simple....is my life!

26號去左一個烏龍人度觀禮及飲宴...笑料百出^^

wedding card
一對未受洗既教徒...haha...但確實又行左去教堂舉行^^

因為新娘係我舊同事...所以都係同行...wedding card佢都係自己搞自己印!

晨咁早出發去新娘子樓下,因為有旅遊巴接送,講到明8點前會走...去到點解唔見車既????
唔通我遲到???一個人都無喎...重有成十分鐘喎...車呢??本來唔想打擾佢咁忙都唔得...

問佢點解無車..開左呀??..佢話唔係掛我都未走喎...佢問番佢d姊妹原來8點後先到!!...
你唔好上黎勒好多人呀...你企一陣啦!!.....早响麻!!趕餐死...一.一"
點知企左一陣...嘩!!..兩部旅遊巴咁多...我眼見周圍得少貓三四隻...一部都好似多左...
重要一部泊係東..一部泊係西..無人企係度安排既??
我咪走去問私機囉...私機答...去邊唔知呀..只係知駛部車過黎咋!!..咁都得!!
唉...我見車周圍個d似是而非既人...眼望望....我咪好心行埋佢地到問下係唔係去教堂呀...
係就上車啦....好似搞到自己係搞手安排個位咁...haha...大會真係呀..點做野架!!

可以開車去勒....竟然去到西貢...個私機先話唔識去喎...唔好玩啦一.一"
又入錯路口勒...!!

終於去到教堂勒...見到自己d舊同事勒....傾左一陣典禮就開始!
成part行禮過程都好亂呀...
音樂時有..時無啦
個花女拋花停左好耐無行啦....阻住行唔到啦...
個譚牧師一d都唔pro啦...好輕挑..又亂講野...好似一次做證婚人咁!
最好笑係新娘係講我願意既台詞中....都係跟新郎子一樣用個 "娶" 字啦^^
係每做一樣野都要停三秒..望住攝影師...比佢影啦...唔駛下下都望鏡頭掛...haha
新娘重來都無提過係孖生....佢家姊論身形、樣臉、高度都一模一樣...唔著婚紗一定認唔出^^

到左拍照時間....我係新娘朋友....嘩...要排到14咁耐...唯有同同事傾著等時間過啦!

到左夜晚飲宴...一度被人放飛機...熟既同事無到..得番d唔算熟但又識既人....悶死...
唔到重要托我比禮...男女家都有..佢地真係呀...無d誠意...haha
等影相又要輪到最後...haha...
新娘新郎因為工作關係...有4枱分別係太陽報、成報、星島同明報...haha...
我地因為人數唔多...都坐埋去成報個邊...變左成報同事...重比人影埋相...haha^^轉左工有證有據....
好彩d野都幾好食..算啦...haha^^

點都好...老套d都要講句.....祝兩位新婚快樂、白頭到老、永結同心!!

posted by ivan @ 11:36 AM