南丫島荒郊之打邊爐事件
入黑時份去到一個種植地方．．就係打邊爐～裡面種植好多不同種類既植物～
呢次都有十數人打邊爐．．
今次行動屬於搭枱既搭上搭行動．．
雖然疏離但氣氛融洽～
充滿陽光氣息既人十分搞笑～
路經途中．．食了一碗飽受被蚊針既豆腐花～
唔駛５分鐘就走格唔頭．．
今次打邊爐材料相當豐富同有派頭．．
有口號係”好好食、個個食”既香港仔魚旦、
墨魚丸、同埋超貴魚扎(成10蚊粒)～
有元朗既勝利牛丸和嘉麗園河粉～
有香港大學農業研究所研製，我地再用梅酒醃製過既”嘉美雞”～
重有好多海鮮，包括：鮑魚仔、象拔蚌、花蟹、蝦(本來係基圍蝦)、
citysuper買既”絹”豆腐（聽講食左會令人有初戀既感覺^^）
自己片製薄到透光既鱔片～再加上普通打邊爐既材料，肥牛、金菇、菜～
湯底係..馬蹄、牛蒡加名牌罐頭湯一罐（原本係超濃特製湯底..但係壞左）
從未食過人家咁有要求既海鮮打邊爐..重要係一個人準備好大部份材料..勁～
連食野時..放材料落窩既先後次序都有非常之講究～
最後甜品..係果仁蛋糕加..
citysuper買既一盒雲尼拿horizon乳酪
混合"百香果"放在蛋糕上一同享用～
呢餐只可以用一個字去形容....掂～
posted by ivan @ 1:58 PM
10 Comments:
.....真係好正咁喎.....
好盞鬼喎! 乜南丫島仲未開發咩? 仲係鄉郊? 我都好多年無去過了...
有無燒炭來打邊爐？
以我食家既評語:佢地真係好識食!
但有溜洞!
1.魚扎成10蚊粒～我一定吾買><
2.嘉美雞冇雞味又要成舊幾水一隻～我絕對吾買><
3.自己片製薄到透光既鱔片有問題～"鱔片"一定要厚身先有口感,而家薄切會易散...所以失敗><
4.吾明點解用"牛蒡"呢種料? "牛蒡"會令人去屎屎><.....
但真係食野時..放材料落窩係有先後次序架!
JACK~
我都係第一次咁樣打邊爐~
garfield~
一個稱呼咋..不能樣樣講清~
爆格~
好主意喎~荒生野嶺應該要咁樣配合~
m~
唔係漏洞..係你奄占~
1.主人食過話好..所以比大家試下~
2.用梅酒醃製過..所以有酒味同雞本身又嫩滑~
3.呢個講得過火左..係厚番少少既~
4.主人搞..唔知喎..又無去屎屎喎~
係..所以係受制於主人..聽住點做點落~
http://hk-pub.com/forum/thread-506423-1-1.html
牛蒡能促進腸胃蠕動，改善便祕，排毒及降低膽固醇吸收
Mic 成了萬事通博士, 見識真廣 !
好多料喎..去晒香港九龍新界買料咁滯haha。
m~
你都係開番個食家網啦^^
garfield~
係喎..越黎越覺佢摸不見底喎~haha~
ling~
係好大滯架..我地只負責元朗果凡..
所以又唔覺囉~
hotpot is my fav. @ ^ 0 ^ @
Post a Comment
<< Home