書名"海馬體"
近來睇左一本書,
"海馬體"
乜野係海馬體,
其實就係腦部用黎製造記憶既地方!
體積只有1/3隻...手指尾第一節咁上下大,
但就控制人最主功能 -- 記憶
做成"失憶"就係損壞了這部份
但人完全失去呢部份就會無記憶,
人只會剩餘5分鐘既記憶....
所以有人寫低記錄就係咁...係好可怕!
海馬體既神經細胞係會受刺激而增長...到老亦都會...
所以越用係越好既...
亦有介紹如何刺激這部份
創作既人要令自己產品危機感!
因為腦有自我安定狀態既現象,
要諗到野就要將安定狀態變得不穩定!
人到三十過後,腦就會產生變化,
會將三十歲前儲存既影像不斷組合..搵出關聯性,
人就會用好多"比喻"同人溝通!
好神奇架^^
聽到電台一件真人真事...有趣^^
A君女仕係一位名人,被大部份人供應為靚女,
有幸係一個公開場合出現!
有一位B君女仕便走埋去慕名交談,
A君亦親切地回應!
但B君開始講一d失儀既說話,
[...妳真人無上鏡咁靚喎...眼影深左...皮膚又唔見得好....(講左好多)....]
而A君仍然保持著輕鬆既態度,
沒有回應佢所批評既問題,
但只回應一句便行開了,
究竟講左乜????
A君講 [總之妳唔靚啦!]
B君亦無言以對,黙言離開!
haha...係咪批評人時,先要自量呢..^^
廸士尼
由於有親戚在內工作,所以得到4張試玩既飛!
我親戚就約埋幾個呀姨一齊去玩....^^
哎呀!...佢地玩我就開工....!
每日為左"減肥"
當女人走埋一齊...切身既問題就係減肥一.一"
重要日日lunch都係討論呢個問題!
呢樣野幾多卡路里..果樣有幾多...呢樣唔食得..果樣唔食得一.一"
日日都計...死計爛計....眼中只有卡路里!
又要跟減肥餐單食野...用機減肥....咁樣食野重邊有樂趣!
其實做多d運動平衡番咪得囉...成班女人都係一個"懶"字
況且佢地骨架有番咁上下...唔怕得罪減左都唔覺(呢句唔比得佢地聽到)....^^
睇完Drama
尋晚同個fd去左睇drama,大部份係大學生組成既團體比賽,
有12組分每日3組表演,因為有朋友演出所以去牚場^^,
3組既題材都係關於人與人...時下發生既事!
第一組 -- 人到中年
反映3、40中年男性在大陸搵女人係香港同居....又未係娶老婆階段,
佢地會等落黎後過左90日都無任何事先叫做穩定...就係演其間所發生既插曲!
但我個fd上年有睇話都有類似既題材...呢隊叫做差d...
我見就整體上連貫性接得唔錯...中年男性演內心戲比教多隱悔無演出面...
演出人數--3個
娛樂性--6 劇情--7 連貫性--8 演員表現--8 配樂配合--6
第二組 -- 寵物公司
反映點解女人咁鍾意養寵物...圍繞著無男人鐘意....開寵物店原因防止孤獨一個人!
寵物店職員男主角演出好突出...講野方式有d許冠文影子...貓狗都係演員扮...
都足到動物動作同神態....佢個fd就扮演孤獨女人...演出常算ok...
演出人數--8個
娛樂性--10 劇情--6 連貫性--8 演員表現--9 配樂配合--7
第三組 -- me me more more
本來唔睇...但見到題目好似幾有趣就睇埋落去
講述傳銷公司..香港生活急速...太忙....所以係sale幫出錢既人...
去代替佢做日常生活做既事,
係幾新鮮不過初段演出麻麻...連貫性唔夠...有少少空位接唔到無野睇..音樂又段開左...
中段先開始好睇d
演出人數--10個
娛樂性--7 劇情--8 連貫性--6 演員表現--7 配樂配合--6
My brother傳來好消息^^
因為我細佬係美國就黎又開始返學!
係呢段期間佢曾經嘗試申請好多樣野..乜都試下!
今日就收到好消息...
第一樣係得到學費減半(檔當地學生收費)!
第二樣係得到助教一職,簽左合約可以教到畢業!(非常以外既收獲)
佢跟著開心地辭去份日本餐廳兼職...hehe...佢幾驚做左飲食業^^
真幸運^^
會考 <---黑人僧 .\"/.
夜晚先知道原來今日我表妹要周圍樸學校...激氣...咩學校黎架 .\"/.
我表妹間學校都無人性架....
原本諗著好地地可以讀番原校!
有無攪錯呀.....校長因為有個6a狀元...
學校升格....爭兩分都唔比自己學生一個機會!!
校長下左命領...搵班主任求情都幫唔到手!!
會考
雖然唔關我事...但我都有三個表弟妹係等僅成績^^
我無特登打比佢地...驚佢地好大壓力...
不過收到風佢地都唔錯..有十幾分^^
足夠升上原校已經係最好消息!!
當然最開心都係佢父母啦...haha
同舊同事落bar聚舊
尋日突然舊同事吹雞話落bar飲野...
反正有時間咪見下囉....
在5個人中,重係舊公司既都剩番其中2個,
傾番近況同近期舊公司d野都好好笑..haha
驚訝一.一
睇到電視...香港人開發左畫水墨畫程式!
重去到美國一個極高榮譽既地方演講!!
香港人真係叻^^
水墨畫既表現手法實在好難...令我歎為觀止!!
終於問過呀beam個英國課程內容
雖然呀beam都不太詳盡...
但7月先過左個課程既第一屆既畢業展...睇唔到添^^
原來個top one degree課程真係係香港讀全日制就得勒一.一",
咁咪無機會過下英國大學既生活...haha....!
係香港讀...又真係浸唔到英文喎...
個課程係香港讀又覺得好似貴左d,
唔知係香港讀完再讀上去.....會唔會對於認可無咁多呢!一.一",
重有時間.....又要重新考慮下^^
聽ISO
十點開始聽ISO...唔好彩遲左入去無晒D靚位,
要坐係講者第二個位...哎...死位一.一"
我一D都唔識..佢又成日問問題...煩...
成焦個焦點好似得我聽咁...成鬼日同我有眼神交流,
打呵欠既時間都無...重要扮好留心...重要比D反應佢!
好眼訓...佢講到1點一.一",佢係女仔都話容易過D呀....!
我對面個個直頭訓到反晒眼都無人理...佢就好啦!
