Monday, February 20, 2006

同學仔星期日的大喜日子!~長篇大論~

接到order做兄弟~
幾忙都好~當然義不容辭~
雖然每次問新郎~
有咩可以幫手~
有咩要安排即管出聲~
但新郎都係講~好簡單~無咩野搞~
哦~真係咁簡單~
佢send左一個簡略既時間表~
全都以半個鐘為限~
可以去完成整個流程~
咁堅~haha~

都唔算太早7點起身~但早上有雨~好凍~
原本預早少少約另一位朋友一齊上去~
當時間到時~佢先打比我話自己打的去..趕唔切~
好彩我用左d無聊時間去搵一搵正確地點~
諗住唔駛兩個人走去搵係邊~haha~
咁我接電話後就直接上去新郎家~
識左成十年都係第一次正式上佢屋企~
大日子~恭喜說話少不了
交低人情,接過開工利是都差不多要出發~
新郎房好多模型~但已經封了成吋厚塵~haha~
好多車書~相機~同一部G4~
佢同佢妹妹似到十足十佢老豆~一個餅印咁~haha
突然有個女人按門鐘入黎~係一個化妝師~
以為係新娘個邊既~但又無理由咁遲呀~定係跟我車過去呀~
點知原來係佢媽媽既化妝師~haha搞錯哂^^
準備好~落到樓下等埋一個兄弟到~立刻出發~

兄弟團陣容:
三個大一同學,
一個佢中學同學(佢形容係飲奶大既兄弟)
再加一個伴郎表弟~
一行五人伴隨新郎~
陣容單薄~豪無聲勢~haha

由於攝影師係新娘家,
所以去到先佈置花車~
一邊被錄影師、同攝影相拍攝~
佈置既時候已經無雨~但勁大風~
攝影師為左要安排一個影相靚d既地方~
令我地不斷被烈風侵襲~不停打冷震、流鼻水~
重要做訪問同介紹~一對住鏡頭~
我好似講左野~但又好似無講過野咁..唔知講乜haha~

好~迎戰新娘~^^
大家事先無溝通過~亦無什麼策略~都係煮到黎就食~haha~
去到門口第一件事先要比一封我地遲到既利是~
haha~呢個時間表唔遲到有鬼啦~

入到屋第一關係--甜
食片糖加cream~(對我黎講呢關食甜野唔難~無問題~)
當然都唔會扮好好食既樣比佢地睇到啦~

第二關做sit up食蕉~
蕉要用口開埋去食~
要搵兩個去迎戰~
當然我唔會逞強話我去做啦~
猜包剪搥~公平~haha~唔駛我做~
只係側邊幫手扶下蕉、又扶下腰~haha~

第三關係--酸
搵兩個每人飲一大杯新鮮既連皮檸檬汁~
有人上~又唔駛我飲~haha~(對我黎講要飲都唔難~)

第四關係--苦
搵兩個每人飲一大杯新鮮既苦瓜汁~
呢個我上啦~(中藥我以前一向都飲開~無難度啦~)

第五關係--辣
每人食一塊~三層梳打餅內加滿介辣餅乾一舊
試左一口之後~都唔係好難食咋喎~haha~

第六關係--四條紅絲帶會有一條正確纏著一張愛的宣言,其餘三條係罰~
又唔知點解係咪玩野~抽唔中~haha~

問題1~係問新娘身份號碼幾號?
新郎答錯左最尾個號碼~
第一個係罰--食貓糧罐頭~
嚇死~其實都只係吞拿魚罐頭換左面頭招紙~
呢關指定要新郎上再加一位兄弟~
當然就由一個將會結婚同學仔頂上~
講到明你而家幫我頂~到時我又幫你頂~haha
合緊交杯手勢义比對方食~

問題2~係問新娘中學時,最鍾意邊個歌星?
新郎答左黎明,原來係劉德華~
第二個係罰--每人食一塊提子包(呢個無咩野啦~)

問題3唔記得左~haha
第三個係罰--食沙糖(功夫茶杯大的杯裝滿~)
由一個兄弟一啖食哂~hehe佢鍾意食甜野~

終於抽到愛的宣言咭一張~
跟住落黎當然交比新郎show off~
都係成口蛋卷係口一路讀~
又話要聽得清楚個隻啦~
順利接到新娘~
大功告成~

跟住落黎就係女家敬酒儀式~
返男家~返女家~再返男家~
來來回回~好眼訓~
咁就到12點半兄弟姊妹食飯時間~
食完飯之後都2點~
空閒時間又唔多..要走的話一來一回都用幾多時間~
所以都係繼續跟隨~
亦都有好多緍紗用既野幫手攞~

5點幾到會場~
朗豪坊三樓粵江春細就細左d,
但感覺都算係舒服~
四四正正咁都放到十圍,
但只係另外有六圍放係轉角位~
令人覺得個六圍與世隔絕~
只聽到台上聲音~不見到人~

接到新任務~兄弟個邊要交人做mc~
吓.....mc.....唔係搵左人咩~
新郎哥話原本係新娘有個fd做架~
不過有事唔黎得~要我地幫手~
我地當然無人逞強啦~
一來毫無準備~又無台詞~
我就更加唔係講野既人啦~
重要係咁既場合~實出醜啦~
因為賓客唔會知~又唔會理你~
係咪第一次或時間唔夠~
只知mc表演好定唔好~
令新郎緍宴失禮親戚~我唔想做~
咁唯有唔分比邊一個做mc勒~
四個都要做呢一part啦~
立刻埋頭苦幹作台詞~
又要問經理出場整個流程~
大家都好大壓力..haha~辛苦過比姊妹玩~
我地就用兩個男mc打頭陣、兩個係中斷玩遊戲個part~
我當然唔打頭陣個part啦,因為要有好既開始啦~
姊妹就講解遊戲玩法個part
(其實姊妹本身講野咁流利,佢地做mc就最岩~haha)
因為係寫台詞個陣,
佢地不斷講要點改、要點做、流程應該係咁~
口才一流啦~駛鬼我地咩~
終於搞好台詞..對好哂稿~
都已經7點幾~開始有影相時間~

因為新郎都請左大一好多同學仔,
所以我地似舊生聚舊一樣~
同新郎影相就一定有啦~
但台下我地個個同學都不斷攞相機出黎自己影相~
當然我地三個少可有得見到著既西裝友~
就都係目標人物啦~呵呵~
有一個同學專登一落機趕黎飲~
都已經好比面~haha~
所以我地都好過份~
新娘每次換衫後~
都同我地全體大一影大合照~影左3次~haha^^
男女家主人唔知會唔會唔高興呢?hehe

晚宴正式開始~
除之而來混亂亦正式開始~
安排坐位張表無帶黎~d人坐得好亂~
唯有叫兩邊比較熟既親戚去安排~
因為我地唔識佢親戚好難搞~
安頓好哂~
mc正式開始逐一介紹~
當然先黎VCD投射~
依...點解有聲無野睇一.一"
初初以為係投射機要等一陣先有畫面~
即刻搶救~歷時3分鐘~原來鬆左線~
好~終於有野睇~開始..開始..~
片段好溫馨、好好笑~
佢細過已經係咁既樣~haha~
睇完~新人進場~我同另一位兄弟兩邊放皺紙禮炮~
一路走位放炮~兩人各放左三支~
支炮威力好勁,連天花吊燈都有皺紙碎~
吊燈都鈴鈴地響~^^
三次之後耳仔都有d鳴~haha~
最後個兩炮應該係mc放既~
但佢地緊張講台詞就唔記得左~haha~
向大家祝酒後一切正常~

敬酒後~又再繼續玩新郎新娘環節開始~
派出一張紙、一支筆比每一台~
等佢地寫祝福語比一對新人~
如果抽中會有禮物送給佢地~
咁我地就玩住第二個遊戲先~一陣再收回~
要2分鐘限定時間內~
問台下賓客攞9條皮帶、19個1毫字~
雖然1毫字超過~但只得7條皮帶~haha罰~
1分鐘內飲一支可樂~要聽到有"氣"出番黎~
點知飲左兩支先有~haha
第三個遊戲唱歌比新娘聽~
無問題啦~
收番祝福語再選出黎鍾意既,送出禮物~hehe
第四個遊戲用三條絲帶~
預三個不同高度~
要佢預先做一連串動作過三條絲帶~
再矇上眼再做一次~haha~
矇上之後跟本再無絲帶~只係玩佢~
最後再黎一次大聲讀愛的宣言比賓客聽~
開心時間又過勒~
遊戲結束~
食完最後甜品~
緍宴進程亦都到左尾聲~
盡慶而散~

本來我有兩三句台詞係應該遊戲結尾講~
由於高興僅既姊妹最後攞咪講個幾句有d似我講既野~
所以我就無再講~haha~逃過一劫~
點解無提及姊妹係點~其實都提左..haha~


祝一對新人新婚快樂~夫妻和睦~恩恩愛愛~^^

Sunday, February 12, 2006

造老西

時間過得太快~
經我呀媽提及~係喎~
下星期日已經係2月19日..
我朋友大喜日子喎!
成日下意識以為未到既..未到既..邊有咁快呀~
唉~好朋友張請帖都重係我手~
拿拿臨撥個輪..約佢出黎比帖佢~
順便問下佢有無時間幫下眼~
佢一口就答應..佢覺得帖攞唔攞都係其次~
反而有興趣同我玩揀衫~
買衫真係女人既天性~呵呵~
答應就最好不過啦~
始終男同女所揀既眼光都唔同~
佢重雀躍過我~
佢話~識咁耐都未見過我地班野著西裝~
應該好搞笑~如果佢唔係女仔..
所以無得做兄弟的話..
以佢性格就一定會襯熱鬧~玩餐飽~

一向都無一套正式既西裝~
因為以往都無機會穿著~
工作性質又唔需要~

尋日下半晝既旅程就開始左~
尖沙咀大搜索~預左價錢~鎖定幾間目標~
為左要先有個印象~搵一間抽樣試衫褲~
睇下適唔適合我著~因為聯想始終有差異~

佢開始發覺..開始知道..我點解好少同人一齊行街時會買野~
因為整個旅程都唔覺我有意欲揀衫~買野~
旁人睇埋我地度..就覺得我地好似..
佢迫緊我揀衫~迫緊我買野咁~
無意見不特止~毫無表情~
重有好重既睡意~眼無神~成個訓樣~
佢情緒重高漲過我~haha
我還比一般男性購意欲還要低~
激死佢~感覺就似係佢買野..多過我買野~
當然佢無買過一樣野啦~
佢已經對我用好大既容忍度~
無任何不耐煩既態度比我睇~
呵呵~呢個朋友真係唔話得啦~

經過大約三個鐘頭搜索~
已經有收成~不過~都要過幾日改好褲先有得攞~
跟著坐係茶餐廳食下野...
說話內容當中..有一part當然係事後檢討啦~
檢討既當然係我既[購買的行為意欲]

在等候試褲途中有一段少趣事~
話說個間野試身室只得一間..要輪流等試..
坐著等了大約10分鐘..有位女仕身型不高..試黑色絲質褲..
當然褲一定會..長好多..一定要修短~
女仕就要求售貨員是旦攞一對3"高踭鞋佢試..
睇下要將褲修改幾長~度僅之時就問左一句(好普通的問)~
[小姐..妳係咪會keep住著]..佢答[係]^^
當時情形我同朋友都覺得好好笑~當然無笑出聲啦~
著呢d絲質褲..如果唔著鞋就會拖哂地..又無得摺起..
公眾場所無得除鞋~呵呵~

本人購買模式係..
經過見到鍾意既野..
會睇到覺得幾型、幾靚的話..
再會聯想自己著..會幾好睇喎~
(同真實永遠相差很遠~呵呵)
併兩併、望兩望~
岩就出手、唔岩就走~
試過一兩件的話..好似唔係幾好意思咁~
就總有一兩樣帶走~
同埋多數會係同一間..直落買哂要買既野~
當然都會有失手啦~haha~
同人一齊買野..我重有一個唔好既習慣..
就係會依賴左別人既眼光~
就變得無所謂~

今次特別鳴謝好朋友~
抽出寶貴時間幫我去揀~
容忍~包容~thanks~
請食飯少不了~^^
不過睇怕妳都怕左同我買野~

Friday, February 10, 2006

大出血...PC新機

諗左好耐...真係好耐...
聽取各方好友意見...
決定唔買Notebook(做3d都未夠好)...
都係裝部家用PC~

為配合功課進度!
(一相情願..覺得機快..人更快~呵呵)
終於尋晚搵埋舊同事去黃金~
買電腦零件裝一部新電腦~
因為舊同事係IT部..
一向電腦零件價格知得最清楚~
交情亦算唔錯~(雖然個個同事我都差唔多~呵呵)
佢既鼎力相助~真係萬分感謝~
相信星期日就可以有新機用~

P4 ~ 3.0 ~ 1GB ram ~ 80G harddisk ~ DVD +/-RW ~
LCD 17" TOPCON mon(送mouse & keyboard)
新機殼+火牛
全套不需6000蚊~
希望大派用場~
肉痛..大出血..呵呵~

Thursday, February 09, 2006

lunch隔離枱的八卦事~

今日食lunch時候
隔離枱坐滿一班年約50歲時人仕~
有的西裝骨骨..有的臉圓肚脹~
個個都笑容滿面~談得興高采烈~
都唔算八卦...因為都幾大聲~呵呵~

傾既係什麼呢?...
原來係一班中學開始相識...很久無見~
haha..你係1B班麻...佢係2C班先識...
重記得影校相你企邊排...重記得你當時既樣...
哈哈..一人一句...開心到極~

原來時間係咁快過~
重有無機會重遇一大班中學同學呢...甚至小學呢?..呵呵^^

憨豆與港產片

上大陸坐旅遊巴期間,看到一套憨豆既短篇趣劇~
因為佢樣子傻,做甚麼動作都可以令人笑~
天生既本錢,做回自己已經攞滿分~
到昨晚回程時,看到另一套港產片,名為"皆大歡喜"~
應該係90年代初既搞笑片種~
有林子祥、毛舜君、吳君如、黃百鳴、
肥肥、丸仔、李婉華、安德尊...
講述有錢佬用一筆錢..搵醫院代辦借種生仔~
又因為醫院保密..而搞出好多笑料~
十足十賀歲片咁~人材鼎盛~
黃百鳴係裡面有d搞笑橋段~
確實同憨豆橋段係一樣~
憨豆駛唔駛抄得咁足呢~呵呵

Sunday, February 05, 2006

喜喜~

今年唔通係好年~
食一餐飯~連接雙喜~
我d朋友唔通夾埋~hehe
做兄弟呢次小不了~
結緍兩個都要互做兄弟..^^
一對拍左拖7年...
另一對拍左10年...
拍左真係唔短既日子...
結緍又係另一個新開始~
預祝兩對新人百年好合、永結同心!

呵呵~d姊妹唔知得唔得呢~^^
d兄弟叫唔好抱咁大期望~
新郎更係要去check真d...haha~

Wednesday, February 01, 2006

家族每年習俗 -- 求簽~

每年我家族都會新年去黃大仙求簽~
又因我爺爺仙遊後..各分神位自行處理!
就變成近幾年自家之事!

自身~
黃大仙靈簽第九十五簽--中上簽
古人-女媧煉石補天

功勤一簣可成山
由少而多莫憚煩
作事畏辛今汝畫
補天煉石亦無難

搵開既解簽廟祝講:有功勞。但莫過度操勞,則成果更大、更健康。

即係辛苦命~苦得黎有果~呵呵~

開工大吉~

唉..大電視~眼訓~...
裝兩次香..11點拜完神...
收開工利是...正式開工~
.........
.........
等放工~呵呵~