第一次去西班牙～
未去西班牙..聽埋聽埋好多唔好既印象...
但去到都唔係講到咁恐怖...又話好多賊仔...小心小心～
去到馬德里見到環境舒服、空氣清新、幽幽閒閒...
我有移民既衝動..haha~
但都有小插曲發生...
好似地震5.5級...
夜歸搭火車遇到既低手小偷...
地震當日剛好改行程無去朋友屋企...唔係就有機會經過那地方...
咁就真係驚險收場～
夜歸搭火車...我地攞住好多名牌袋...成為小偷對象...
一行5人少年兩男三女小偷隊...一見我地上車...佢地就唱住歌走到我地車卡...
最初唔留意佢地係小偷...以為係自己國家足球隊贏波高興先會咁...
點知越迫越埋...交义手...然後從後摸...
我地一見到就即刻捉實自己D袋...移步到下一卡...
好彩係呢班人係低手小偷無跟過黎...
佢比我地發現就落車...
如果佢跟過黎我都唔知應該係同佢打...同佢死搶...同係點好呢...
不境第一次遇到都有D腳仔軟～（我和平主義者麻..邊有見過大場面..又無食過夜粥^^）
真係好彩～
一切順順利利～
去到歐羅即跌真係不幸...一。一“
飲啤酒、飲紅酒...平過買水飲～
終閃
第三輪終於來到...
無特別既驚慌...
只係孤身離去...
緣盡於此...
黑氣延續...影響到假期天氣...
破壞我重要既事~
挑戰又再一次降臨~
唔係醒果個..亦唔會想做最差果個~
果團火唔知點燒..希望唔好燒親自己~haha
Merry Christmas & Happy New Year
掃興...泰腳遊~
真係唔好彩..最激既呢幾日..咁岩影響左行程..
短短幾日就睇到沙田"專業旅行社"Sandy Wan真係幫得吓公司手...
點樣可以利字行先..不理遊客人身安全(應該係公司教出黎)..~
呢幾日問佢一路都係話個邊旅遊區無事...
話改地點..佢就話出左機票退唔到...
完全利用人既心理...錢攞唔番...
一係就照去...唔係d錢就扣到渣都無..
就算我而家取消唔去..果雞粹咁多錢都重要半年後先攞到...
睇黎到最緊急既狀態下...
只有"永安、東瀛遊及美麗華旅運"重有番dd人性..
可以取消,退錢或攺期...
專業喎....
無事無幹就專業....
有生之年都唔駛只意我幫襯"專業"
睇完"不眠優伶"舞台劇
係彭秀慧(舞台劇女人)同犀利妹(電台DJ)合作既舞台劇..
但應該算係talk show..兩個女人吱吱喳喳..haha..
彭秀慧因為"二人餐"所以認識..另外個位就唔駛多講..
套劇係講"夜訓"為題..帶出一連串香港人夜訓各式各樣既古怪事..
整套劇講野真係太多勒..
如果能夠有一個重心既故事帶出..
我諗吸引度會更大..
論表現彭秀慧會用誇張既手法..
而犀利妹就聲線磁性..誇得黎又好自然~
兩個都係性情中人~
其中情節係講香港過去一年潮玩既睇法...
樣樣講d...覺得唔夠吸引..
最好睇應該都係玩現場觀眾既節目..
觀眾都玩得好放~!
Mummy 3
呢輪成日見到李連杰拍呢種戲...有d悶...
當然唔係佢拍得唔好...只係太多...
成套戲加入太多中國元素...
好似將原本既mummy變左質~
都係鍾意故事圍繞埃及同木乃伊我比較欣賞d~
女主角換左角色..我唔係太欣賞新個位~
整體故事都好完整..場面大堆頭震撼咁唔少~
Wall E 早場~
一套3D動畫...佢係做得好靚...
不過個故事比較悶左d..
而且都無乜聽到小朋友嘻哈大笑..
成套戲得兩個主角...
少左d綠葉..整體唔夠豐富~
齋睇動畫係值既..但大家如果想睇埋個故事..就要諗諗先~
