有小小既趣事
每清早有一班頭班巴士在我那邊開出,所以有得坐...好方便!
但趣事就出現左...
由於我想方便落車同有時會睇下書,
都會選擇下層某一、兩個位係經常坐,
好似小學生坐校巴坐僅左位咁...hehe
就係咁..好奇怪經常有一個3、40歲既女性會坐左我隔離位!
個樣有三成似"大塊田"
初初都唔為意...一星期都坐左兩、三次...
以為無乜位所以先坐,
而家發覺佢就算有好多位都會坐係我隔離位 一.一"
應該唔會係痴或傻既...或者可能我係坐左佢以前坐開既位...haha
令我想起另一個問題!
有d人鍾意一上車會選擇坐係某人隔離,
有d人鍾意坐係有兩個空位位置,
有d人坐僅一個位置,就算無都要坐佢側邊,
有d人一上車就只係睇有無位...有位即坐個隻!
亦有人唔理下面有幾多位....都直衝上上層!
唔知係咩心態??
我就鍾意揀有兩個空位..
因為坐另一邊個個永遠都唔知係邊個..
有d博彩心理...坐既係好就好...唔好都幾難頂^^
不過過程係最有趣!!
posted by ivan @ 9:00 AM
5 Comments:
呵呵~ 我多數會係直衝上上層!!
因為我本身會易暈車浪... 望遠景係最好。所以上層位置就最好啦~ 望野會遠d.....
而且有得選擇我都會選窗口位同無咁曬的位置坐...
而我平時早上坐火車.. 都有坐梗某幾個位置.. 而周圍人都是日日都會見面的..
雖然我同日日見到面的人都不認識.. 但可能真是日日都見面關係, 好似有D親切感架!!
坐位你都可以想咁多理論... 犀利!!
我同你一樣，通常都會坐樓下，因為懶得行上樓上，又方便落車&睇書。有得揀我實唔會同人一齊坐，果個女人有d騎呢，可能你生得好似佢個舊情人or失散多年既仔？哈哈！
k-k
我諗多過做呀麻...haha
aa....唔會掛...
我明明見到佢行到個空位
都突然轉彎坐番係我隔離!
不過佢好似好安心訓覺就真^^
哈.咁佢可能想「借借你肩膊」，貪你好肉地乎？哈哈
aa...我肩膊無乜肉地..骨參參就真..
有都係晒肚腩..唔通要訓大脾^^..haha
Post a Comment
<< Home