simple....is my life!

銀包....我洗得你乾乾淨淨.....

唔知發左咩神經....連埋褲一齊洗....死未....

今次真係洗銀紙....乜都濕哂~

posted by ivan @ 10:47 PM 2 comments

行前....請留步....

posted by ivan @ 5:43 PM 13 comments

激心.....你地唔好去"DSC直銷公司"買野~

諗住平平地買部電視機...
元朗呢間咁既直銷公司(我諗佢間手法都差唔多)...
又話7日內唔岩有得換...
電視機黎到真係有問題勒...
雖然佢講過如果有壞係要先換同款電視..
我對個款電視無信心想補錢換過部電視...
再有問題先可以換其它種類..
個sales就話要call個師傅上黎check..
check左真係有問題就會換同款新機..
約個師傅要4~5日..
重要唔到第5日先打上黎約時間...頂..
其間我直頭踩場..我已經好唔滿意佢地既服務..
擺哂係個面度....都講佢唔掂...
叫佢即call師傅..我企係度等佢覆...
我要知時間..幾時上黎..頂...
嘈佢終於可以唔check機而換同款新機...
點知果師傅又有call我屋企人..個晚到..
夜晚十一點前先上到黎(我地係約八點幾~)
check個陣時..部機顯然表現重差過初初...
師傅都無野好講...
咁我地叫佢幫手寫上去份報告度我要求要補錢換其它型號...
咁佢就話我照寫..佢地批唔批我都唔知..

曾經打去服務熱線...聽電話個個女人好寸...
同佢理論..佢一d禮貌都無...叫佢比高級既人黎傾..
又無人係度...今次第二次打去..都係呢條友...
頂....咩公司黎架....

已經打去消費者委員會投訴佢..睇下受唔受理...
佢叫我地fax張單比佢...我保留投訴佢權利...
睇埋部新機...

而家等新機到...都唔知係咪都係咁差...唉....
我要換新機呀....

呢件事未完...我已經好慶....好激心...爆血管...

果然平野無好..服務又差...

大家記得唔好買平野...寧願貴少少~

posted by ivan @ 9:21 PM 9 comments

新玩意N73~

舊年開始想...但當時4千蚊真係買唔落手...
一想就想到近排先買..千幾+簽兩年...
其實都重想等..haha..

新機到手..3日香...
除左一般影相同聽歌外...
而家最多玩就係將
"狐忍","志雲飯局","台灣綜藝節目康熙來了",
"同事三分親","電影"..放入手機裡面...
原來用一個software轉換成mp4就得...方便..
因為已經係放入手機所以想畫質好d..
睇得無咁辛苦..轉mp4就無走雞...

將以前坐係屋企上網做既搬入手機中..haha..

搭每程車都用成個幾鐘..而家有野做勒~

posted by ivan @ 8:40 AM 3 comments

香港先生~

無特別要去睇..但就咁岩係屋企..
咁岩游乾水..又咁岩對正個電視機..
即管睇下有咩乎Fit~

雖然都係選鴨..但已經明顯有少少進步..
我心水號係7號~登登~又勝一仗~
佢好熟面..好似拍過廣告或者電視劇之類~
有印象...佢笑容夠..又陽光...肌肉又掂..功夫ok~
不過係險勝..因為11號真係跳舞個part一流~
普通既2文3唔又無問題~都驚驚地敗比佢...

其他就唔好提啦..個兩個後生既死0靚仔好唔掂..
一味夠勇~...個老既又係..哂d肌肉真係好唔掂..下墜啦~
唱歌比女士門聽...唉...聽到打冷震...首歌變哂..
係唱英文歌比個model就重可以~
有個脂粉味勁重既...以為佢上哂粉咁~

posted by ivan @ 11:55 AM 2 comments

怪颱風

蝴蝶一焦早迫佢番轉頭..
大家都無留意佢係咪假象..
亦無理會佢有無打得成..
我以為已經唔係好關我事...(正大陸燦^^)
點知中午係食堂食飯已經掛3號...
天文台當然非常保守...
只係話有機會掛8號...(都係無理)
食完飯上網睇睇yahoo新聞..
佢話有機喎..
咁就係msn宣揚開去啦..
說話都唔夠十分鐘..耳邊傳來3:30分掛8號..
吓....當時1:55分...公司叫執野..2:00開車番香港...一.一"
突然急成咁..嘩..5分鐘..打電話..執野..即走...
未試過咁高效率...haha...
3:00番到黃崗...平時搭開77小巴...見到咁長龍...
即變陣...見搭去錦田西鐵站既小巴得幾個人...
雖然會遲小小先歸家...應該都有數...上...
西鐵都好多人..好在係車尾...多人但都上到..hehe...
去到朗屏站...無事lu..4:00搞掂..順利到步...
重去M記坐低...慢慢望住窗外...趕搭車既搭車..
急住歸家既快步...又無乜雨又無風...
好似窗外既事已經唔關我事咁...
嘆杯奶茶...爽...

posted by ivan @ 8:39 AM 2 comments

昨晚無啦啦~

颱風第二日由大陸番屋企...
(而家颱風唔係好關我事..haha..)

一番到去..見到佢變左植物人..
佢已經睇唔到彩色勒...佢個臉濶左好多呀...
已經見唔到無線logo勒..佢把聲好沙啞勒..
佢唔得勒...最後一次聽到佢把聲勒...
開始do..............................
死亡時間9點鐘...
初初重以為佢受颱風影響~

見好似尚早..即刻行動...全家出動...開車...
瘋摘應該未咁快收檔...GoGoGo...

haha..唔知米貴..以為佢有2千幾既LCD芒...茫想...
最後收兵回巢食白果...

今次算係最迅速行動既一次...雖然無功而回..haha~

posted by ivan @ 11:24 AM 2 comments

天有不測之風雲~搞長沙

個fd結緍過後..短時間內最後一次聚會~
因為要在英國定居~嫁鬼隨鬼~hehe~
係陽光與海灘水上活動~指定要戶外活動~
無人估度..晨早好曬既天氣..突然又變成勁大雨..
大家都估..係咪應該改活動呢..
主人家就有問個邊fd"長沙"天氣如何..
佢地話無問題喎...好好天喎...~
咁照去啦...都暫時最後一次見..死就死啦...~

約係東涌等原來我係最快..因為有E線機場線..
半小時就到十幾蚊..抵..
其他人就轉幾次車..重差不多要兩個鐘左右..
第一次有咁著數..因為大部份都唔係新界人..
東涌東薈城原來真係全部都係outlet..
我都變左去shopping執到平野..
黑色new balance $299...買...
個型爭少少唔緊要..
主要係佢有11號..普通shop都無呢個size...
即買...抵...有收獲..
個fd就買另外一對啡色假皮身..都好睇..
$350..抵...即掃貨...好滿足咁走去等..^^

去到"長沙"...好好天..
玩度等一次玩既獨木舟..
原來而家d獨木舟新式好多..
唔係插哂腳穿入去個d..
教練教左點用掌掃兩邊..
就即刻下水..
吓...其實我覺得會唔兒戲左d呢~
雖然著左救生衣...ok..試下囉...
喎...一上獨木舟...我一個人一隻...
原來係上個一下難少少之外...
都唔太難...好順就去左好遠...
亦無跌過落水..不過隻手好攰...
玩左十幾分鐘其實都無左新意..haha..
不過咪大家玩下水望下天吹吹風就算啦...
6點幾開始大雨..我地已經上左岸lu...
重BBQ緊添...GOOD DAY~

posted by ivan @ 9:45 AM 5 comments

要交大陸稅>.<

慘...交大陸稅...
因為公司係大陸性質有別...
不同於其它公司係大陸工幹逗留不足183日呢種形式..
唉...大陸重要個個月交稅...
個個月番幾多日交幾多日...
雖然下年三月會扣番比番部分錢..

公司acount個邊又唔幫我地搞掂哂...
簡單d簽個字就得...
個個月要自己煩...填呢樣..簽果樣...正衰人....
今個月唔見千幾...唉...日子好難過~

posted by ivan @ 12:11 PM 5 comments

尋晚做一個不一樣的"兄弟"

因為認識既人係一個多年既朋友..而且係女性..
佢老公確實係一個鬼佬..
佢地雙方係一個不足三個月既時間..
做左一個決定...
就係"結婚"
因為佢要安排一切事務..
所以我地班人知道呢個消息時..
係一個半月前..
佢無用一個最簡單既方式..旅行結婚..
選擇傳統既婚禮..睇黎鬼佬好鍾意..haha~

佢一個好容易既決定..
令佢身邊所有人為佢忙過不停..

女方有一個要求..
就係要我地充當"兄弟"一職~
當然無"say no"..上~
亦當然以我咁純正既廣東話...
跟本就同鬼老無法溝通啦~haha~
我地自己人玩算啦..
咁急之下..鬼老一個朋友都黎唔到..haha~

早一星期前收到個rundown好好笑..
比左個excel file我地..
裡面竟然有埋每人比利是幾多錢..haha..
而且裡面係無安排邊d人負責每一樣事情..
真係咁順其自然..^^

終於到大日子..對我黎講"寶林地鐵站"等..實在太遠..
我重早過番工時間..決定左先搭西鐵再轉地鐵..
咁先可以一個鐘就到..如果坐巴士再轉巴士..
一個半鐘就一定要..
好順利無遲到..
去到第一時間當然係佈置花車啦..
亦係唯一要做既最重要事項...
跟住應該都無咩野做..haha
一見到鬼佬就好好笑..佢著起金色唐裝..側邊開义個隻..
佢好神氣..好鷹咁樣..haha~
心口掛個紅色花球...由佢比利是..好好笑~
即刻出發踩上女家..入到去唔少得既節目就係比人玩啦..
雖然姊妹團有內應..但唔表代唔比人玩..都係無著數...

策略都係採取有兄弟上我唔上..
無人上我迫住要上既辦法..hehe~

有兄弟以為先訓係地比人玩左先..
就可以免疫..
結果就佢訓完比人玩..我地就收兵..
因為遊戲玩完..haha..
佢估計錯誤..^^
只玩得兩個遊戲..
鬼佬再包尾讀埋個段廣東話解釋既拼音就完結..
趣事總會係完結要接到新娘個一刻出現..
就係一束花無人記得..重係男家個雪櫃..haha..
鬼佬好心想雪耐d..唔駛咁易謝..出事...
新娘塊面變得好黑...氣言..唔嫁...haha...
因為新郎心口個個花球分左大家心..以為係..haha..
情況當然脫離哂個rundown時間啦..

趣事接踵而來...食過飯後以為預得都叫鬆動去註冊..
結果就親友坐24座到左...
而新娘同攝影師個兩部車就未到...
過左預定時間..新娘新郎一落車即跑黎..
係司機轉唔到入去紅棉道..
新娘黑起面不停係車度講過不停..
講過乜我都唔知..我唔係車上..haha..謎...
當然遲少少結果都可以註冊到啦...
註冊個度好鬼熱...出哂汗...連影相都無人願意沃..
去到九龍灣君豪會..重有時間去打保齡..
58蚊套餐可打兩個game重包一個下午茶餐食..
消磨時間不知幾好..

跟著落去直到夜晚都好順利..

咁短時間之下搞到都好利害..
介子早兩日做好..
結婚大相架早一日做好..
其它結婚相未有...
註冊排到期..酒店訂到..
佢身邊既人功勞最大...
haha..旅行結婚咪唔駛咁忙囉..^^

posted by ivan @ 9:04 AM 7 comments