Sunday, October 29, 2006

勞動日...園地+牆壁畫

上午到達一塊園地嘗試雜務工作,
內有一些瓜、菜、生果、花等的種植..
園地內仍有未開墾土地..
或半翻鬆的泥土未有動工..
周圍還有雜草叢生需要處理~
我開始時就用鏟將部份種好的收成鏟起..
然後清理周圍雜草..
我見用手去拔除不夠成效..
就嘗試學用鋤頭連根去除!
當然學了方法還是用得不爽..
費盡力氣+左右手交替..
食左隻蕉..體能免強應付得來~
後來先發覺我仍然用錯方法..
..真失敗..激死^^
中間加插有趣事..就係搞藏匿在樹中既皇蜂巢..
因為在園地正側方(之前曾經針到人,好彩無大礙)..
皇蜂成日飛來飛去好討厭..想鏟除牠..
而我想得多..有所顧忌..
一旦牠追黎係咪真係要跳落水呢..
電話、財物又在身上濕了就麻煩..
驚驚地..都係隔岸觀火..
去搵乾了既枯枝、乾蕉葉..傳遞放火之用~
煙火圍邊攻入樹中..
都不是想像中那麼多皇蜂飛出來..
結果樹亦燒得半死^^
勞動完一輪..最後打開了一張沙灘床..
向著有山..有水..有藍天白雲..
當然亦有清涼風吹送過來既地方趟著..
合上眼..真係爽..之前既辛苦都忘記哂~^^

下午到朋友義務工作既地方~
就係將半邊牆壁畫上畫~
我地過去看看有什麼可以幫幫手~
去到時朋友已經畫了大半日..
構思畫風景畫..上好底色..有天..有海..有雲..
我幫了很少..大一讀完過後都無正式畫過大型畫..
唔習慣..所以只畫了噴水鯨魚..呵呵..
那隻鯨魚重係小學時代畫過..翻炒..hehe..
我還未滿意..重細執添..都用左半個鐘以上..
填了太陽底色..同埋做一些剪紙手工既工作..~
希望不帶給朋友麻煩要再執啦^^

整日充實既安排~勁~hehe..攰中帶笑^^

Tuesday, October 17, 2006

平衡

我要學識平衡~
保持平常心、不能太過~
指太過細心..太過貼身..
太過甜只會漏~
不要令自己現在能做到!
一旦日後做不到,就會令人失望~
不可今日的太過,會成為日後的問題~

今後學習既課題~

Thursday, October 12, 2006

瑜伽班(十二) -- 完結篇~

最後一堂..亦係大家比較熟既一堂..
多左一兩句..haha..熱身後..
佢問有邊個報左進階..haha..
得我舉手..唔係幾好意思..手舉得唔高..haha
所以佢比左兩招係進階會學既我地試..

觀音3手式..其實都係上次個招"用腳聽電話"再加上去..
左手支撐在地,右手搖過後腦捉住左腳再撐向天..
做落一d都唔順..曲腳..一d都唔直..haha~
一路做..個個一路笑..因為好難做..好攰..
我就彈一句..係咪做唔到..唔駛升進階呢..haha~

另一式佢唔記得名..但唔算難~

完成整個初階課程,等11月進階又再開始~

Wednesday, October 11, 2006

曾經膽生毛事件~

有感而發...
記得打完第一份工想搵第二份工的那個時候~
去in一間做登TDC ad.既一份工..
當時只得一年工作經驗,我見果個係女manager!
我亦都只係帶我大一畢業作品去見工,
睇番d作品都唔知似乜..haha~
交談中都ok..佢就介紹番公司係d咩類型工作~
睇完profolio之後..

佢就講左一句..
[不過你無乜工作經驗喎...]
(我心諗..妳知喎..又見我)
我就彈左一句..
[妳唔請我,我邊有工作經驗呢?]
佢笑笑口,跟著我就安然咁走~

可能就係呢一句,我走左之後就收到電話可以開工..

跟著過了半年之後,
公司搞了本當時未留行既免費雜誌,
變左我地成日都要OT,搞到好夜,
咁我就係一個只有designer既會議結尾時...
就提出左需要OT pay既要求..
其餘兩個designer顎然..boss亦顎然..
boss聽完我解釋點解有咁既要求..
之後佢就話商量之後就答覆我(應該係答覆我地)..
當事場面係無人和議..無人反對...就咁就散會..
其餘designer就問我..點解唔通知聲..
(心諗..係喎..點解唔單聲呢..haha..
我只係諗..我爭取大圍褔利應該有人支持..haha)
我就係平時少說話多做事既..默默耕耘那類人..
做左野有人知有目共睹..所以無諗過要同人講..
其實係應該要講聲既..haha~
結果就係通過我見議..所有designer有OT pay..yeah~!
公司由無呢個制度變成有..haha..咁公司搵到大家好~
後來公司被人穿櫃筒底..損失慘重..公司要炒哂d人..
得番老神子重新黎過..我亦係要走既其中一個~
如果唔係都會做多年幾兩年..因為都做得幾開心~

轉工之後一年舊公司已經穩定起步,想再搵番我入去,
因為我係欣賞senior而想留低~但senior已經不回,
亦已經面目全非,所以都無回頭!

轉工之後~
做左五個月度..又係勁開OT..
又從施古技..向boss要求OT pay~
呢間公司重小人..只得我同另一個designer..
商量、商量之後..又報節..呵呵~
我都唔係無理既要求,真係做左野比佢睇到先再要求~
唔會一入去未做野就先要求..haha~

可能只係好彩..有可能比人炒都唔定~haha~
年少無知、不計後果~
一切都係未到2000既事~

Monday, October 09, 2006

今日又出擊~

人未醒..電話到..
衝呀..衝呀..!!

Friday, October 06, 2006

中秋

月既另一邊係點架呢...

疑幻似真的夢

夢境一開始就講手提電話,
接電話既係第一份工舊公司同事,
想問佢近況之際..
有人搶佢電話插把口埋黎!
一聽就知係舊呀head~
重講約緊以前既舊同事一齊黎,
講一d名原來我已經忘記左..呀慈同呀興..
我就up左一個第二間公司既人..呀深叔..haha
問佢幾時..佢就答2-5..無里頭..haha..

我開始留意番我身邊環境..
原來我坐住私家車前坐..
私機同後坐我唔記得係咩人..
總之係有人..重上斜停留係五金鋪門口..
咁我繼續講電話..

裡面既呀head重叫我抄低地址..
黃竹坑首富中心..
依...呢個唔係舊公司附近喎..
舊公司係葵興華星街喎...去到咁遠~
黃竹坑似係我第三份工有機會接觸既地方喎...一.一"

亂哂..跟著重醒埋..但仍然醒唔哂..
我重以為自己講僅電話..
重手執電話手勢講野..繼續問問題..haha~
死未..以為真實到咁..^^

Thursday, October 05, 2006

消息是[蟲]

由舊team等到新team,
最後個個都係fresh grad.
我有咁恐怖咩..有內鬼都無用..
終於安心繼續大包圍發展..haha

逆境氣勢強,
順境懶洋洋~

瑜伽班(十一) -- 耐力篇~

熱身後做一個"武士式"都無問題~
但跟著重要將兩手在背部雙掌合埋~
一合即時一邊手臂抽根~haha..
重要將身體彎向一邊腳..想死~
做完一邊..到另外一邊~

"艇式"就簡單d..
平訓面向天..腳提升30度..
身提升30度..手與地成平衡伸直..
hold住身體..鬥耐力~攰~

下星期最後一堂~

Monday, October 02, 2006

拜日果

寫法唔知岩唔岩,可能會好難理解~
由我呀嫲個代已經做緊呢個儀式~

呢個做法通常係當有病時,
個人無神無氣,老人家就認為撞到"污漕野"
咁就要諗番邊日開始生病,
再查查通勝個日時辰同方向,
知道之後就去"衣紙鋪"買一份衣紙,
內有一張畫了男孩的人像,
吐少許口水再放回那份衣紙內,
一併再晚上那段時辰期間..
向某一個方位去燒..整個過程便完成!

好神怪既傳統..但又要照上一代做..
做完病個位又無咩特別唔好..
佢地話好左..精神左..haha..
咪一樣有食藥..haha~