雨過天晴^^
今日雖然病病地...但都收到一個好消息^^我boss終於有時間同我傾番...因為佢成日係大陸好忙...
番親黎都係同客開會...
試用期又到左...嘗試問有關部門同事提過...答覆都係...問左未回覆...
遲遲都未有回覆...拖左成一個月...擺明延長左試用期...
我打左工咁耐...都只有提早永無遲....
今次諗住凶多吉少...
但都係唔好諗太多..做好手上既野先....
當我放棄想既時候今日佢就出現左....
重叫我係房到傾(心諗都好過唔傾,不了了之)
當然佢對我講出公司狀況同要求...
亦都因為我呀頭既病..而有所轉變...佢個病唔樂觀一.一"
變左我工作上要直接report佢...同要返多d大陸同上面designer開會溝通多d...
順利過度...重加左少少人工添^^
傾既過程中....佢都講出用我既原因...
因為老實講我香港註大陸既兩位designer...從手畫sketch到呢方面經驗都比我好,
無理由覺得我會成為第二個佢地...咁我跟本無可能生存係呢間公司既價值,
重有一句我都唔知係真定假...佢話我人工高過佢兩個一.一"
佢呢一句好刺激到我.....唔係呀....以我認識一排...都知佢兩個能力都好好....
所以我一定唔可以行番佢地條路...
如果唔係一定會比佢覺得我無生存價值^^
佢亦都有問我做左幾個月...覺得有無d咩問題....
我咪襯病話我個位好凍頂順囉....部機太慢囉...食住上..haha..
跟著佢就話...唔同我講有呢d問題一.一"(心諗新人要求咁多...想死呀)
咁佢就掉左我去我"呀頭"個位....
我就即講"唔係幾好呀"一.一"
佢都知我呀頭應該番唔到!!
雖然佢都唔係坐房....格式係一式一樣...
但其他人見到咁...會好多閒言閒語喎...雖然我都好少理...但可免則免...無謂製造事端...
不過今日都係搬左...
要我能力去到我呀頭咁...簡直係距離一大節...
希望d人唔會因為坐左佢位...而有所相比啦一.一"....咁就真大壓力!!
點解間間公司都想迫我去到"呀頭"呢d位置...我都係想安份做個designer咋....
但我始終都唔覺自己有做"呀頭"呢個本事...我既外表同表現手法一定出左問題...
成日比人誤會....係錯覺....!!
posted by ivan @ 8:40 PM
8 Comments:
恭喜恭喜!! 雖然呢個消息你今早都講左我知道, 但轉位就唔知啦...
老實講, 你老闆咁講,佢可能想你暫時叫你跟你亞頭d野都唔奇喎!你亞頭個病唔係普通傷風感冒,都唔知幾時先至會好番...雖然你地都希望你亞頭能打勝呢一場仗, 但係你老闆立場,工作點都要有人頂替。對你黎講,可能真係一個機會,點樣去表現自己,就要靠呢一刻。
雖然轉左你個亞頭位,唔代表d咩野,但外界一定會好多閒言閒語..唔好理d三姑六婆啦,做好自己本份... 你收左公司人工就要負出幾多囉。努力放心去做!!
仲有呀!! 假如真係要做管理者..你又唔係無試個做人亞頭, 經驗一定有啦..而且你平時都教過我唔少做管理者的經驗喎! 我都有去跟你方法去對我d 0靚啦! 無問題喎! "外表同表現手法"... 要想清楚自己現在做的事,冷靜去plan好下一步點安排人做野,就沒有問題啦! (我工作能力都好高架!呵呵!)但我怕就係你要present 呢一步.... 要多多努力呀!!
恭喜喎~加人工!!請食麵~ 一.一 嘻嘻嘻
不過跟本你吾需要諗甘多!!努力吧!
但工作上要直接report BOSS 係一個機會,好或吾好,BOSS 直接睇到,小心!!GOOD LUCK!
THX all fds~
咁我照用我而家工作模式勒...
我諗我boss覺得呢種對佢黎講係帶有新思維手法(佢係咁諗^^..無人認同)...
不過我呀頭..都在病前提及過...
要上去同佢地兩個開會...
溝通多d..對我工程方面都有幫助..
而且我有自己style...無問題...
只要見boss揀左邊款認為可以做...
就大家一齊幫手諗...等佢可以變成真實!!
This comment has been removed by a blog administrator.
講起試用期，我都就黎到，每次到左Ｄ咁嘅日子就突別緊張，緊張過唔到。
勁喎有人工加喎，仲升埋上神枱位，其實都唔洗咁擔心啦，叫得你坐就知你有資格坐啦，就算未有資格，佢都覺得你有protensical坐啦。
知得太多野..唔擔心就假...haha...
不過都會盡力做啦...肯試無話做唔黎既..我相信...haha...thx
唔好玩啦, 咁梗係你有能力,人地先俾咁嘅機會你啦, 你又唔好咁睇小自己!不嬲我都覺得你得架=P
繼續努力啦..直接report boss仲好..唔會有太多唔同嘅意見ma~
同埋我想講..香港人嘅人工多過大陸人係正常架!!hee...加油~加油~
gigi
thx..
gigi...個兩個係香港人呀...ive出新..做左兩年勒...只係註大陸咋...hehe..唔係大陸人黎架...正常香港人長註多數都會多人工架..^^
Post a Comment
<< Home