初上瑜伽班第一堂~
勁少人上我呢班~數埋導師7個~4個C奶+2個後生(連導師)
前一個時間既人好full咁樣~
咁我就上得輕鬆好多..無人阻..整唔到人~
雖然導師好靜..只係講每一個步驟..
就咩都無講勒..
例如邊一下有咩好處之類既說話..
就一d都無提~
唔通導師太後生無經驗教..
後生都係憑眼去估..haha..
教法係點都係言之尚早~
我問佢應該壓腿時點呼吸~
佢話自然d就得~咁即係點自然呢~
我壓住腿好辛苦下喎~吸唔到喎~haha~
雖然無即時解答我..
下堂後都補番講比我聽幾句..
就係呼8下、吸8下..
或呼16下...盡量呼比吸好~
我做某d動作好容易抽根..
例如日本式坐~
連壓腿都有震過猫王咁~haha
導師重係後面加壓..
驚我唔死..haha
貢橋腰又無力..
自己再練練先得~^^
就係因為"靜"既關係~
我聽到隔離班係上英文堂~重係初班~
聽到玩遊戲~paper~stone~scissor~
同埋capital letter & small letter既遊戲~
我好似玩埋一份..haha~..
環境聲令我太難專心~haha~
咁好似順便學埋英文咁喎~
posted by ivan @ 12:08 AM
15 Comments:
有d搞笑 "佢話自然d就得~咁即係點自然呢~
我壓住腿好辛苦下喎~吸唔到喎", "導師重係後面加壓..驚我唔死" 我諗起roadshow拉肚皮果下野....
be蛋爸~
你玩僅剪接呀^^
想搞左第二個意思出黎咁喎~
乜原來好少人..
我仲以為一定好多人啦..
你學咩時間,咩地點呀?
crystal~
我咁遲報都重有成10個位..
就知有咁既一日~
8:30pm..大埔~
你甘老重玩瑜伽....
你個miss 好搞野喎!!後生女無經驗??我第一堂成堂教點呼吸! 咩都無做過.. 只是撓腳坐.. 吸氣呼氣咋!!
"連壓腿都震過猫王" "貢橋腰又無力" 哈哈~ 笑死我啦~ 唔知邊個之前串我腰無力!
給個少少貼士你, miss教我地靜心咁吸氣呼氣要你個心留意自己的呼吸,吸氣時慢慢的肚脹,呼時是慢慢出, 仲有呼吸全是用鼻的。yoga 好多動作要運用呼吸。仲有, 有d動作不要太過免強去做(可能有時見人地落得好低,自己又唔得)... 緊記,你不是比賽! 明嗎!!
有無靚女先...haha
哈~ 我都想知個 MISS靚唔靚女,如果靚女既,教得差d都仲可以接受~
我都玩過一排yoga, 點樣8吸8呼..? 有呢d方法既咩 ??
m~
就係老先要做呀..
唔係過唔到最尾個幾年..
早登極樂..haha~
姬絲~
無喎..一開波就做..唔係我問下佢~
佢可能無諗住講添呀..haha
不過就每一個動作之後都會休息2分鐘到~
haha..妳唔係腰無力..係無腰~haha好唔同架~
呼吸佢叫係用鼻吸、口呼喎..方法有d出入~
壓住好難做到吸喎..佢叫盡量呼~
haha..我唔係同人鬥..我係同自己鬥喎..
我實會做到為止喎...haha...
jack~
無..前一個時間可能有..
因為見到d人出黎~
小魚~
哦..咁樣界定就接受唔到囉~
普通女仔一個..又唔可以講話醜~
佢個樣好呆...我地做動作..
佢就開始呆...多句說話都無..haha~
呢個方法?咁我唔知喎我係初哥黎咋喎..
佢咁做我咁寫咋..點知8吸8呼有無喎..
我又唔會先睇書然後先去學喎..haha~
希望無出事啦..~
你有冇得轉班架 ? 你話上一班有靚女嘛~哈哈~
岩岩睇到,你朋友姬絲講既呼吸法好岩丫~記住用肚呼吸~
我都冇玩好耐啦,因為堂堂都玩「橫字馬」,我又做唔到, 好灰心呢~~~
小魚~
上一班full哂~整定無緣~
ok~試試啦~
橫字馬..唔幾時先得喎~haha~
肯練無話唔得卦~除非無mood再玩啦..haha~
我估你係其中一個C拉!
下次是飯一下啲愚瓜蕉sick黎睇下呀!
隨處摸~
無提及..都比你發覺到~haha~
有成績先算啦..haha...~
咪得你一個男丁? 會唔會有d尷尬呢? ...哈哈
藍海星~
無喎~又唔係好多人..haha~
如果30幾人得我一個可能會~
全班係男我重驚..haha~
Post a Comment
<< Home