simple....is my life!

一種教學模式..換來兩種不同成果..天壤之別

我呀媽用既教學模式只得一套~
換來只有一得、一失!
我呀媽要為維護老爺既面子~

係咩教學模式??
功課要做得最好~
考試一定要攞100分~
考試前要做她親手寫既模擬試題~
默書要攞100分~
我都好想求學不是求分數~

點解會有一得、一失?
指既當然係我同細佬~

我細佬係天生聰明、記憶超強、集中力超強、
外向、好勝、求知欲好強既人、成日問點解既人~

而我係唔聰明(又唔可以話蠢,因為我會作好多故仔去濛騙佢^^)、
古惑(一大堆大話)、心散(人在內心在外)、
我視線範圍係180度,望野係唔會集中到一點、
成日發白日夢、內外、怕羞、喊包、懶(踢一踢先沃一沃)

所以可想而知,兩個係極端唔同既人,
但我地感情係相當好既,就好似一凹一凸咁!

講番教學...

教我就慘囉~
小學長期溫習..溫極都唔識..
默書又要成晚都係度背..
背極都入唔到腦~
爭一兩分都問點解咁大意~
因為我成日同音字..haha~
又心散..個個係出面玩..我就讀書..
我人在內..心在外..集中唔到~
成日比人話蠢到死~幾hurt~
因為我呀媽d模擬試題係超準..
所以攞100分係有機會架~haha
所以小學都會考第2、3...
死讀書無鬼用..跟本就唔明唔了解課書係講乜~
除左美術科係唔駛人理之外~haha~
我細佬多數中、小學既美術野好多都係我傑作..haha~
呢種教學方式跟本唔岩我~
佢又無第二套方法比我~
所以到了小六揀咩學校佢已經唔迫我..
佢知我咩資質..又唔駛再理會要比面子呀爺~
因為過左小學就唔會再有人問~
我自己都知可能會讀不過中三..
所以我選擇讀明愛~
我既情況係考入去而唔係派入去既~
我覺得我會好過d~
我唔知係咪小學底子打得好..
所以我既分班試都考得都好~
因為其他小學同學都無同我一班..
結果都可以完成到中五~
期間既成績就..haha~
因為我無再用佢既讀書方法~
正式黎講完全放棄~
只係考前一晚有溫~
成績又點會好呀~
開心既中學階段~
會考得個三科係數學、金工、工業繪圖
呢三科偏向於理科..
其實我計數唔叻..
所以我就試報當年既TI讀建築~
無回音之下跟著就傻下傻下走左去讀design~
讀緊後一個月建築個邊佢又寄信黎話收我~
玩野..不過無理佢..照讀design~
命運就從此改變~


我細佬就好似海綿一樣,
受我呀媽呢一套..還卓卓有餘~
由幼稚園開始就已經係第一..
只係試過幼稚園高級考過一次第二..
至始小學一直係第一..
就連上到中學都要係第一..
重要全級係第一..
單係斷科計都係幾科都係第一!
會考又考得好..攞住4A3C成為學校當年風頭等~
之後自己重安排自己去美國讀書~
去到美國讀U成績一樣咁好~優異生畢業~
而家都重讀僅double master~
完全唔駛人擔心~我細佬真係叻到爆!!
佢真係成日係房溫習~電視好少睇~
唔止靠天賦~係努力既成果~
好彩佢唔係我大佬...大佬呀..係我就重辛苦..有比較~
我都好慶幸有呢個咁叻既細佬~
我黃氏家族之驕傲~暫時無人能及~^^

posted by ivan @ 8:49 AM