simple....is my life!: 06/01/2005

新挑戰

呢份工對我黎講係好大既挑戰^^
要滿足我呀頭都好難,唔係想像中咁易!!
雖然做得比較吃力...亦都可能未完全適應!
我會盡能力做得比較好!!
起碼就算比人抄都無不甘心呀...haha

要考ISO...一.一"

聽到11月全公司都要考ISO...死..
未考過...盡力而為啦^^

書名:[創造生命的奇蹟] you can heal your life

作者 :露易絲*賀(Louise L . Hay)
年介７０幾到!
聽電台介紹的一本書...暢銷左30幾年!!
類似心靈雞湯個類...
教人去改變..自己以為已經不可能改變想法的人去睇都幾岩架!
還有講述疾病在那部位出現..都是從某種內心想法所形成!
對自療有另一種想法!
即管睇睇^^

今日IVE呀Mic打電話比我．．．
話我公司打比佢叫佢聽日上去見工＾＾
向我吐料．．．聽完佢驚我間公司唔穩陣！
而家諗僅聽日上唔上黎見．．haha
世界真係細!!

第一日番"新工"^^

嘩..原來耐無番工...無咩做過都好累!!
可能要正正經經無得旭...其他人又唔係好識!!
做野就唔多...都係畫下野咁啦!!

不過佢地就用"手指印"打咭,
幾得意呀^^
我望過我呀頭做過d野..sketch、design之類...好掂喎
無跟錯人呀^^(個樣同性格有d似IVE Eric添)
一句講晒"親切"!!

今日會去睇"頭文字D"...^^

睇下係咪真係片頭咁好睇先!

"大一"舊同學聚會

hehe...講起都成十幾年既事...
一年都係見兩三次....維持到今日!
中途已經無再見既都只係兩三個...
大家都算係咁...行埋一齊都有傾有講有笑!
我雖然始終都係最少野講既一個....^^
大家都已經習慣左我性格同態度....
朋友就係咁..都係互相忍讓同體諒^^

不過做咁多年,我都唔係好明一件事!
由"大一"開始我都會係一組人當中做一個帶領者既身份!
甚至在公司內亦然...我係覺奇怪架...我比佢地既感覺就係感樣!
自問識野又唔多...幾細膽(個樣無表現出黎)...又無一樣好突出既才能...
比較內向(雖比以前好左d).....樣樣都係中度水平...唔太好又未去到太差^^
我亦沒有要求做領導者...其實都唔想添...我唔覺得無滿足感...
所以以前往往係公司都覺得好無助...無人比我問又無呀頭!
每一樣都要自己去解決....碰好多釘....
錯過好多次(幾大單都有)...我d經驗真係係碰釘得番黎架!
難度個天真係要我當領導者??
好似逃避唔到??
唔做得唔得呀!!

失敗左添....^^

雖然R&D sale manager對我唔錯!
但睇黎chief designer對我d野無興趣...一.一"
失敗多...下星期應該無機會second in...
可以死左條心....專心做我既baby product^^

哎呀...出事!!

好地地去見工..
點知搭巴士中途....
私機位個擋風玻璃烈左...一.一"
攪到中途轉車又大雨....遲晒到(好彩打左電話比佢講聲先)
重行錯樓...正衰招牌比佢陰到!!
...衰格!!

電筒間野上六樓要搭貨鎳...無客鎳(好舊..夜d都幾恐怖)
雖然遲到...係見既過程都傾得好好應該都無乜問題!
佢重星期六番長短週..雖無雙糧..人工高過BB產品個間!
但一聽到佢要求每個星期比三張新design rendening!!!
好密喎...頭一兩個月重有機...但長此下去比唔比到咁多全新野呀!!
一年成144幅....我睇我做得到都做唔長一.一"
只係畫又唔駛跟埋整個生產過程...我學唔到野之餘...
比佢好似吸血鬼咁...吸乾吸淨...
一出唔到新design.....就炒我...再請人...真無良!!
用到咁盡...雖然唔駛返大陸...都係唔好攪我..決定佢請都唔做啦^^

估唔到IVE呀Mic都見過呢間...佢唔做既原因就係個貨鎳..haha

好....明天中午見埋最後一間consumer Electronic Products
呢間得就最好啦...返5日工..少返大陸....有雙糧..福利又好...haha好運希望降臨^^
咁就真係有定案...做邊間!!!

中午去見另一份新工^^

係新浦崗一間做電筒既公司,
工業區黎既...
又係無web-site,
web-site咁普遍都無...一.一"

今次已有一份工係手既我,穩陣....
當然再高價挑戰一下...haha,
唔係對唔住自己呀^^

講好玩情度,應該係嬰兒產品好玩d!

突然收到電話佢叫我開工喎一.一"

唔駛second in就可以星期一返工....有d驚添
應該唔會融左既...haha

開始有得interview....哈哈

終於開齋..見第一份工!
係一間嬰兒用品公司
專門做BB手推車、其次係BB搖床、老人家扶助椅、
重有少量既手推鏟車都有!

公司規模唔大...大概中型以下!
公司大約不足廿個人,
但都有4個product designer!
人少d、人士無咁複雜!都好既!

主要銷售係英國某大連鎖店(佢話)
唔需要係香港擺fair(咁就真舒服..haha)
d客唔駛搵...老闆d朋友或者自己走上門...
所以做唔晒...要請多d人手....懶勁!

佢比我覺得..我機會好大好快有得second in!
雖然都要返大陸跟番自己d projects
我覺得都有野學...人工又唔錯^^
不過有少少笨左..點解?...因為聽佢既語氣佢老闆對人工無乜所謂!
哎呀!..總之當時寫高多少少一.一"...hehe而家都好意!

總括:佢肯請、我肯做....haha

父親節

父親節都係飲下茶,
食番一盅兩件...當然我請客啦~
咁早都好多人下...等5、6張枱先有!

新工少左!!

呢輪無乜新工添...
開始慢番落黎...
又繼續long long vacation....haha

又落雨...日復日...

雨永遠都死唔斷氣...落一陣又陽光...
今年雨水真多...天氣極之反常...
搵一日整日好天都好艱難!

睇完IVE夜校作品

HD year 2
高sir教既都有番咁上下,
聽佢講有三個丁添^^!
各人能力都見得下人!

HC year 2
呢班就慘lu....
任教既係poly出黎既miss重係讀完書無幾耐個隻!
睇見佢地做既野...就真係等佢地慘.
都唔知有幾多人可以升到班添!
重可以用中文黎做project...miss係咪有心整估
有d重做得一個project~
講份量、講質數都不及我地上一年HC year 2畢業作品!
因為我地重比當年既HD year 2都不相上下!!

黎僅呢年都唔知邊個教...高sir唔教...今年既林sir又話唔教....
hehe...佢地可能教我地教到火都黎埋...我地又真係好麻煩既一班~
好多個都有自己主見(幾自我)....幾唔依照常規做事...
唔好理但佢又確確實實做到成績比你睇!
呀sir少d料...都比佢地寸死...教得唔好又整封信比主任投訴...
你話死唔死...haha

今晚返IVE欣賞今屆畢業既"External Assignment"

睇下好唔好先~
希望唔好似poly咁啦!

競龍舟大日子

我IVE既同學呀信,
佢今日為公司出賽"撐龍舟",
希望佢成功啦!!!!
(雖然我諗佢份人都係參與多過用力撐)...haha
anyway好既體驗!
(哎呀...大公司真多野玩^^)

天氣...Good!!

今日好熱...終於無落雨勒....天氣唔錯~
最好游泳、食雪榚...haha..

簡體書 : 產品創意設計 Carl Liu Design Book

尋晚無意中在大陸書店發現!
...勁高興(年青人術語)
全本係product sketch book真係好掂!!
極力推介!

簡體書名 : 產品創意設計 Carl Liu Design Book
編著 : 劉傳凱出版社 : 中國青年出版社
價值 : $166 (有機會第二間會平D,但我搵唔到有)

書店名 : 尚書房有限公司 Sino-Books Limited
地點如下 :中環域多利皇后街12號1樓 Tel : 2869 1799
銅鑼灣怡和街8號廣安大廈1樓D室 Tel : 2972 2187
沙田新城市廣場第一期273 Tel : 2602 0120
灣仔莊士敦道104號1樓(地鐵A3出口) Tel : 2803 5038
旺角山東街47-51號星際城市210-211,223&236(地鐵E2出口) Tel : 2782 0503,2782 0177
荃灣青山道299號荃豐中心地下A46-47 Tel : 2416 6923
旺角西洋菜街南63號1樓(地鐵D3出口) Tel : 2395 6228
旺角西洋菜街南48號1樓(地鐵E2出口) Tel : 2770 8826
屯門時代廣場南翼地下20A-20B鋪 Tel : 2459 9088
E-mail:master@tybook.com.hk
URL:http://www.tybook.com.hk

開始留意"搵工"

今日見到一兩份5 days工作,
即刻send CV去試試!
希望有得in啦~

今早做完Gym好攰!

一時興起...自己走左去"理工"睇 grad show

不是想像中好....整體水準一般!
今次去...我特別留意佢地既sketch!
得一兩個還可以,其餘大部份都很差!
rendening就大部份都好好!
research就勁多!
個model佢地有d真係好落本會好真實、有d當然好差啦!
構思上就欠缺在使用者既角度
(有d我都睇唔過眼寫左d意見係佢本野度)
因為我見本野有好多人都寫不設實際既說話同埋只有讚嘆!
都無實際既意見,對設計者本身毫無助益!
有兩三個designer我都好欣賞!

等我睇埋自己學校就可以得出今年既結論^^

理工設計系畢業展 -- PUPA SHOW 2005

PUPA SHOW 2005
展期 : 28-5-05至7-6-05
時間 : 10:00am - 8:00pm
場館 : 香港理工大學設計系
設計學文憑課 : A122室
多媒體設計與科技高級文憑課程 : A104-108室
產品創新科技高級文憑課程 : GH110室
設計學副學士課程 : GH101、GH102室

有時間大家都去欣賞下啦~

今年最後的一堂

上埋今晚整個HD year 1就結束,
每次都有d依依不捨...
因為跟著幾個月生活作息會好唔同!
話晒每個星期都會見到一班同學仔..
雖然唔係個個都很熟識...
亦不及HC year 1那麼融洽好玩...
停下來總係有d唔習慣!

13-6-2005 晚上8:30後
將會有HC year 2 & HD year 2擺放展品在校內(沙田IVE)!
辛苦左一年既成績大家可以欣賞下~
我地year 1個班當然都有派6個代表出去擺放...hehe...無我架!
我當日都會番去欣賞下,
因為下年到我地HD year 2畢業!
睇下自己可唔可以達到佢地而家year 2既標準或者超過呢....haha

我記得我地HC year 2畢業時的作品，
已經超越左當時HD year 2既畢業生(我指夜校)
令我地呀sir增光不少!
立刻由原本教HC year 2畢業生轉為教HD year 2畢業生
hehe...唔係因為呀sir教得好!
而真係我個班太多勁人走埋一齊!
我呢d走埋去只係小毛見大毛．
我諗我處於中游位置...未算太好亦未算太差!
亦都好高興識到呢一班同學^^

柔閑的一天

無壓力...無急趕...
可以放下心頭...
可以放低任何精力...

只用靜靜既心望出窗外!
猛烈陽光照著公園翠綠的樹...
樹木隨風擺動...蟾在叫....
放下任何思想....
看著天上白雲...呆坐著!

我所追求的都只是.....舒服~

今晚"Internal Assignment"

隨左補堂...今晚算係最後一晚!
希望唔好揀中我擺External Assignment啦!
如果唔係攞黎攞去...都好麻煩~

simple....is my life!

Thursday, June 30, 2005

新挑戰

Wednesday, June 29, 2005

要考ISO...一.一"

Tuesday, June 28, 2005

書名:[創造生命的奇蹟] you can heal your life

Monday, June 27, 2005

第一日番"新工"^^

Sunday, June 26, 2005

今日會去睇"頭文字D"...^^

Saturday, June 25, 2005

"大一"舊同學聚會

Friday, June 24, 2005

失敗左添....^^

Thursday, June 23, 2005

哎呀...出事!!

中午去見另一份新工^^

Wednesday, June 22, 2005

突然收到電話佢叫我開工喎一.一"

開始有得interview....哈哈

Sunday, June 19, 2005

父親節

Friday, June 17, 2005

新工少左!!

Wednesday, June 15, 2005

又落雨...日復日...

Tuesday, June 14, 2005

睇完IVE夜校作品

Monday, June 13, 2005

今晚返IVE欣賞今屆畢業既"External Assignment"

Saturday, June 11, 2005

競龍舟大日子

Friday, June 10, 2005

天氣...Good!!

Wednesday, June 08, 2005

簡體書 : 產品創意設計 Carl Liu Design Book

Monday, June 06, 2005

開始留意"搵工"

Saturday, June 04, 2005

一時興起...自己走左去"理工"睇 grad show

理工設計系畢業展 -- PUPA SHOW 2005

Friday, June 03, 2005

今年最後的一堂

Thursday, June 02, 2005

柔閑的一天

Wednesday, June 01, 2005

今晚"Internal Assignment"

About Me

Links

Previous Posts

Archives