Friday, June 29, 2007

High Bear 之旅 ~ Day 3












































今早天氣持續高企..中暑都得...
終於試下酒店早餐...不過都遲左落去... 已經尾聲...
就更係無咩野食... 不過就試到稱為有機蔬菜沙律...
加上小小小麥粉.. 清清地又唔錯喎.. 好...

附近既路其實都有點熟...所以問下大堂服務員...
就已經知邊度可以搭到公車...公車附近就係"歷史博物館"不過未去~
想搭去既地方就係"旗津" 去旗津就要搭船..
公車車程唔遠都係20分鐘左右.. 公車都係12蚊台幣...平野...
咁去到搭船都唔貴.. 10蚊台幣...係附近買左杯野飲上船...
船一泊岸... 摩托車一條隊...人龍一條隊...一出一入都幾有趣..
有d摩托車重有帆布圓形包住部車添... 當然上上層吹吹風啦...

去到第一時間又開始搵野食...先坐左一間叫"潮州餛飩麵"食左碗麵.. 麵都幾彈牙...
見到其他人個個叫兩碟唔知乜東東既野... 好想試...結果無試...
好似係當地既加上汁既野... 隔離有間出名既胡椒餅..
但未開始有得賣..就轉過頭先再食... 出去行過直街...
沿途見到有仙人掌冰棒..又即管試試...hehe... 食過只是一般...

過去沙灘行下...好唔太差...不過就好熱.. 灰灰幼沙...有劃分游水區域...
因為好多都水深浪急..~ 沿海灘路去...有一個"貝殼館"...
裡面冷氣太舒服..唔捨得走.. 本想去風車館睇睇...諗諗下咁熱...
果度都好似無咩野睇... 都係走回頭路...^^...去對面又買杯野飲涼下先...

諗住行到咁遠不如踏的士番去..反正都唔跳標...hehe..
但見到對面比錢可以載人既單車...又想試下喎... 坐上去見佢熟練既身手過馬路..都勁喎...
我就睇得好驚險囉...真係生意難做... 風吹埋黎..又幾舒服..hehe...想訓...
午餐時間又到...去到胡椒餅有得食勒...好味.... 再行到去一檔食"鱈魚天婦羅"...
大大個波咁...幾過癮... 不過無得試食所以無買..唔好食咪大獲... 都係揀左隔離細d個隻...
好有魚味架...口感似墨魚丸咁... 再係隔離舖食左叫"不一樣的醋肉羹"... 勁好味...書無介紹錯..
加埋支波子汽水..hehe... 滿足咁搭船過番去lu...雖然無食佢介紹既海鮮...
見到太多實食唔哂...同埋見佢咁樣擺出黎賣... 好似好難保住新鮮咁...都係算lu....
船番到過去就開始坐低食番過消暑"綠豆豆腐花"先...

味一般但涼快... 再plan好行程...
呢邊有三檔好野食...近距離轉入另一條街...
真係無幾遠就可以坐低叫"哈瑪星汕頭麵"...
食湯餛飩同汕頭麵....比起頭先食既呢d麻麻地...
過廟對面又另一間舖"黑旗魚丸大王"食"旗魚丸湯"...
似勁爆牛丸咁..都係一般... 去到遠一點既"布蘭奇"西式餐廳...
雖然舊個間已轉左另一間舖.. 但都照入...
叫杯野飲...坐下...望下書...涼下冷氣休息下... 呢
度無人會趕你走...亦都無乜客...舒服...
而家只係4點幾到...


到現在為止食左幾多呢??....hehe...

開始去附近d觀光景點...穿過國立中山大學既隧道...
會見到另一個灘叫"西子灣"...風景ok....有堤壩可行...
經過"前清英國領事館"...要上山所以無上去....
行到咁上下..行番去旗律碼頭附近搭公車出去..
反正途經"城市光廊"都望望日景先啦... 好似綠林包圍餐廳一樣...
有二人band玩結他... 雖然唔多人係度聽...都有好悠悠閒既感覺...relax...
因為見set有好多燈位...夜晚一定好睇好多...
都要先回程休息下...夜晚再出動~ 回程時都重要去71買個杯麵~驚肚餓^^
71係酒店個邊街真係差不多一條街就有一間..好方便~
到左夜晚出動時間...

Target : 六合夜市(去到晚晚都想去,但都無去)
Time : 9點左右 一齊準備...

打的即去...其實好近...但行就好遠... 去到就好似廟街咁...
不過就全部都係食... 好...食咩先...望呀望..."呵仔煎"...
黎咁多日都未試.. 食呢個先...都ok係個汁"結"d...
隔離有"牛肉捲餅"...試... 好味喎..見到"炸冰"..食..
即係外面炸皮裡面係朱古力... 外脆內凍..都ok...行到間飲藥材湯既...
就叫左個藥饍排骨.. 補下元氣先..haha..突然見到一齊玩的朋友..真橋..
因為今日各自行動....吹水後再分散...之後見到鮪魚腸仔同墨魚腸仔...試...
過多幾間又"排骨酥湯"..未試過又飲...有檔係烏魚子.. 一盒又貴左d..
成百蚊港紙...試一少塊試勒..味道甘甘地... 最後去到"木瓜牛乳"度...
買左杯野飲...就收兵... 係呢度用左兩個鐘度食左咁多野...^^ 唔好以為完...
再買左四樣野番酒店食.. 杯裝士多啤利...蟹...招鹽...試另一罐啤酒...
不過就食唔哂招鹽... 食到咁多野原因有一...每日行好多路..
消耗好多體力..不斷出汗... 如果唔係都無咁勁...我數番都超痴線~haha~
係呢度學識左青年人口語都係加...超乜乜..勁乜乜... 同香港一樣~

待續 Day 4.....

posted by ivan @ 9:06 PM 7 comments

Monday, June 25, 2007

High Bear 之旅 ~ Day 2



















一焦早..勁好天...雨過天晴

由於昨日行得腳仔軟既關係..加上另外亦兩位朋友在中午加入一齊玩既原因..
有d野決定左......就係訓到佢地黎..上午行程休息...^^
可以一提就係間酒店竟然會係休閒室有部電腦比人上網...我預佢無...
因為酒店個款唔似有...一接到電話就到大堂等的士黎...
第一站就係搭高雄市火車站 去 台南市火車站"七股"
買左個叫"舊式便當"係車箱食..酸酸甜甜加埋豬扒都幾好食...
坐前排位..廁所有前..別有一番風味....

到步就包左部的士來回約1000蚊台幣...
呢兩日都發覺接觸到既台灣人對旅客係十分之有善..
先去"鹽山"看過究竟...今日熱過香港好多...
望過鹽山再加埋天藍色天空簡直一流...好好笑係佢扮係雪...
有假聖誕樹...假聖誕老人...假聖誕老人住既屋...
重有兩隻真馬仔騎添...沿途有d野食都係以鹽為主提...
鹽巴鵝蛋..勁大隻...鹹酸甜冰棒..食落味道都唔錯架...試下無仿...
可能熱就咩凍野都好好食..同埋用鹽抄新鮮蟹..新鮮蝦...
新鮮就點抄都鮮味啦..haha
入到類似舊超市...試飲左一少杯檸檬沖既冰水...嘩...係咁熱既時間...
更係透心涼...爽....我衰衰格重想倒左自己樽水...裝哂入去慢慢飲...^^
不經不覺"鹽山"無乜野睇都用左兩個鐘...勁
的士司機重係外面等僅我地走...
佢心諗你班某利...呢度可以玩咁耐...總之唔車你地黎...haha...
司機原來都訓左2粒鐘..採你都傻~
開始去下一個景點... 司機車到去就係個度完結來回車錢....
雖然呢一轉車程應該唔駛500蚊台幣...
但算啦人地等左兩粒鐘無做生意...haha..
呢度叫"安平區"即地方...裡面有好多小食商舖...
我重飲左杯似奶樽既飲品"洛神花"..
又食下一件吸成"動物樣"既一大隻鷄蛋仔...
跟住又飲西瓜汁...同埋波子氣水...因為太熱關係...有入無出...
再食排長龍限時限刻既....唔記得左個名...係用韮菜加入煎薄餅..
好似餃子咁..熱洛洛都好好味....呢度行夠皮...攰攰地...

就去下一站..."度小月擔仔麵"...評語係食裝飾...
出名既擔仔麵都無乜特別好味...試多罐台灣啤酒涼下...
裝飾食完坐一陣...走.....

開始夜lu....可以去"花園夜市"...因為個朋友話係逢星期六先開....
所以就要夾岩呢日黎....去既其間個的士司機扮熟...
成日講野前拍我打臂呀...又吹自己以前女友係香港人....笑下咪算....
去到望落好多野睇咁喎...成果好似維園行年宵咁...
頭四行都係食野..尾兩三行就買衫同其它雜貨...
當中有部比小朋友玩既火車軌...又幾有特式喎...
試左d魷魚...燒一串好似螺絲旋轉不斷既薯片...石榴生果...
最衰就無試到勁大塊既豬扒...聽講好好食...
我地以為之後會預到所以無試...笨左...
見到一檔買類似紅白藍手抽袋..有大中細款都幾型...
食飽都係走lu...

搭部的士....遇到第一個唔多禮貌既司機....見行到熱熱地..
咪叫佢開空調囉...佢唔踩我喎...雖然國語講得唔係準...
都無理由理都唔理我掛...扮聽唔到唔駛開咁...後面既朋友都聽到啦....
後面朋友諗住開大d個窗算....但我隔左幾秒望下佢有咩反應...
我堅持講多一次...佢聽到勒...但無望過我一眼...同無應過我一句...
無d禮貌....我出黎玩唔同你勞氣....
但我扮睇相...影低佢個証...可惜我無用閃光燈..影得唔清楚一.一"......衰人....
跟住再搭埋火車回程lu....

第二焦睇電視先知...原來我地錯過左果夜係有"夜晚賽龍舟"架~

待續.....Day 3



posted by ivan @ 10:47 PM 6 comments

Sunday, June 24, 2007

High Bear 之旅 ~ Day 1

go..go..go..好耐都無去一個較長既旅行勒,
終於搵左一個合適既時間出發,一切準備好..
以自由行..機票+酒店向High Bear出發..
出發既第一日清早去到機會,

見到明星女Fiona迎面而過..無fans跟住佢,帶住大烏蠅眼鏡..條頸真係好長..

諗住係香港機場先簽證,唔駛去到先搞,點知佢叫我地等一個鐘先攞得..
唔駛呀..一個鐘後我都上唔到機啦..佢重收港紙55蚊一個人..貴過個邊..
都係唔好客氣勒..所以都照原定落地簽證原本機票係搭華順細機,
但唔知係咪天氣麻麻地有雨,變相比左中華機我地坐,都幾好坐,飛機餐都唔錯,
有幾十套戲揀黎睇..但一個半鐘就到..都只係睇左半集都無..坐椅側面有個搖控,
個樣似打機搖控我重以為有機打..haha..


落機到步當然係先簽證啦..都好快..十幾分鐘都唔駛就搞掂..又平d..
因為個日得7~8個排隊..又係閒日..所以咁快..

步出機場就係先換錢..攞地圖..搵車..原本諗住搭的土直接到酒店..
機場搭過去300蚊台幣度(hk$70幾)..不過改變主意..試下搭公車再轉的士..
結果公車12蚊台幣(hk$3蚊)再加的士不跳標70蚊台幣(HK$19蚊度)又慳番少少..


到左3星酒店--統茂...天氣都係細雨無大風雨..都算係咁..
最初佢比間房...嘩...嘩...有好濕既感覺..好唔舒適..即刻換房...
無奶由咁早去都比間咁既房我地既...更係留左比旅行社..換...
一換就換左間係頂樓12樓...一入去...無濕味..乾爽d..好好多..
房當然唔會係勁靚..只係想住得下就ok啦..


另一樣奇怪事又開始左..兩間都有聖經係度..唔通有咁邪...
個旅行喼個外加細金鎖(舊式個隻)...條鎖匙去左邊呢...唔記得帶??..
我開數字鎖就開過..呢隻用鎖匙開既都係第一次...用一條鐵線...
結果又一次証明...睇黎我有天生做賊既本能..^^..
都要搵番個course去讀先得..可以Pro D..


開始出發第一個景點...沿住"七賢三路"一路去..可以去到幾間食野境點..
"冬粉王"食豬舌冬粉..爽夾彈牙...點少少豆板醬..好味,
跟住隔離有間食"阿婆仔冰"食落似紅豆冰...都係好食...
想搵"米糕城"但搵極都搵唔到..算數..
再去轉角經過有間食佢滷味.."大溝頂啊囉哈"望落有d烏蠅周圍飛..
都係揀左樣鴨腳蹼...都爽口味香既...沿路想買張電話咭黎用...入到一間舖內...
雖然只有幾人...但好似等好耐咁..就飲左人杯水就走....
行過既路開始有點不認得....飲飽食醉...


就想去吸收下d藝術氣息...咁就去左"駁二藝術特區"...
佢前身係糖廠貨倉...佢地畫上畫加點藝術色彩...
裡面有d紙做既figure..一個style配不同既pattern..
另一邊就紙雕佛像..勁似...有d就紙做立體相架...
有一個室係用針吉落有顏色似既牛油紙上..
做出各種畫或立體用品..像真度高..可以一看...
重有一個室係放d乜乜教授做既poster..但麻麻地..
呢part可以唔睇...相就偷影好多...hehe...


沿舊鐵路一路行...風景還係吸引...旁邊既都係有關船既工作者...
望遠處總會見到"東帝士85大樓"係台灣最高既建築物...
看似好近,經過"玫瑰天主堂"...過多四五條街先到...有點累...
本想上85大樓一看周圍風景或坐上面餐廳食個tea...
點知餐廳要6點先開...而且風景都係夜晚睇...haha...
咁就變左坐樓下的food court飲杯野鬆一鬆算...

再plan行程係大樓搭的士去中正文化中心約台幣85蚊度...

本來搵搵御書房...以為唔係度摺左..所以係附近靚靚地食裝飾"秋山堂"..
佢模式似似地"仙跡岩"...不過high多dd....飲果杯"醇釀桂花醋"...
有d酒香...又酸酸地...有d桂花香味...好飲...不過一定細細啖咁飲...
唔係會"續親"喉嚨...出左間舖後...過馬路時...


竟然發現"御書房"就係對面...以為去飲下野睇下書...
點知最低消費都要食個餐先可以留低...咁都試下啦...hehe..
但唔好忘記我地岩岩飲完無奈又再食.....叫左個醉雞餐...
有三個前菜..一碟醉雞..一個靚仔...一個火腿粟米湯...
雞就無乜特別好食...前菜ok...反而甜品係綠茶果凍加碎冰糖...好味....
另一個係乾竹筍礦肉烏冬餐...介紹係一d傳統村菜...似似東波肉...
入口即溶...香料味好特別...烏冬又滑又彈牙...掂....係附近行下消化下....
就見到"有機店"...買左一兩樣手信...


之後經過一間"城邦書店http://www.cite.com.tw/"...嘩....不得了....
有好多台灣既設計書..亦有翻譯本...就咁就放低少少錢幫襯下...
因為地下舖所以有88折..重做埋member添....有6本斬獲....攰lu...今日行程係咁多lu....

搭的士真驚險...折車佢未埋線即停...即刻想上車時....
就有後面電單車摌埋黎...頂...駛埋d都得掛....嚇死...有驚無險...


去到high bear最快要學識既就係過馬路....就算紅燈...
只有直去既車要停...左右既車原來都可以轉彎...大陸一樣....


待續....Day 2

posted by ivan @ 5:30 PM 9 comments