simple....is my life!: 05/01/2005

my brother 番左美國 lu

終於尋日走左lu...應該最快都要下年年尾畢業先見!
我d堂過埋今個星期都差不多完成晒...!
開始積極搵工!....哈哈

輕鬆的一天

今日終於鬆一口氣...haha....
今年終於完成!
等擺internal Assessment...^^

繼續去睇下"中醫"調理下先得,
因為已經睡6、7個鐘但都成日無精神,
都怪身體差左...睡眠質數就自然差.
入到冷氣地方...會覺得占寒占凍...
hehe...最基本既健康都未有...
都係調理下好...^^

rendering好張圖

music player
rendering左好耐終於搞掂^^,
rendering既過程都要用左3個鐘,
之前工序更用左好多時間,
但出黎個size都只係A4,
size大D部機都死機....乜野機黎架一.一"

computer rendering 功課剛完成

schick
用3D Max做Mapping真係好難,
部機又慢...真係想死!
都未去到好真實....
日後要加陪努力!!
有機會要買部新機先得勒...起碼唔駛等先呀!

就快完成兩個projects^^

project

雖然完成但未預理想一.一",
時限又差唔多....下半年再努力!

"會考生"勾起我回憶

中午時見到會考生考完出黎,
眼濕濕..喊住走..真係慘>.<

諗起當年會考..對會考毫無期望..
亦無出很大努力去讀(懶囉~)..
有都係考前兩晚努力過囉...hehe....
當然考得唔好...得4分...真羞家!
無諗過重讀..我好清楚結果唔會差好遠
好彩個4分,分報得幾好,都可以報讀下IVE,
最終開學後一個月佢收左我讀建築,
就係因為果一個月我以為唔收...我就讀左design
回想番...我應該先試左讀建築先..
唔得先讀design(有錢就入得去讀)
我就係咁傻....只會順著邊樣黎就做邊樣~
我就係單憑兩點就選擇design.
1.我以前以為我愛發白日夢就等於"有創意"
2.我鍾意畫下野(唔代表畫得好,因為我一同人比,我就知好平庸)
哈哈....兩樣加埋我就覺得天下無敵
我真係思想簡單一.一"
做過野之後就知呢一行真係唔簡單,
活口就應該無問題既!
我人生無理由只為活口!

由細到大讀書真係唔係好適合我
考到好名次,最大功勞係我呀媽!
我記性差、又唔係聰明...
她日監夜監我死背...次次都要我盡力黙書攞100分
連考試都有"模擬考題"比我做!一.一"
背過既當然考完過後就唔記得左...死背既害處....
另我好怕讀書,一d興趣都無....
佢勞氣時我又辛苦!
只係想快d讀完書....
點知我到而家都重係讀僅書一.一"

我又唔係成日去玩...只係心散同懶....
人係屋企心就係出面玩~
同埋日日發白日夢...
有時嚴重到分不清邊d係真實、邊d係夢..
hehe...真係分不清楚~

盡管我考得成績太差,
總算都有路我行!
雖然我工作十年.
我覺得我而家只係剛剛起步...
我希望我能堅持我路,研讀更"專"既路,
創作人係我而家既目標!

model上色真令人煩惱一.一"

用foam做好model,每次要上色都令我頭痛>.<"
又要用塗上白膠章...保護個foam...
等乾等1~2小時! 重覆一至二次以上步驟!
跟著塗上木工用既原子灰...等乾等0.5~1小時乾後...
用粗砂紙磨平...再用幼砂紙磨滑!
先至可噴油上色...又要等乾再噴多幾次..!
煩..煩....等時間很麻煩!
實再很麻煩!起碼用2~3日時間做!
每次上色都要咁多步驟,
噴出黎我覺得效果又唔係預期中好!

個foam唔上色我覺得重好看!..呀sir真係麻煩>.<
每次都很後悔噴左油...

輕鬆

今早特別輕鬆..因為所有人出晒街,
靜靜地好舒服...!
天氣好似好好...有時又一片黑雲想落雨!
都係做下功課,噴下model又一day!^^

深井燒鵝

尋晚一家人去深井裕記食燒鵝,
叫左半隻都原來好多...食落真係唔錯^^,
加多幾樣小食!
好飽...食真係好飽走~

Higher Diploma 第一年就快完

重有兩個星期就完勒,
越接近後衝刺,
d野就越懶做...
要立刻行動先得...唔係就....哈哈勒!

開始留意著英國可以接著讀上去既一個course!
"top one degree"...係就係讀一年,
讀完係就係有個degree,
但都唔知會學到d乜!
真係要諗諗!...由其是自d英文....奇差...^^

同學仔"生日"

今晚同同學仔慶祝生日,
粗粗地學校cantin食,
買幾件蛋糕仔慶祝!
無辦法要番學係咁上下!
...今晚重要present!!
一.一"....驚....!

做Gym

今早一早陪我"細佬"去做gym...
耐無做好攰....一.一"

"狐忍劇場版--雪之國"

一焦早睇完...劇情唔錯,動畫畫工一流...~
日本幾時再出下一套呢!!

兩日慶"母親節"活動

兩日都為母親節活動去玩,
順度"細佬"見下全部親戚,
都話晒無見過兩年...
一次過見晒可以慳番多D時間~

"簽証"

今早...晨咁早同我細佬去搞簽証,
好彩去到得6、7個人排隊,
過了半個鐘之後就迫滿人!
總算順利!~
以前個陣時上午做簽証就下午取,
而家就唔係下午取,而係郵寄取要25蚊(三個工作天),
真係識搵錢....無良!!!

"接機"

我明早要去接機,
接我細佬機,
番黎一個月簽左證又要走lu!

presentation越黎越覺 "恐懼"

聽了尋晚幾team人present project,
個個都頭頭是道,
下星期到我地team人present,
好驚.....
驚到時一片空白,
驚累到自己team人,
我一向最差勁呢一part,
唔講得唔得呀!
一.一"

"偷野"

前晚見到有人偷野,
偷野既人係一位"肥師奶",
我覺得佢好蠢
因為佢係一間商務書店偷(書店有咩野好偷);
因為佢偷野都帶著個仔(佢得4歲到),得佢自己走,個仔係書店喊;
因為佢肥走唔到,未過馬路就跌低左比人捉到;
因為佢偷既係一筒朱古力(m&m),
範左以上四行蠢事,
所以可以稱佢為"死蠢"

地點揀錯;目標揀錯;人帶錯;肥亦係佢既錯!
佢真係要坐監反省下先得!!

"大長今"終於大結局

追開"大長今"終於睇完,
李英愛呢個角色好得,人又靚~
有d失落...唔習慣無得睇>.<....
又要開始適應...
睇"醫道"唔習慣無一大班靚女睇~
唔知係咪電視講得咁好睇!

"活著，為了什麼"

經過書店偶爾看見一本書,
被那本書名吸引"活著，為了什麼",
書名可能有少許出入..唔係今日既事.
由一位修女寫,叫:以馬內利修女,
這位修女年時已高.還在世!
因為呢個題目,以前我經常問自己,
可能有d傻,總係找不到一個明確答案!
想唔出...通常都唔會再想...放埋一邊...
但在這本書都只係看了內文大標題,
之後就選擇左結尾個段睇,
看了過後...
1.她指出人去玩樂,只係逃避想死亡呢個問題.
2.所有愛之中,唯有友誼既愛是不自私.
我思想很久....
一.一"

me
Posted by Hello

simple....is my life!

Tuesday, May 31, 2005

my brother 番左美國 lu

Thursday, May 26, 2005

輕鬆的一天

Monday, May 23, 2005

rendering好張圖

computer rendering 功課剛完成

Sunday, May 22, 2005

就快完成兩個projects^^

Friday, May 20, 2005

"會考生"勾起我回憶

Tuesday, May 17, 2005

model上色真令人煩惱一.一"

Sunday, May 15, 2005

輕鬆

Saturday, May 14, 2005

深井燒鵝

Friday, May 13, 2005

Higher Diploma 第一年就快完

Wednesday, May 11, 2005

同學仔"生日"

Monday, May 09, 2005

做Gym

Sunday, May 08, 2005

"狐忍劇場版--雪之國"

Saturday, May 07, 2005

兩日慶"母親節"活動

"簽証"

Thursday, May 05, 2005

"接機"

presentation越黎越覺 "恐懼"

Tuesday, May 03, 2005

"偷野"

"大長今"終於大結局

Monday, May 02, 2005

"活著，為了什麼"

About Me

Links

Previous Posts

Archives