聚賢居 - 樓盤廣告
近排成日見到係街到有呢個樓盤廣告...
一係係中午時見佢係維多利亞海港上空,
用直升機拉著有三層樓咁大的布,
係上空盤旋一圈,上面當然寫著聚賢居雞拿咁大隻字啦^^!
一係就三部鮮色既跑車,坐著靚女model,
擺哂post...好似木頭咁沃都唔沃^^...又真係幾靚既...
不過當日好曬...佢地曬死...haha
爭在我未係電視見到佢廣告...亦都可能我少睇唔覺..haha^^
大肚婆^^
今早開始發現最初搭巴士好多時坐我側邊既女仕,
已經係大肚婆勒...以前都覺佢有肚腩...原來唔係^^
因為而家坐側邊個個已經換左兩、三個lu...haha
*功課要搵既資料真係好難搵...以為中央圖書館好容易搵到啦...
點知有d一係唔係中央、一係就太舊註銷左....把鬼...用左好多時間去搵...一.一"
中秋賞月一.一"
一大班親戚..老老嫩嫩..都會係呢個時間在"米埔"聚守一堂,
人數大概可以坐滿三張大枱有多...^^
我都做左人呀伯幾年...老勒....有姪仔勒...
晨早飲茶搵位都總算唔係太難...
一班人高高興興有講有笑...嘻嘻哈哈...
其間既時間...大人就去打麻雀...
細路既就咩都玩得一餐...
只係知佢地玩得開心..但就唔知玩僅乜!
我呢d大又唔輪到...話細又唔係既...
就只好倍下F.4、F.5既表弟妹玩下卑牌...打下麻雀咁啦^^
哎呀成晚都係落著雨...時有時無...又搵唔到月亮...點賞月呀一.一"
唯有在空地有縫既地方...擺陣^^
好多生果都有...但d卑皮月餅...咖啡芝士味好難食...
樣樣試d....好飽.....^^
目送我"手機8210"最後一程^^
由佢最風光時買入...經過六年既陪伴...佢老勒!
由最初我一買佢就聾左...要搵人修理!
佢一時時盲左...我搵人修理!..
以前有時熟人修理...重唔駛錢添^^
佢氣力重一年差過一年!
要訓好多時間先可用得唔夠一個鐘!
亦都不離不棄的繼續陪伴著我!
到了上兩個月...佢終於患了心臟病!
悉心照料之下....還表面風光...望落去很年青!
但周不時講左一陣...就停左心跳!
呢個星期重有惡化跡象...
經過深切治療....都反魂佛術....
佢係今早....已經與世長辭....享年六歲
沒有變賣....風光大葬....作為紀念!
為左要保留佢既記憶!
已經搵人接替佢既工作!
名為Sony Ericsson J300i
IVE內巧遇中學同學
返到學校途經圖書館碰見一位中學同學^^,
原來佢都讀左兩年...係修讀電子科...但無見過!
佢無乜點變...只係黑左好多...小動作仍然無改haha!
問番一d重有見既舊同事...都生活得唔錯...
其中一位係之前提過,係我公園附近那位陪大肚老婆行公園果個^^
佢地最熟!
佢遲我一年畢業....大家努力啦!!
尋日一味"趕工"
boss因為要同兩個designer去德國睇fair同見客,
所以尋日一味好急好急咁做...雖然係咁,
但都算係好輕鬆既心情咁做!
只係成焦都聽到boss把聲同周圍行...阻住晒一.一"
等到中午後先唔見人影...
終於可以專心d做野...
一做就做到5點幾...
突然"砰"的一聲...我枱面多左三本書...
真係比我boss嚇親一.一"
聲未到..書先到...
原來佢走鬼左去睇書...見諗到d野想做就買番黎...
佢見得我係香港就擺低比我攪...."把鬼"....比我輕鬆下唔得既^^
到左8點幾其餘designer都真係趕到最後一刻..
趕住去搭飛機走lu...一路順風勒...記得買手順就最重要^^
大陸工幹之旅
番左大陸公司廠房兩日一夜終於番黎^^
今次上去主要係要睇睇買番黎新既版,
研究下同玩下!
雖然用左2.5鐘踏船,跟住搭20分鐘公司車!
但去到廠環境感覺唔錯^^
周圍都好大...裝修得唔錯...showroom都成千幾尺...
見到香港註大陸designer同事有個房...都好大好舒適...
唯一呢間房係用裡面用cam睇出面入黎既人...賴機密..haha
三餐包晒^^...香港呀姐煮...唔要求高都ok既
到夜晚住宿舍...我以為跟我呀頭住...原來係公司派房...
所以跟兩個香港註大陸同事住一層..唔熟..都係去到先識^^
屋內都有900幾尺...三房一廳一廚房...間隔有d似...好似番左屋企咁,
入到房都四四正正...好攪笑因為個枕頭套係melody...但係男宿舍...hehe
整體上係好好環境...其實長註都好舒適...不過就好困身...重要返學遲d先算...^^
再去廸士尼
幾個親戚又預埋我呀媽去廸士尼一.一"
今次重要有得住一晚免費酒店...
佢又去玩勒^^....我都重未去過佢已經玩兩次...
咩世界.....haha
