睇左一個個人畫展+一套戲
jackman's 1st illustration exhibition
我從ty既介紹我睇左一個畫展!
名為[star in the sky]
佢簡述一個小男孩十歲生日當天,父母因交通意外而被帶走.
不知原因佢被帶到奇幻國度裡..
見到一對夫婦講比佢聽一個希望..
只要搵到時間樹..所有不幸既事都可以改變..
重返人間再團聚!
係佢既畫當中有一棵飄浮既時間樹,
會見到樹裡面分左4層,第1層係一個鐘..時間係顯示11:35分(我估)...
係代表一個充滿正面能量既時間...點解唔係剛好12點?
我覺得會係構圖上好看些..因為做開鐘錶既人都有幾個特定擺法!
第2層係一個男孩面譜
第3層係一個女性面譜
第4層係一個男性面譜
佢地係一個家庭..男性作為最底層有承擔、支柱既感覺.
大家打開著口..露出整齊既牙..開懷大笑...充滿著笑容..
眼睛係向上望...有一種稀奇歡欣既感覺...
三個人色彩都很豐富,
每幅都有好多耀眼既星星..係一群..有方向性...向上...好有活力、生動活潑
有的一大群衝出雲層...好似想帶給歡樂給其他人一樣...
有一張係那棵樹經由管道從口裡吹出一群好大既星星...
那樹係由家庭組成既...感覺係將家庭溫暖散播出去...感染世人...
有好多雲在每幅既最底層...有進入了天堂、仙境...無駒無束既感覺...沒有憂愁...
每幅都以黃色為主色...有歡欣同溫暖感...!!
一套戲...[情義我心知]
對黎明有d期望..不過都係失望!
佢所演繹既係輕度弱智人仕.
佢放大眼睛..無表情..用手找patpat就叫做扮左...一.一"
又勁重覆一句說話"係咪先"...
初初用都ok..用得太多就唔好囉..
杜汶澤就一貫作風..係多左同黎明搞d感情位...搞下笑咁啦..
情節就初段麻麻...中段至尾段好睇d囉...
可能黎明開始投入d..自然左d..好左少少
尾段有突然既事發生..劇情180度既改變...但短左少少...唔夠喉囉!
總括來可睇可唔睇!!
posted by ivan @ 1:14 PM
9 Comments:
好多謝你介紹一個畫展!!
你簡述畫家的history, 我亦看到你blog 上去的一幅畫, 我亦有另一個睇法!!
~沒有時間顯示, 只感覺到時間向前行。以前我讀design 時, miss 教過為何廣告上的賣錶廣告多數會是顯示10點10分, 因為呢一個感覺會是向前行的感覺,因為是分圓的畫分位.. 而呢一位畫家,亦有顯示呢一個畫分位, 時間好似是8點50分,亦可能會是5點40分,但時間都不緊要, 只要俾人感覺是向前行。
~ 看到的三角人形樹,亦是畫家history講的家庭。一個家庭有爸爸,媽媽同仔仔。爸爸是一家之主,他是家庭中負責最大的責任,所以他是佔三角型中最大部分同最底部,接著是媽媽同仔仔.. 感覺爸爸保護老婆仔仔,而媽媽亦愛護仔仔。為何我會講是樹, 因為三角形底部有樹根的,感覺畫家想呢一家能安穩下快樂。
~ 因為他們的快樂發出呢一個能量, 可見爸爸口中吹出的喇叭管,經過好似電制位.. 發放耀眼的星星,形成一棵樹形,包圍自己家庭。而且星星樹佔畫比例亦好多,呢一個行為亦包圍了畫家的心靈。
~大大耀眼的星星比月亮為之璀璨大棵,形成強烈的對比。
以上是我的個人感想, 希望各界都有同樣感受!!
只係覺得d畫幾好睇
所以想去睇
我要等埋人至一齊去
你去唔去多次呀？hahaa
ty
如果妳地決定好日子同時間...
可以睇下有無撞期..
無當然無問題啦...hehe
你地去多次??
幾時完
水晶
未知..等回覆!
JACK
22-1-06前都未完
stars in the sky條Link
http://mansiu007.mysinablog.com/index.php
等埋我去啦﹗
估唔到你睇完d畫有咁多感想~
Post a Comment
<< Home