認識指紋科學~
近來聽了個講座~叫"指紋科學"聽落都有跟有據~因為鑒政科都用佢~
原來人在媽媽既肚裡面12週就形成指紋~
指紋重會到死個日..都唔會有任何變化~
所以可以從指紋追索基因原頭代表什麼~
指紋已經表現左每個人潛在能力~
台灣好多公司見工..已經用呢個方法~
因為面對面交談..見工既人一定會表現得乜都得~有幾鍾意公司~
所以其實唔係真正既佢~若表現真正既佢實無人請..都可以係僱主做成..haha
這方法除學歷要求外...就係面試時只要放上十隻手指..就搞掂~
面試無需交談...亦無試用期...一岩就請長工~
箕紋 -- 由左或右邊起,一端流入中間,再打一圈流出相同方向
斗紋 -- 旋轉成環形
弧紋 -- 係指紋線由一端流向另一端，中間隆起或作波紋狀
概括黎分看手指公:
箕紋代表--情 (同情心,很自然重情,一d幫人或服務性行業會發揮得更好)
斗紋代表--理 (理性)
弧紋代表--法 (行事約束、規規矩矩、好比一部電車或覽車、有路軌規管住)
我有興趣想知係乜東東既原因...
因為我十隻手都係同一類紋!箕紋~haha
原來每一隻手指既紋理都表達某一個範疇~
所以唔係以整體去看
但要深入了解,就要比錢先知勒...haha~
覺得唔似,原因係人受外來環境因素影響,要適應環境,所以改變自己,
連自己都唔清楚自己最基層性格都唔見左~
好可能自己兜兜轉轉一背子,都係想搵番真真正正既自己,
亦係最舒服、最適合自己生活既方法!
posted by ivan @ 8:04 PM
6 Comments:
下.. 用指紋去見工,好似好兒戲喎!
咁不如請d 識睇相做人事部, 只要一眼是否可做之材咪得囉~ 哈哈!!
根據你分析.. 我是斗紋代表--理 (理性)
but 我覺得自己唔多理性喎!!
好一段日子冇上來look look
指紋學都幾深奧wor~
@ ^ - ^ @freelyflyphoebe
唔係咁信....
有無兩溝架?~
我睇到自己又有箕又有弧...
即係乜呢?!
又理又法?!
會唔會每隻手指代表了不同人物呢?!
例如︰
食指=自己。
無名指=配偶。
尾指=子女。
其他手指唔知。
我估下咋~
hi 北(haha..諗唔到係邊個..)~
可以有好多溝架..
真係每隻手指都代表不同能力~
人格特質睇手指公...佔一個人40%
左手指公表代人際關係~
右手指公表代管理能力~
精神特質睇食指...佔一個人40%
左手食指表代思考方式~
右手食指表代推理能力~
其餘睇邊方面強行...佔一個人20%
左手中指表代節奏感~
右手中指表代操控能力(例如身體活動)~
左手無名指表代音樂能力~
右手無名指表代語言能力~
左手尾指表代圖像能力~
右手尾指表代識別能力(例如打機兩張圖找錯處)
以上只係代表既範疇,不同指紋亦有不同解說~
當然就算知道邊範強,都需要練~
只係對自己黎講比較快d達到,
但點都唔係同人比我既強行,點解唔夠人強!
遇到自己弱既仍然可以加強,只係比人多倍既時間練習~努力~
估唔到你會答返我~~
現在你知道我是誰了嗎?!
相信和你所認識的姐妹不伯相沖吧。
哈哈。
Post a Comment
<< Home