"大一"舊同學聚會
hehe...講起都成十幾年既事...一年都係見兩三次....維持到今日!
中途已經無再見既都只係兩三個...
大家都算係咁...行埋一齊都有傾有講有笑!
我雖然始終都係最少野講既一個....^^
大家都已經習慣左我性格同態度....
朋友就係咁..都係互相忍讓同體諒^^
不過做咁多年,我都唔係好明一件事!
由"大一"開始我都會係一組人當中做一個帶領者既身份!
甚至在公司內亦然...我係覺奇怪架...我比佢地既感覺就係感樣!
自問識野又唔多...幾細膽(個樣無表現出黎)...又無一樣好突出既才能...
比較內向(雖比以前好左d).....樣樣都係中度水平...唔太好又未去到太差^^
我亦沒有要求做領導者...其實都唔想添...我唔覺得無滿足感...
所以以前往往係公司都覺得好無助...無人比我問又無呀頭!
每一樣都要自己去解決....碰好多釘....
錯過好多次(幾大單都有)...我d經驗真係係碰釘得番黎架!
難度個天真係要我當領導者??
好似逃避唔到??
唔做得唔得呀!!
posted by ivan @ 10:00 AM
7 Comments:
你都幾好呀,仲keep到D大一同學,我果D都
散晒唔知去晒邊
:)
可能就係因為你有以上的條件,比人覺得你無機心,所以突別令人信任,係優點黎家
:)
我一齊個班都重係呢一行呀^^
機心又唔係話無既...
只係人大左識諗左覺得無乜必要咁樣做咋!!
我細時都壞過、做錯過...
咩事就唔好提勒...hehe
識番轉頭...而家唔係咪得囉...
車總有機會駛錯路既!!
而家過得簡單d、隨心所欲d就ok架勒!
其它既一步一步黎啦...唔急既^^
相由心生 睇你個樣都唔壞得去邊啦
hehe...
你未聽過做奸既,個樣未必係奸咩!^^
高手先係內外不一架^^
做戲先係個樣奸先係做奸人咋..
因為做戲先要表達你知佢係壞人...haha
咦...jack,你識睇相咖？哈哈！
aa..佢有牌架...講笑^^
佢額頭度刻住好人兩個字,唔識睇相都知佢係好人啦.
:)
Post a Comment
<< Home