去..都係同家人飲下茶^^
順便去"新世界傳動網"轉番個平D既plan...
成日都用唔晒....慳番D好....
回家途中見到以前果中學同學.....雖然我無叫佢(好衰咁)...
但見到佢同大僅肚既老婆行公園....
佢好細心...又絲絲細語....睇到都好開心呀^^
跟著都係去做下Gym...keep下fit^^
