simple....is my life!: 04/01/2006

Sunday, April 30, 2006

有人send黎...又有野玩~^^

http://www.horrorline.com/pastlife/

前世你點死,信不信由你...

我玩完原來係咁死...haha...好搞笑^^

前生是一名守財奴，
雖然腰纏萬貫，但一毛不拔，
就算兒子遭綁架都不願交贖金，
最後兒子遭撕票，妻子十分憎恨你，
最後把你毒殺~

Saturday, April 22, 2006

十大廣告~

一出場就見葉旋..嘩~唱得好差~個髮型重唔配個樣,
反而亞視個個男藝員幾型...跳舞又幾好睇~
兩個男主持平時講野好快..好少食螺絲~
一加埋個葉旋...就又慢又亂插嘴~
上次見到林志玲都唔係咁喎..haha..

一開頭個節目既15金鐘...真係差...
每宣佈一個廣告得獎...
又唔播番條完整既廣告比人睇..
鬼知係邊個廣告咩...haha...
成個鐘之後先發覺反省到有問題~
死唔死~...不過都好過成場都唔知~

最終係個搭飛機既吱喳妹廣告..得大獎~
左邊有幾遠..上邊有幾遠..
我都好鍾意呢個廣告^^

Thursday, April 20, 2006

今日是元朗一年一度的3月23 -- 天后旦

每度地方天后旦既日子都唔同~

今日就係元朗既節日~

因為會封元朗教育路~
鑼鼓聲太响..會影響學生上堂...
每年呢個時間..好多較接近的中小學..
都會係浮動假期~爽~

有咩睇?
會見到好多條村好有跌序咁舞獅舞龍~
衫褲一式一樣..好似哂馬一樣~
還有小朋友企在竹竿上..化粧成八仙~
會有一班婆婆手持短既撐船杖..
很齊地做出撐船的動作~
甚至會請歌星、藝員一齊行~
有時都會見到d同學仔跟著某條村同行出發~haha~
以前一睇就幾個鐘~

路線會由敎育路經入元朗體育館繞場一周..
再轉回去一個叫"大樹下"的地方拜神~

以前我地條村還會有晚上飲宴..
敬投經拜過神的神像、飾物~

年少時都會去襯熱鬧~
但年年都睇..已經沒大興趣~
而家都重聽到好大的鑼鼓聲..haha...
我唔係幻聽同思覺失調^^

Wednesday, April 19, 2006

[影]行動

以前都唔發覺~
呢輪身邊所有的朋友都變成影相一族~
有d影花..有d影人..有d影景~
[影]已經變成時下最輕的玩意~
唔通而家要有一機旁身...haha

雖然以前間唔中都有機會學過...
試過玩曬黑白相...
公司studio影杯杯、碟碟有哂構圖咁影都試過...
可惜都提不起興趣[影]~

Sunday, April 16, 2006

415澳門之旅-主要目的玩小型賽車^^

復活節第2日~勁凍~15度
同朋友去澳門玩了兩日一夜..
都係簡單既食、睇同玩..
咁岩一到步在搭的士..沿途見到路上有一個好熟既面容..
原來係我尋晚飲完既其中一個大一同學..haha..世界真係細~

行去漁人碼頭參觀過~
落船過去5分鐘就到..整得都算唔錯~
不果都係適合一家大細去玩去影下相既地方..
因為遊戲大部份都係岩兒童玩..hehe
近海邊好大風..好凍..不便逗留~

跟著去左賭場碰下運氣..雖然好近金沙..不過無去..
只係去左文華..朋友玩左幾手..敗北..無中過..haha..
我就直程無玩..都係..係袋暖d^^

玩完去君怡酒店check in
搭車轉番去會議廳個邊..好無癮..落雨..傘留左係酒店..
變左不段穿插商場..大街小行..
最後搵達地方食晚餐..
行下再去食甜品做宵夜再返回酒店^^

416呢一日天色比較好d..而且又無咁凍..
唔駛無得玩我地黎既目的..就係小型賽車^^
一食玩早餐即刻出發~聽講11點開始有得玩..

去到小型賽車場..即刻感受下場地..
都好多個彎轉下~我之前都只係玩過茘園碰碰車..hehe
小型賽車租車價錢係180蚊20分鐘..亦有10分鐘大約90蚊到..
簽過份保險..即刻去聽點玩法..因為不止自己朋友,
重有10個唔識既人一齊玩..人多好玩好多..haha

帶起頭規..工作人員揀完車之後正式開車..

當然唔係一齊起步啦..haha..
我先試下一圈..試下路面..試下油門同腳掣..
最高車速有60咪..都好快架^^
第二個圈正式踏盡油門..haha..初初都有d驚..
因為車速快左之後有少少甩尾..好似飄移咁..haha..
驚得黎又好爽喎^^..頭幾圈成日比人過車之後..
就到我蓬車過車..haha..癲左..入彎又唔收油..hold住車速..
軚盤勁震勁重..可能因為快..所以要用好大力穩定軚盤~

5個圈之後就追到一個過唔到佢頭既人..我不斷追..
但又無諗著過佢..因為有d驚..只係跟係尾隨~
因為都知自己應該係第2最快..haha..無謂挑起火頭啦~又唔係咁熟~
我見佢成日望後面..初時都覺得怪..心諗望咁多次..haha..
我之後先發覺..係喎..無倒後鏡喎一.一"
我一次都無望過向後喎..一味向前衝..haha..原來好危險..無顧後面情況..haha..

7、8個圈之後..終於一次意外..
係追車尾入既彎路上..遇上2個車速慢d既車手..
佢就過左個兩個..我係過其中一部車時..因為好近..
佢一時無端端失控轉埋黎..我刹車都黎唔切~
我直碰埋去..佢車碰向右邊劃去..我車碰完震向後方劃去..
好彩係入彎..時速都係30咪到...震一震一下..
時間好短..無任何感覺同反應..我即刻揮手向佢示意..睇佢有無事..
佢反應慢左少少..但都舉手示意比我佢無事..
咁我又繼續追番前車..haha..無有識死^^

11個圈到..就有工作人員示意結束入去..
但我見追緊既前車都無轉入個條路..
所以我都無轉入去以為唔係個條..haha..
原來係個條..又扼左個一圈..變左..我係最尾一個入去..haha
真係幾好玩...hehe^^...不過左手手腕好攰好痛..
因為不段用力穩定軚盤轉入右彎..

跟著去路環個邊食野~去媽閣廟拜神~

再走去"大利來"食出名既豬扒飽
2:30到條人龍成40人..佢3點開始賣豬扒飽..
到3:30..條人龍成100人..條人龍只為排豬扒飽~
其它就坐枱叫就有得食..無排豬扒飽..
都可以坐枱叫一隻叫豬多士食..
其實只係方包夾住豬扒~..當然爭d啦~
玩完食完坐船走lu..haha^^

414係大一個fd..結緍擺酒大喜日子^^

一樣早一早去做兄弟..同比人玩~
陣容相當鼎盛...一行8人
天氣最適合著西裝..
唔駛熱到出哂汗..陰陰天又無雨..haha..

成班兄弟去到女家~即刻第一個節目開始~
各人著一條媽媽牌超大under..每條上面有一個字..
呢part就係重組句子...
當然拉拉扯扯一輪先肯著啦..haha...

跟著玩對聯...小兒科..好快有人搞掂..
比完開門利是就即刻入屋..haha..

入到去新郎讀完篇愛的宣言..就完哂..haha
咁大鵬兄弟..好似無做過d乜就完左..haha..
可能有少少關係我地遲左少少上去..^^

返完男家奉茶之後..兄弟姊妹去食飯~
剩餘兩個鐘時間無野做..
就去左兄弟到訓番一陣..haha..隨後再去酒店~

去到酒店..跟據程序我負責工作係音樂控制..haha..
我以為要做成點..唔通捽碟^^...
原來係安排音樂同響禮炮..但佢比得一首歌我...
係missing impossible..跟著就無咩歌安排..haha
重要係一上豬既時候播出..心諗真係岩~
原來係上豬時有兩個抬住隻豬..然後一隊人進場..都幾得意呀~haha

食翅後到左玩新郎新娘..玩左4個遊戲..

第1個幾得意既..名為"眾裡尋他"
由新娘係咁多人之中搵出新郎..haha..
新郎就搖身一變就變左waiter..
總之就新娘行去邊..佢就避到邊..比人亂咁點..
都幾難搵..場面都幾好笑..

第2個係新娘摸下胸..邊一個兄弟係佢老公^^
其實都唔會好難摸啦..身材分別都幾大..而且衣著唔同比較易估~

第3個係水樽同筷子..玩法係新郎纏繞一個水樽，新娘纏繞一隻筷子..
一個用口比指示..一個濛著眼去做..
當然係比指示講既野好笑啦~

第4個就係抽獎..比d禮物賓客開心下~
最後再多一次愛的宣言~謝幕~

當然呢輪都係好密既大一聚會啦~
今次無瘋狂影相lu~haha

祝一對新人..新婚快樂..長長久久^^

Tuesday, April 11, 2006

難度高既...趣事

上星期去個fd既婚禮註冊..
其中一位兄弟搭車黎僅發生小小笑料~
在車程途中..佢發覺對腳好爽~涼浸浸~
原來兩隻鞋既鞋底都甩左..haha..
咁係吊吊下既情況更係寧願唔要底啦..haha
重諗住特登攞黎襯套衫~
去買又唔夠時間~唯有照黎~
睇黎都係耐無著既關係^^

到步時當然笑死我地啦~
我地都無咁衰仔咁揚..
只係圍內人笑咋..haha
佢重註冊一完就搭的士番屋企..
從後望..會見到..佢扮無野..
一路行..一路見到無鞋底既紅襪仔^^

Monday, April 10, 2006

身分證的秘密^^ -- 有趣~

身分證除了是透露你年齡的秘密之外,原來還可以推算出你一生的運程,想知你生命

中還有什麼潛質未發掘？就要集中精神,合指算算啦!

計算方法：

1) 將6個數字分三組,兩個兩個相加,例如：A123456 ,1+2,3+4,5+6,=3,7,11

2) 得到的結果只可以是個位數,所以5+6=11將11再加一次,即1+1=2

3) 最後會得出3這個數字:3,7,2,單單雙這個組合便是你一生的運數

推算結果

單單單；單單雙；單雙單；單雙雙；雙單單；雙雙單；雙雙雙；雙單雙

推算結果：單單單

陽剛格

你自信心爆棚,做事果斷,富行動力,充滿陽光的笑容常掛面上。你熱情逼人, 易惹人誤會,在你背後叫你放電王或濫交狂,請你收斂一點,將熱力放在工作上。如果選警察、社工或醫護工作來發揮一下你服務社會同樂於助人慨精神,就非常利己利人了!

推算結果：單單雙

圓滑格

你善於交際,頭腦靈活,反應敏捷,真是人見人愛。你最懂為自己製造機會,做事實際,但疑心太重,易記仇,小心眼的呻醋鬼在愛情路上波折重重。口齒伶俐的你最適合當公關或政客,你這位聰明懶精要記住,世上無免費包午餐,做什麼都要勤力。

推算結果：單雙單

理智格

你做事會持之以恆,有毅力又理智,識得發揮自己優點,避過自己缺點,還考慮別人的立場。對愛情的態度是隨緣啦,即使很喜歡別人都不會表態。你是個天生藝術家,有音樂、填詞及設計的天分,對一切事物都力臻完美,故此往往因小事而錯失良緣。

推算結果：單雙雙

飄忽格

你的性格比沙漠的天氣變得更快,經常給人飄忽不定的感覺,你不甘被愛侶拘束, 一心只想追求至死不渝的愛情,原來你內心都頗固執和單純。朝九晚五的辦公室生活只會令你發悶,你要刺激,要玩滿足感,做攝影師或外勤記者就能發揮你的創意。

推算結果：雙單單

好欺格

你是個心地善良的膽小鬼,沉默是金是你原則,做事不張揚,事成後又不會沾沾自喜。你喜歡細水長流的愛情,浪漫激情不適合你。醫生、建築師這類夠專業、收入又好的行業最適合你。你做人太低調,必須主動出擊露兩手, 否則伯樂都幾難溫到你這匹千里馬。

推算結果：雙雙單

率直格

你直腸直肚,胸襟廣闊,剛強樂觀,敢愛敢恨,還會向心愛的人示愛,無論結果如何, 都不會後悔,有時太直接反而會弄巧反拙。你做事守規則,最適合做律師、海關或打政府工,你積極的個性最為異性欣賞,別死守舊愛,勉強冇幸福另一段新戀情正等住你。

推算結果：雙雙雙

優悠格

你溫柔內向,善解人意,與世無爭,對愛情太敏感。感受力強但卻將愛埋於心中,愛情對你來說是精神上的交流,一旦墮入愛河便完全投入,所以失戀時容易做出傷害自己的事。心思細密的你適合做學術研究、檢查員或保母,別因過分沉溺愛情而忽略工作。

推算結果：雙單雙

內強格

表面上你文靜溫柔,但內裡是個剛強有原則的人,不喜歡附和別人,外柔內剛就是你的寫照。你對愛情很執著,懂得分清夢想與現實,不相信有天長地久。清晰的思考和敏銳慨的觸覺,正是當出版社編輯和管理層的好材料。你內心那股傲氣有助你面對失敗。

Friday, April 07, 2006

" 別活得那麼累 "

經過三聯看書...
不經意地看到這本書 "別活得那麼累"
即時吸引我去看,因為題目令我產生共鳴~

書內講述快樂生活的元素~
開放心靈~^^

simple....is my life!