simple....is my life!: 07/01/2006

Monday, July 31, 2006

骨灰"變"鑽石~

看過台灣綜藝節目"我猜我猜我猜猜猜"~
原來有公司係幫人將骨灰變鑽石~
係點做出黎架呢?

將300cc骨灰,
用1600度以上高溫,
20萬噸壓力加壓,
20星期後...
就會變成一塊未打磨既原石~
打磨後就變成一棵鑽石~

一粒0.2分既鑽石,
需要台幣11萬5千元~^^
勁~

Thursday, July 27, 2006

元朗大馬路個間 -- 刀削麵....真係削

今日終於食過...秘製冬菇刀削麵(小辣)+紅豆冰~
我個人覺得佢既刀削麵太厚..
無彈性..我好似食僅乾麵粉咁..
重好似得個辣字..唔好食..
佢既小辣我都食唔到..辣到飛起..鼻水勁標~
冬菇又吸收哂d辣汁..所以重辣~
諗住都重有個紅豆冰補數..點知..
連個"紅豆冰"都有問題..
佢既紅豆唔係正常硬同軟既問題~
係跟本紅豆係無味..食落欄欄既感覺..無豆味..
連甜味都無..

我就即刻問侍應..
係咪d紅豆有問題呢..無味既
侍應係廚房試一口紅豆..
佢就話新鮮紅豆係咁架..
無加糖份..係原味..一味話新鮮係咁架..
係咩...我從未食過囉(心聲:淡而難食~)...
都係紅豆有甜味既好..
侍應話咁你杯野夠唔夠甜呀..要唔要加糖水比你呀...
我杯野夠甜..唔駛加勒(心聲:我跟本唔係指呢樣..係紅豆呀..算啦..)

真係好難食...連紅豆都食唔到..慘~

初上瑜伽班第一堂~

勁少人上我呢班~數埋導師7個~
4個C奶+2個後生(連導師)
前一個時間既人好full咁樣~
咁我就上得輕鬆好多..無人阻..整唔到人~
雖然導師好靜..只係講每一個步驟..
就咩都無講勒..
例如邊一下有咩好處之類既說話..
就一d都無提~
唔通導師太後生無經驗教..
後生都係憑眼去估..haha..
教法係點都係言之尚早~

我問佢應該壓腿時點呼吸~
佢話自然d就得~咁即係點自然呢~
我壓住腿好辛苦下喎~吸唔到喎~haha~
雖然無即時解答我..
下堂後都補番講比我聽幾句..
就係呼8下、吸8下..
或呼16下...盡量呼比吸好~

我做某d動作好容易抽根..
例如日本式坐~
連壓腿都有震過猫王咁~haha
導師重係後面加壓..
驚我唔死..haha
貢橋腰又無力..
自己再練練先得~^^

就係因為"靜"既關係~
我聽到隔離班係上英文堂~重係初班~
聽到玩遊戲~paper~stone~scissor~
同埋capital letter & small letter既遊戲~
我好似玩埋一份..haha~..
環境聲令我太難專心~haha~
咁好似順便學埋英文咁喎~

Wednesday, July 26, 2006

加菲~第一集~

因為睇左第二集~所以有興趣睇番加菲第一集~
睇完只覺第二集好..咁即係有進步啦^^
雖然都係劉青雲配音~
但係好笑情度無之後既咁高~
動畫技術都看出好多漏洞~
有d位唔太自然~
可能戲院同屋企睇又爭少少都唔定~haha~

Tuesday, July 25, 2006

看了兩套舊電影~

妖夜尋狼之魔間叛徒~
承接第一集既尾段...
都係講彊屍與人狼既問題..
而男主偏偏成為混合體~
我唔係好明有時講到好勁..
有時又講到好無能..慢到死..
好多野都避唔到~
咁鬼慢..駛鬼變人狼咩~
放左創造者既第一代人狼出黎..
又講話會天下大亂..唔覺喎~
連山洞都未出..就屎鬼左..無用~

獨家試愛~
因為之前dl左國語版所以無心機動~
但今次搵到廣東話版..當然補番數~hehe~
算係有d笑料~
方力申同鄧麗欣係幾襯咁喎~
尾段都令人傷感既場面~

中段有d疑惑~
就係方力申收到一個電話~
就去左以前幫佢補課既夢中情人度~
當女方醉到瀾泥咁~
重要求方力申幫佢換睡衣~
咁既要求...佢照做..佢都可以把持得住喎~
形造正人軍子形象~
重要幫佢沬野、熨衫~
真係做戲咁做~
我覺得無理由唔出事囉..haha~

Sunday, July 23, 2006

巴士巧遇甘草^^

在巴士上巧遇6年前認識的一位甘草演員hudson~
因為公司關係而認識~
佢應該斷斷續續都做左無線廿幾年~
三線演員~茹慕蓮個類~
不過茹慕蓮都出名過佢~
聽佢名唔會知佢係邊個..
但見到又會熟口熟面~係呀邊個邊個~
主要角色都會係做d有名譽、有地位,個格似~
浮浮沉沉,都未紅過~連一小段時間都未上過位~
佢連自己經營時業都未好過~都算慘~
不過係佢眼中係enjoy啦~
可能佢覺得已經係成功都未定~

我今次遇上佢,就想起當年一件趣事^^

話說6年前佢拍一套叫"廉政先鋒XXXX"
我就如常夜晚追電視劇~
咁見到咁岩個集有hudson演出,
我咪指比我屋企人聽..
依..呢個我認識喎..
咁大家就開始注意劇情發展~
留意佢演個角色做得好唔好~
場戲講到汽車追逐..
追左幾條公路..就被欄截停車..
即時拖hudson出黎..
伏在車前..跟住..

我地成家人大笑..
笑到肚痛..笑到停唔到..

點解會笑???
係廉署個個人講左一句..
"咪沃..黃XX你已經被捕勒"..haha..

佢用左我全名去做呢個角色呀..haha..
我先諗番起佢有一次無端端問我叫咩名~
我重以為佢想認識我添..頂..
係都做個好d既角色先用呀..
重要比人捉..失驚無神比人咁叫~haha~

Saturday, July 22, 2006

[二人餐]2006音樂劇場 -- 原來係極品~

這套講述由一個早餐而製造出一對小情人發生既故事~
無諗過咁精彩~
台上佈置有如一個現代餐廳~
以白色、綠色為主..簡潔~
台既左邊係一隊現場band~
有電子琴、結他、小提琴、小型手拍鼓(唔知叫咩名)~
有一個旁述兼演員在開始到每一小節都作故事介紹~
現場音樂伴奏,唔係唱經典歌、唔係唱時代曲...
原創歌曲+抵死歌詞...非常得意同好聽~(爭d幫襯買隻cd添~)
每個演員唱歌真係有番咁上下~
一對由小情侶..到分手..又再復合..直到老~
生活上既情侶對話非常好笑..
講一陣、又唱一陣..非常過癮..
旁述那位演員中間重加插..教整芝士蛋糕~搞笑~
無中場休息..直落一氣呵成~good~
每個演員都十分出色~
值得回味~

可惜佢爆哂場、無飛賣...
或者有機會加場..請大家密切注意下~值得推介^^
http://www.trinitytheatre.org/

佢另外一套新劇亦即將上演~
原用大部份演員..亦應該精彩~
叫"20出頭復刻版"

講述..70's出生 80's成長 90's迷失方向
親愛的[七字頭],2006繼續回味我們的快樂時代!

8月1日開始受票~留意~haha~

Friday, July 21, 2006

聽、講英文的方法~

miss話齋無捷徑,
中國人學中文都唔會由grammar學起~
先識講中文~
不過佢過去外國讀書時,
大學有一套英文聽、講方法,
專比亞洲人過去讀書來使用~
就係用"電影帶"聽英文既方法,
唔係睇電影,而係聽~
想訓練腦部接受自然既真人原聲~
聽與講地道既英語~
因為睇會影響你追看電影而忽略原意~
電影好處就係有背景音樂墊底,
所以唔會覺悶同好容易眼訓~(親身試過~)
市面有呢類電影mp3既帶連書出現~(見圖明珠台有做過~)
亦有卡通電影mp3帶連書~(蟻哥正傳)
"尚書房"有得買,旺角西洋菜街都有三間~
雖然係簡體書~但學英文簡體都只係中文解釋部份~
又唔係貴~幾十蚊有交易~重想點~

學習方法係:
1.先分每一頁去聽,每頁都聽數百次或更多,
其實聽到熟都ok~
2.繼而跟住讀,跟節奏起伏,亦都讀到能跟得上為止,
每頁都分有左為英、右為英文解釋~
3.跟住就係背,如果之前兩個步驟有做好,
呢一部份好快就會背上,都係背到正所謂"唸口往"就ok~
跟住可以下一頁..如此類推..
咁樣做最少三個月或以上先會見效~
每日用多少時間隨便各下~

此類方法有效幫助學習~
我會用時間親身去試,體驗奇積出現~
堅持~堅持~堅持~堅持~堅持~
不達目標、心不死!
希望成為今年送比自己最好既生日禮物~hehe~

Thursday, July 20, 2006

(那個衰人)Agent的一個來電~

Agent: hi..ivan~點呀練得好麻~(親切既聲線)
ii: 哦..都係咁啦~..重未得呀~(識飛咩幾星期~)
Agent: 係呀..係d咩course呀..駛唔駛幫手呀~
ii: 哦..係d練生字同鈴聽方法..有進步架不過又未去到個個情度..得架勒..唔該~
Agent: 咁練好左話比我聽喎..佢呢個post重有係度架~
ii: 哦..ok無問題~
Agent: 咁我都同佢傾下睇下有無d其它freelance比你做下啦~
ii: 哦..ok~
Agent: 哦..Flamingo(3D軟件)你自己學架?
ii: 係呀~
Agent: 咁呀..我有d野想問下你意見呀(開始入正題)
ii: 係咩事呢?(知有d野)
Agent: 佢裡面個同事都係識Rhino+3D Max(3D軟件),
而Flamingo(3D軟件)佢都唔識,佢自己想學又無方法,上網又無呢d資料,
佢係街賣電腦書地方搵過又無,想問下有d咩好方法呢?(尾巴終於露出黎~)
ii: 無架..電腦書地方無架..香港人唔玩呢個軟件架..
你就算問佢,佢都唔知你講乜架!
Agent: 係呀..咁點學呢?
ii: 都係上網睇下..搵下..自己研究下架咋..(遊花園)
Agent: 哦..係咁..咁唔該你呀~(親切既聲線)..
我地保持聯絡呀..果度有消息我再話番比你聽呀~
ii: 好..唔該喎~(多X謝哂)
................
...........

扮哂野..以為前言既關心可以遮掩到狐狸尾巴..
想搵我笨..想吐我料..
講比你聽我重有得企~
自己搵唔到方法..又請唔到人..
就打黎向我入手..
我已經好好人咁話~
香港係唔會搵到一本書係講個套軟件~
已經好大提示~人至義盡~
飛起我都唔想你咁容易搵到~呵呵
明知台灣有出呢本書,都唔話比你聽..
個本書唔會留入香港~呵呵~
有本事自己搵~
就算上網搵到都無得買..
連網上都清倉~呵呵~
有本事過台灣搵~頂你~

熱日炎炎~正好係游水好時機^^

今日天色不錯~好曬~好熱~
最好就係游水~呵呵~

今日勁~來來回回不停站咁游~
hehe~2000米~最叻今次~^^
重有力去..但好多o靚仔學游水~都係夠皮~
反正一落水目標就係2000米~
出左泳池頂唔順~都係...去食甜品~
去左附近以前出名既"鴻記甜品"..
但已改名為"表姐甜品"..

叫左我未試過既新野~(果樣野應該唔新係我少叫食~)
榴槤飄香~...呵呵~
好味..有一片片既冰塊..
有西油粒..濃濃既榴槤香味..
一流..又凍又爽^^
我鍾意食榴槤..
我比十分~呵呵~

我又報左樣新野~瑜伽班~呵呵~
試下睇下有幾好玩~
460蚊12節,每星期上一堂,每節1.5小時,
玩足三個月~都抵到闌啦~
睇下可唔可以做到roadshow個條油仔咁~
肚皮內臟大羅移先得~haha~

Sunday, July 16, 2006

睇完爺爺與情人舞台劇~^^

整套感覺都算滿意~
呢套唔係反映時下青年問題、唔係反映社會問題~
係一套時空交錯、轉轉接接既關係~
呢套唔屬於現代既時代背景~
可能坐邊位未能太直接觀看~
但只係爭少少..因為我直程伏在欄杆..由高處向下看..haha~
重見到"焦緩"到場觀看~我諗起美女廚房~^^
套劇情節表達上帶少少傷感...
因為個年青人不斷遊歷自己人生..
呢一分鐘既出現..下一分鐘既消失..
連佢自己都唔知想去邊..
無朋友..無人明白佢..以為佢傻~
佢可以見到自己既未來~
可以見到老了既自己~
同劇中所有人既交錯關係~
演員我比較鍾意佢個仔既演出~
打工那個女人誇得比較唔自然~haha~

整套劇3個鐘~
起碼無望錶就已經到半場~

Saturday, July 15, 2006

在網上看到最後成績~^^

總算係我預期賽果~
yeah!!~credit~
無願問鼎distinction美夢~
因為都有很多方面需要反思~
最後三個分都達7字頭,
都算係高!對得起自己!

自知未盡全力,去得不夠盡~
因為我比人早了一個月完成~
其實有好多時間去改良~hehe~
希望日後能更投入去做~
不受太多自我限制!
應該懷著開心心情,
創造自我人生的道路~

同學們有需要請到這裡看:
https://www3.vtc.edu.hk/SWS/login.jsp

Thursday, July 13, 2006

法國人教你讀牌子名

Posted in: 潮流玩物, 時尚, 電台, podcast @ 2005年11月08日
http://lady.mocasting.com/p/19474

節目內所提及品牌：

Gucci
Yves Saint Laurent
Louis Vuitton
Le Coq Sportif
Christian Dior
Chanel
Lancome
Bally
Hermes
Lacoste
Loreal
Clarins
L’occitane
Chole
Agnes b
Chevignon
Guerlain
Morgan
Kenzo

http://www.frenchpodclass.com/

楊鐵樑敎發音~
http://www.rthk.org.hk/elearning/yangtl/studyroom_topic2_p2.htm

Tuesday, July 11, 2006

分享 -- 利用mind map圖簡單介紹tense應用形式~

如果想利用mind map畫任何圖,有五個地方要注意:
1.每一層都分開不同顏色;
2.線條由粗至糼;
3.線條要波浪紋;
4.一幅圖內圖像與文字比例相若;
5.黑色線會令人印象深刻,所以我放在最外層。

Present tense:
有四個情況~
A1 習慣性既野,例如每焦都刷牙,食早餐...
A2 真理及是實,例如太陽從東方昇起...
A3 而家講僅既野,例如幫我開窗,講野細聲d...
A4 感覺到既野,例如妳件衫好靚,妳睇落好瘦...

Present Continuous tense:
有兩個情況~
B1 而家做僅既動作,例如行僅山,洗僅碗,跳僅舞..
B2 成長僅都係..不過就少人係呢方面用..

Present Perfect tense:
C 之前開始睇僅本書,但岩岩完左..又或者尋日唔見左銀包,但今日搵番左...

Present Perfect Continuous tense:
D 之前開始睇,到今日睇左100頁,本書重未完,重會繼續睇...

Past tense:
有兩個情況~
E1 最簡單就有碟牛丸,跟住食哂...
E2 一d無可能會係既野,例如我係你,我就會打佢..因為我無可能變係你...
但如果話我減左肥,我就會中六合彩...雖然未必會,但有可能發生,所以不是用past tense...

Past Continuous tense:
有兩個情況~
F1 講明之前時間已經開始左件事,例如尋晚8點開始溫習(含意著今日都在溫僅)...
F2 我尋晚一入屋,見到我呀媽重洗僅碗...第一件事開始,見到第二件事重進行僅..
不會兩句都用進行式,就要看邊件事重要或較長,個件事就可以用進行式,另一件事可用過去式便可...

Past Perfect tense:
G 我嘔完屎,就會去食屎..haha.好核特..指明第一件事完,第二件事就開始...

Past Perfect Continuous tense:
H 呢個情況會係小說,故事先會用到...因為在過去再分段在進行既動作...平常人很少用到...

Future tense:
I 無固定時間性...我將會結婚...

Future Continuous tense:
J 比較肯定d...我下年結婚...

Future Perfect tense:
K 將會做某件事,期間發生既...我下年結婚前,BB會出世..

Future Perfect Continuous tense:
L 將會做某件事,期間發生並繼續進行...我下年結婚前,我開始照顧BB..
因為結婚後亦會繼續照顧..

**只作簡單介紹情況運用,還要多練習看句子會更加明白**

記英文生字 -- 新方法~

點樣將生字容易記入腦~
1.重點係想像 -- 腦海中要有畫面,唔需要好清楚望到腦中影像,只係印象!
2.做成故事 -- 串成自己容易想起既故事!

故事格式:(字既讀法)+(解釋)
想好左既故事,要寫低,因為開始時,會容易改左原先既故事~

如果想連"串字"都想一次過學識埋,就以下格式:
故事格式:(字既讀法)+(將生字分開成已經認識既字)+(解釋)
比較複雜,同埋容易亂次序,未必適合每個人!

練習方式:假若每日設定為十個生字
第一日十個...
第二日先重溫十個...再加十個..
第三日重溫之前廿個...再加十個..
如此類推~

有人會問,咪會越堆越多時,要用好多時間去溫之前學過既~
係會..但最早學既生字,幾次重溫後會已經可以好快咁記到,熟左就唔駛溫!

點為之熟?
一望就會知讀法和解釋...例如boy..一講你就會知點讀點解..就ok~
熟左既唔需要即時重溫,但要兩星期或一個月後重溫多一次便可~

溫極都諗唔到點算?
可能會有人溫左三次都唔係好記得,咁就要一日溫兩次個故事,
因為右腦圖像很少運用所致~

例句1:
napkin - 用字既讀法+解釋~串成一個故事~
nap(讀音叻)kin(勤)
生字解釋係餐巾
故事:呀叻同克勤卦住餐巾食海鮮~(呢個故事大家要在腦中想象成畫面)
要望住生字去諗個畫面~
故事要寫低~
呢個比較簡單,比大家容易理解個方法~
讀音係邊度搵,可以上yahoo字典,有埋發音都幾準~

例句2:
participate - 用(字既讀法)+(將生字分開成已經認識既字)+(解釋)
大約讀音:劈、出事、皮
生字解釋係參加
故事:雷(劈)落地(出事),
(皮)膚擦傷,但參加賽事部分(part)既IC都壞左,
我(i)腦袋(pate)諗唔到方法解決

所以三樣串埋做故事比較困難,用腦諗就會好快,寫出黎就好長!
呢個participate你可以分開自己會識既字就得~
可能係art..可能ici(電視廣告)...可能pate加多個L變左plate(碟)
總之係自己一眼望去就覺得點分就點分...
因為係你地自己記..用自己識就一定容易記..
故事無話好定唔好..岩自己就得~

大家可以試下玩下..當為一個樂趣玩下亦無況~

康熙來了 -- 30/6個一集~訪問江華

係訪問開始..佢既說話似是而非~
都唔知係講真..定講笑~
光華答問題一向都無堎兩可~

佢話係麥潔文當年追佢....
又話係屋企係赤裸裸...
仔女又睇慣左..
連菲庸都睇慣左..
一.一"...真係得咩???
講既時候又笑又眨眼~
都唔知真定假~

麥潔文尾段一出..
終於解開疑惑~
佢話係真~無講大話~
(其實係咪連佢都係講僅大話~haha)
重要麥潔文話係玩係鼓掌之中..haha~

Monday, July 10, 2006

鬼域~

好耐無睇既鬼片~
李心潔其實定定地個神態..
都已經好恐怖~
本來一路睇都有d驚驚地~
但故事既發展比我覺得佢太投入思想創作..
有d神經過敏..自己虛構幻象~
開始唔覺得佢真係見到鬼~
加上特技..女鬼飄在半空飛行動作太假~
怪物造型又麻麻~嚇唔到人~
後半段已經無咩好驚~haha~
有頭無尾唔掂...或者睇完頭塲可以散場~haha

尾段只係帶出所有棄置既創作..鬼魂..
甚至死去既胎兒..都會去到一個奇異空間~
無人知..亦無人理~

加菲~

加菲同環境既真實感~
留意加菲太陽既陰影..
反射既倒影..
雖然都重見到有d位都無反影到..
都係好少好少既問題~
唔影響成場戲~
仍然融合得天衣無縫~
加上劉青雲既抵死配音..一絕~
大人細路歡笑不盡~
好睇!

Sunday, July 09, 2006

香港先生 -- 失敗~

佢地d專長嚇死人..奇差~
比人睇到..醜囉~

1號黃長發
唱歌跳舞..無音樂感..
去到高音唱唔到..有部份歌詞又唔記得..算點先~
原來再睇落去..佢已經係最好個個~

4號梁國賢
一身發達肌肉..做埋d打打殺殺既野..係好勁呀..
但女性唔岩呢..睇場合黎做呀..成場一d笑容都無~殺父仇人咩~
抵你得廿幾票~

6號黃家樂
扮哂藝術家..專長係兩件衫噴兩下..就叫玫瑰~
大家一睇就知細路都識啦..有咩特別呀~
影衰哂~

10號蕭卓明
扮打排球...女仔打都有人睇..男仔no la..唔work架~
打個幾下..睇唔到你有咩長處囉..第一part得廿幾分..抵你啦~
好彩你後面個part好少少咋~

11號王天就
諗住好似上年個個咁..但人地係彈鋼琴..你就彈大提琴..
只係聽到你彈一堆快既音樂..又低音..跟本就唔知你彈乜..
都好彩做番兩下摩術補番數~..唉..一早表演摩術乜野分都攞番哂啦~

其他都唔想提~
佢地都唔係路~諗下先表演啦~
真係要睇你d專長咩~
要迎合女性口味而做先得麻~

到答問題環節 -- dodo姐、丘凱敏、周汶琪
dodo姐問題係問..三位靚女唔鍾意男人以下無邊一種~
1.無錢 2.無頭髮 3.無能

擺明陰你地啦~
一d都唔識答..比人彈番一句就口啞啞~
連周汶淇都玩死妳地..一句我好鍾意光頭~
即刻無人答得番~
點呀...答得出,唔係解釋得到先答咩~

dodo擺明講呢個"無能",就唔係個個"無能"
重要話dodo姐要過無錢唔得..重唔比佢插死~
時間唔係咁少實玩死你地~全部都無口才~
上年都見有呢part,今年就醒少少啦~

墨魚...係邊一.一"

無奶油...成晚都無...
只係賞月~
魚毛都無條~
重諗住做足準備著黑衫...
haha..無運~

只係幫人解左一條魚..
滑溜溜..佢重插住隻眼..
好難解..善哉善哉..
令佢好痛苦...
最後佢又唔知點..跳開左搞掂...
隻手好鯹..~

都係實際填肚好過..
坐船上層..風好大...爽~

Wednesday, July 05, 2006

橫觀直看打斜Look舞台劇 <~~~一.一"

唉~...個名好有時代感...
乜7、80年代係咁既咩??
佢點解唔將現代感加入劇裡面呀!
說話文質彬彬..爭在未講之曰..

面熟個兩位演員一男一女..
演情侶反而演得唔好...
男既做人仔..但個樣老過坐輪椅既呀爸~
可能就係佢地想套劇滑稽之處~...但唔work囉~
說話浮誇得很~
女既就著網球衫背心短裙..但佢腳好粗..甲組腳~
佢成日想做S形姿勢..唔覺得佢做到囉~^^
演得作狀唔自然~

做得比較好係另外三位演員~兩男一女

一位坐輪椅男既..演爸爸..中氣十足..
可以keep住熊厚有力既聲線..
情緒激動...半個鐘以上都面不改容

另一位男既..演有名既專欄作家又係佢唐兄~
想重拾兄弟情~算ok~

有一位女既..演媳婦..大陸落黎..keep住鄉下音演出~
佢演釋既愛..係全付出..重係一頓一頓的愛..所以唔得閒理人地愛唔愛佢~
佢單純思想亦有d呀Q..成日要好偉大拯救佢個仔..佢應為老公無左佢一事無成~
又比老爺睇死..成日為佢討回公道~交出父親既愛~
成套劇佢係演得唔錯既一個~

旁白聲本來都無問題~但佢加上粵語長片既音樂襯托..好難頂~

故事演釋實在太舊~無番新過~
唔通7、80年代...真係咁~

揀錯劇種睇...厄左..失敗~

simple....is my life!