Tuesday, January 31, 2006

31-1-2006 晴 初二...值得紀念的事件--自摸~

真係不感相信...我原來都會識贏錢~
兩日都係咁贏~...好似食左ng一樣~
從前既我係一個黑仔王~
出世至今..無邊個親戚唔知我年年派錢~
表哥姊弟妹都好放心同我打麻雀~

但今日所發生既事~
完全不感想像係我身上發生!!
打麻雀...兩圈牌...
居然7次自摸...無聽錯...係7次自摸~
重要有2次係3番...5次係六番...!
如果唔係夠鐘起身食飯...
簡直佢地有多多錢都會清袋~

因為呢件事亦可能係唯一一次~
無橫財命既我...所以一定要記低佢...
暫時一生以來..第一個記錄~

Monday, January 30, 2006

搞什麼....腸胃炎一.一"

唔知咩事~初一就開始輕微肚瀉~
今晚頂唔順...都係唔好拖~睇醫生~
原來都唔係好多間24小時開~...
搵左兩、三間...終於搵到...
wow...要等十幾個先到~...!
睇完~肥膩野同奶類唔食得...
即係聽晚個餐睇住人食...無癮~

唉...廿九、初一所贏埋d錢...
大部份都攞黎睇醫生~...死未~
唔通真係財多身子弱~呵呵~

今年賭錢出奇地順...打破左黑仔王美譽~呵呵~

初一都收到下月既紅色炸蛋...
讀大一既同學仔終於有人結婚勒~
結婚既人重係我無預期他會咁快搶閘~
意外驚喜~睇黎做兄弟小不了~
大家聚埋從長計議先得~

Friday, January 27, 2006

新年發大財...殺..殺..殺...

新年發大財...殺個騙格不留..
大殺三方...攞番d讀書錢先~
年29,初1,初2,初3休市~
博殺緊要~暫時停業...
擇日開市~

Monday, January 23, 2006

回想起年宵灘位往事~

由於聽到一個電台節目係講年宵灘位...
所以令我回想起初出道時...
公司為出一本免費雜誌做勢...
而擺左一次年宵灘位~
以我所知亦係公司最多sales既一次~
但我地班切雞元為左準備一切~
就做到最pk...通頂同勁ot真係小不了~呵呵~
不過同事間既感情就最好~互相幫助~
搞灘位遊戲~舖位佈置~團結一心~好好玩~
目的最主要係要其他人認識有呢本雜誌~
setup好哂後~之後新年既事就交比前線既一班sales~
雖然我唔需要去幫手...但到左新年個日都走去玩...兼幫手~
整個新年過程都圓滿結束~

個本免費雜誌雖然無好收場~
因為有幾個sales夾埋穿櫃筒底~
結果令公司進入黑暗時代~
由零開始~
切雞元命運都係一樣~
我同另一位比較新~
所以boss私底下見我兩人...
佢都唔好意思但無辦法....
就好快離開這公司~

令我懷念起一起過既日子~

嫲嫲壽宴~

又到親戚聚埋既時候~
不過今年就無去酒樓搞~
係我嫲嫲家一齊食~
地點係近米埔附近一帶~
但又未到雀鳥保護區用禁區紙果度~

就買左兩個不同地方買既盤菜食~
嘩~好多肉~呵呵~肥豬腩肉好食呀~
間唔中食一次...haha...好食到震^^
食糕就親戚親手出馬~分兩層
上層就芒果,下層就栗子...
分四十幾件..呵呵~所以只可以試到小小~
我就試左栗子味~味到都唔差~

Saturday, January 21, 2006

華姐~

好耐無睇...
今次睇到一個樣子不是很突出...
但對答環節非常突出既13點~
語出驚人~流利~聽落去唔會比人一種刺耳感~
非常爽朗~說話明快~令3位主持都啞口無言~
佢都算係香港小姐或華姐的第一人~
大家有機會可以睇番~
係才藝表現之後個part~對答環節~
所以我覺得佢必入3甲...
一向有睇的話一定做評審既我...
不付眾望...結果攞到第3~呵呵~

我成家就因為佢~笑到眼淚水都標埋~

Friday, January 20, 2006

無神神...急call

5點幾收到boss聖旨...
星期六上去大陸見客開會!
shut~~...心諗...駛唔駛我呀~
成班designer係上面啦~
上到去幫唔到手之餘..重要坐係度悶~
搞到我和同事不知點算~
同事今晚即刻上去~
我就話要番學...又無回鄉證係身...明天早班車~
咁夜...係上面過夜咁凍...幾帶都推~
星期六麻~...一開完即刻標番落黎先得~呵呵~

Thursday, January 19, 2006

星期日~突然遇上!

星期日和朋友閒逛時...
在路上給我再遇見一位....
曾有好感的一位小學同學~
突然想起很多以往與她所發生既事^^
由於我每次見過一次新相識的朋友...
每個人既容貌都總會刻劃在我既腦海~
姓名可能唔記得...但容貌就一定唔會忘掉~
何況重係以前有好感的~
我相信經過時都只有我記得她~
我不夠膽上前去相應~
而且大家都有朋友在身邊.....

因為呢位同學仔是在小五先轉校過來...
她的表兄弟姊妹亦同時一齊讀....
她與表哥都是我的同班同學~
她表哥在校最熟的同學仔亦是我~
表哥既成績係最好既..又可能對他來說太淺..
所以那年已經取得第一名!
呵呵~我受監督之下...死讀爛讀先得第三...haha~

在同班我很少和她說話!(我亦不多話的人~呵呵)
畢業後和他聯絡都只是一年數次~
因為他已搬了九龍就讀中學~
慢慢大家都已經遺忘!

到了中二那年暑假...去了一間補習社補習~
點知再次碰見她在那兒~
但我仍然沒有什麼喜悅既神態給她看見~
只是說了數句..電話亦無問...就過了整個補習時間~
當時既我實在太細膽~

除了這位同學仔既事....
回想起...
原來我每個時期都會有一些有好感既人...
這不知是否暗戀?...是博愛?...定係念新忘舊~
可能每一樣都有一些~hehe~
有時都不分男女~都會有好感~呵呵~

有時在想...可唔可以約會一班...以前很要好的朋友...一同唱談一番呢?

Saturday, January 14, 2006

年廿八....前前前傳之大掃除~

今日放完工...搭車番屋企~
跟著諗起不如去食蛇lu...諗起都流口水~..hehe
就去左元朗一間都開到好夜...都好出名既蛇舖(恆香隔離)...
佢重有個餐比我揀...個餐有蛇匙...龜湯...海南雞飯~
一次過滿足我三個要求~...太好食勒~
佢重有d煲仔飯...不過要下先試到lu~

食飽飽就諗起不如去剪頭髮lu...
順個便就入左隔離附近剪~
嘩....好多人呀...未到新年都咁多人...
唔知係咪驚加價...
唔理都入去剪~等左一陣輪到我剪~
講完點剪...就佢有佢剪..我有我恰下...好快搞掂...
平平地又搞掂~..平過食餐蛇~...呵呵~

番到屋企..終於輪到今日正題大掃除~
注要都係清下我個垃圾房...同我細佬間房~...
因為佢間房都比我搞到七角咁亂~
一清之下...三大袋..裡面重有d係兩三年前既功課~
都幾過份下~...重有一堆封塵既書~...
執完都唔知可以維持幾耐就打回原形..呵呵~

總之有口褔...有出過力啦~

Saturday, January 07, 2006

呢個project順利攞credit^^

沙田勁大風..勁凍~好彩著羽絨..呵呵~
尋晚搬哂project番學校...
經過呀sir一輪審視和計分...
由於呀sir驚我地做唔齊或者唔pass!
所以會即時講出要補交乜野和分數...

燈櫈!!(配樂^^)...都可以孟車邊攞到個credit...哈哈
呀sir對住我都無話可說勒...!
補又係credit...唔補又係credit...咁唔好哂時間啦..haha
安樂哂!!

最後補交限期係星期一...其他同學請繼續努力衝刺...
兩日咋..希望大家最後都攞credit啦...加油!..加油!


PS一個消息係呀sir會教埋下半年....
收到另一個唔好既消息係...跟著要做兩個細project...
要兩個月內做哂...好緊迫...死僅...haha

Monday, January 02, 2006

突如其來的行山"鳥蛟藤至三椏村之旅"

尋晚深夜的一個決定!
亳無準備(應該話唔知準備d乜)
除了中二的一次行過八先嶺之後,就無玩過lu~

早起..因為我估計要1個半鐘先到大家集合地點!
所以決定去之後就即係訓..唔想無精神!
點之都係訓樣...遊雲一樣...haha

認識了幾位新朋友...食個早餐跟著出發!
沿途風景好靚..萬里無雲..被風吹得很舒服...
樹林、山野既翠綠色...令人非常鬆弛...
牛屎遍佈..要避來避去..好小心..好小心...
溪水流動聲...好舒適...吸一啖清新而少許濕潤氣味...
雖然我整焦都還未定神...說話更少得可憐...haha...
希望唔好介意啦!!^^

4個鐘既路程行到目的地...沒有太艱難既路...
沒有太高斜路...連汗都無乜出過...haha

路程完成後....走時只係有少少腳板軟軟既感覺...精神還算可以下^^
總括來講這個行程...平靜、輕鬆、新既體驗!

Sunday, January 01, 2006

睇左一個個人畫展+一套戲


jackman's 1st illustration exhibition

我從ty既介紹我睇左一個畫展!
名為[star in the sky]
佢簡述一個小男孩十歲生日當天,父母因交通意外而被帶走.
不知原因佢被帶到奇幻國度裡..
見到一對夫婦講比佢聽一個希望..
只要搵到時間樹..所有不幸既事都可以改變..
重返人間再團聚!

係佢既畫當中有一棵飄浮既時間樹,
會見到樹裡面分左4層,第1層係一個鐘..時間係顯示11:35分(我估)...
係代表一個充滿正面能量既時間...點解唔係剛好12點?
我覺得會係構圖上好看些..因為做開鐘錶既人都有幾個特定擺法!

第2層係一個男孩面譜
第3層係一個女性面譜
第4層係一個男性面譜
佢地係一個家庭..男性作為最底層有承擔、支柱既感覺.
大家打開著口..露出整齊既牙..開懷大笑...充滿著笑容..
眼睛係向上望...有一種稀奇歡欣既感覺...
三個人色彩都很豐富,
每幅都有好多耀眼既星星..係一群..有方向性...向上...好有活力、生動活潑
有的一大群衝出雲層...好似想帶給歡樂給其他人一樣...
有一張係那棵樹經由管道從口裡吹出一群好大既星星...
那樹係由家庭組成既...感覺係將家庭溫暖散播出去...感染世人...
有好多雲在每幅既最底層...有進入了天堂、仙境...無駒無束既感覺...沒有憂愁...

每幅都以黃色為主色...有歡欣同溫暖感...!!


一套戲...[情義我心知]
對黎明有d期望..不過都係失望!
佢所演繹既係輕度弱智人仕.
佢放大眼睛..無表情..用手找patpat就叫做扮左...一.一"
又勁重覆一句說話"係咪先"...
初初用都ok..用得太多就唔好囉..
杜汶澤就一貫作風..係多左同黎明搞d感情位...搞下笑咁啦..
情節就初段麻麻...中段至尾段好睇d囉...
可能黎明開始投入d..自然左d..好左少少
尾段有突然既事發生..劇情180度既改變...但短左少少...唔夠喉囉!
總括來可睇可唔睇!!