simple....is my life!

第一次去西班牙～

2011-05-17T11:32:00.008+08:00

未去西班牙..聽埋聽埋好多唔好既印象...但去到都唔係講到咁恐怖...又話好多賊仔...小心小心～去到馬德里見到環境舒服、空氣清新、幽幽閒閒...我有移民既衝動..haha~但都有小插曲發生...好似地震5.5級...夜歸搭火車遇到既低手小偷...地震當日剛好改行程無去朋友屋企...唔係就有機會經過那地方...咁就真係驚險收場～夜歸搭火車...我地攞住好多名牌袋...成為小偷對象...一行5人少年兩男三女小偷隊...一見我地上車...佢地就唱住歌走到我地車卡...最初唔留意佢地係小偷...以為係自己國家足球隊贏波高興先會咁...點知越迫越埋...交义手...然後從後摸...我地一見到就即刻捉實自己D袋...移步到下一卡...好彩係呢班人係低手小偷無跟過黎...佢比我地發現就落車...如果佢跟過黎我都唔知應該係同佢打...同佢死搶...同係點好呢...不境第一次遇到都有D腳仔軟～（

終閃

2009-04-27T19:05:00.004+08:00

第三輪終於來到...無特別既驚慌...只係孤身離去...緣盡於此...黑氣延續...影響到假期天氣...破壞我重要既事~挑戰又再一次降臨~唔係醒果個..亦唔會想做最差果個~果團火唔知點燒..希望唔好燒親自己~haha

Merry Christmas & Happy New Year

2008-12-30T09:57:00.000+08:00

掃興...泰腳遊~

2008-09-03T16:22:00.002+08:00

真係唔好彩..最激既呢幾日..咁岩影響左行程..短短幾日就睇到沙田"專業旅行社"Sandy Wan真係幫得吓公司手...點樣可以利字行先..不理遊客人身安全(應該係公司教出黎)..~呢幾日問佢一路都係話個邊旅遊區無事...話改地點..佢就話出左機票退唔到...完全利用人既心理...錢攞唔番...一係就照去...唔係d錢就扣到渣都無..就算我而家取消唔去..果雞粹咁多錢都重要半年後先攞到...睇黎到最緊急既狀態下...只有"永安、東瀛遊及美麗華旅運"重有番dd人性..可以取消,退錢或攺期...專業喎....無事無幹就專業....有生之年都唔駛只意我幫襯"專業"

睇完"不眠優伶"舞台劇

2008-08-18T09:04:00.000+08:00

係彭秀慧(舞台劇女人)同犀利妹(電台DJ)合作既舞台劇..但應該算係talk show..兩個女人吱吱喳喳..haha..彭秀慧因為"二人餐"所以認識..另外個位就唔駛多講..套劇係講"夜訓"為題..帶出一連串香港人夜訓各式各樣既古怪事..整套劇講野真係太多勒..如果能夠有一個重心既故事帶出..我諗吸引度會更大..論表現彭秀慧會用誇張既手法..而犀利妹就聲線磁性..誇得黎又好自然~兩個都係性情中人~其中情節係講香港過去一年潮玩既睇法...樣樣講d...覺得唔夠吸引..最好睇應該都係玩現場觀眾既節目..觀眾都玩得好放~!

Mummy 3

2008-08-11T11:23:00.000+08:00

呢輪成日見到李連杰拍呢種戲...有d悶...當然唔係佢拍得唔好...只係太多...成套戲加入太多中國元素...好似將原本既mummy變左質~都係鍾意故事圍繞埃及同木乃伊我比較欣賞d~女主角換左角色..我唔係太欣賞新個位~整體故事都好完整..場面大堆頭震撼咁唔少~

Wall E 早場~

2008-07-28T09:52:00.002+08:00

一套3D動畫...佢係做得好靚...不過個故事比較悶左d..而且都無乜聽到小朋友嘻哈大笑..成套戲得兩個主角...少左d綠葉..整體唔夠豐富~齋睇動畫係值既..但大家如果想睇埋個故事..就要諗諗先~

赤壁~...早場!

2008-07-13T12:33:00.004+08:00

睇戲而家多數睇早場...因為呢邊早場最遲個場會有焦早11點場...呢個時間話早又唔算早..又只係35蚊,都係咁睇抵~(呢套戲兩個半小時,所以加5蚊,平時睇30蚊就搞掂)圍繞住三國演義黎講..果個時代係我認識最多歷史人物的年代..孔明既角色一直都好欣賞..古古惑惑得黎又非常忠心,天文地理術數..無一不精~套戲當然唔少得好多壯觀場面,打鬥唔太多有借鏡位..唔駛眼花..打起黎好睇好多,故事情節跟番原著..所以都知事件既發生,孔明係金城武..都ok呀~睇兩個半小時係唔覺唔覺咁就過左...到場戲睇完..情節原來都講唔到去火燒連環船..有d意猶未盡..好似無啦啦比人熄機無得睇咁..好有失落感...乜做完勒...噢......咁大製作唔知幾時先有得睇下集...又要等~情節唔會有咩驚喜...但當重溫歷史..睇下場面有幾壯觀..都係可以睇下~

目標

2008-02-13T10:24:00.000+08:00

其實新一年應該都要定番個目標...人人問我目標係乜...目..標....我有好多野都未掂...點談得上目標丫...d人就會話唔好搵藉口勒...haha.真係藉口咩???我諗總括黎講都係一個字"懶"..所以變成左好多藉口囉...諗呀諗....諗呀諗....咁多樣唔掂之中...英文比較嚴重...嚴重到好多野都避...咁就由英文開始啦...都應該由呢樣開始...再基本d...由記生字開始...目標就係生字...

長江7號

2008-02-03T23:22:00.000+08:00

長江7號睇得咁快既原因..係因為我細佬想睇..所以就訂左飛一家人睇早場...無錯都重想慳d..係睇早場..hehe...真係好耐無一家人去戲院睇戲..我諗成十年以上...haha..套戲都係講d低下階層..點樣比人踩..點樣現實..點樣突如其來既際遇..星爺既搞笑本式都係恰到好處..重係好好笑..加上有d情節感人場面..我都爭d想喊...爭d啫..haha..(只係加插小小上世紀既功夫點綴下..都無過太)評語係.....好睇~窮要窮得有骨氣..有尊嚴..就無人感睇唔起你~

遺作....唯一的...生於一九九四...!

2007-12-29T10:14:00.000+08:00

往返舊屋中執拾..見到個黑色A2 profilo..不其然就會想回憶吓..當中有好多唔要得既作品..正所謂"行貨"特別多...haha..但記得在"大一"同同學仔生活既過程...實在係好搞笑...而當年大家見到我呢一幅粉彩畫...都會"嘩"一聲...唔係因為我特別勁...而係我都會畫到d似似地既野...佢地好驚訝~haha~遺作...自己而家望番都好滿意既作品...其它作品就唔好提勒..haha..攞哂黎堆肥....^^

快樂無罪--看後感

2007-12-27T20:12:00.000+08:00

今次有d失望....三個人把一年香港既觸目發生既大事...係兩個鐘裡面放入去演...比重放得唔好...有d位都幾悶...馬志豪亦演得唔好..雖然佢好努力...佢除非用其他方法去演繹..唔係就一定比下去...演"色戎"那一幕.."呀徐"演湯唯實在太嘔心..雖然最後梁朝偉飛入車都幾好笑..但實在編排得太長..悶到攰攰地..演"Facebook"就麻麻地啦..演"改樓盤名"...講而家乜野名都改得一餐...再加上互動環節..即時改有詩意既新樓盤口號...有趣..."呀徐"那一幕...一人演兩角然後交談...我最鍾意..演一個聲音似志偉...另一個長氣到死唔斷氣既人...好得~今次比上次差...下一輯我要考慮再睇唔睇...haha

看後 [女書] 舞台劇

2007-12-15T17:24:00.000+08:00

一套用舞蹈,加上音樂去表達她,他,她與他既演繹..原來真係好難明,明既都只係一小部份..我只能從舞蹈既角度去欣賞~佢地跳得太勁,與來自不同國家既音樂產生左共鳴..企得係中間..永遠都係最勁~

快樂無罪6 - 向起點出發

2007-11-25T11:43:00.000+08:00

又一年一度爆笑舞台劇迎接聖誕新年...有興趣就快手..開始預售...hehe~

車禍

2007-11-03T18:46:00.000+08:00

昨晚爭d變成受害者...夜晚從大陸搭巴士回家..部車無乜乘客..我係車度玩緊手機大富翁^^當時就黎到落車車站的前一個巴士站..停站不足一分鐘..右邊線有部貨櫃車直駛當中..點知佢突然飛脫一個車軚(我懷疑係車頭前左邊條軚)..貨櫃車係有拖住尾架..不過就無貨係度..導致佢立即失控..向我巴士左邊插過黎我地條線..我望住部車插過我地條線...好好彩..因為我地部車當時係停低左..佢就由我地車前面撞欄欄杆..直炒上磚牆..一.一"有驚無險..個司機都無事可以自己落車..部巴士都只係整花少少...我見無咩事..都叫住近..就自己跟著落車行番屋企...繞路過左部貨櫃車..我前面個乘客就攞部手機去影低..我有咁既衝動..但最後都無理照走...懶得影^^

色戎

2007-09-27T11:54:00.000+08:00

我覺得似一部有劇情既三級片..露哂..除左無大特寫性器官..新人都咁博命~當然唔係指唔好睇..或者做得唔好..無冷場..節奏唔慢..兩個幾鐘過左真係唔覺睇左咁耐..梁朝偉既戲其實都大同小異..只係今次有部份SM動作..戲交足~湯唯就唔似第一次做戲..好老練既感覺..唱歌比朝偉聽個part真係好聽~值得一看

眼科...比度肯定既答案!

2007-09-21T16:06:00.000+08:00

終於睇完專科...一檢查就可以斷定..雖然眼係有紅...但並非紅眼症!(之前個條友點睇野架...一場虛驚一.一")佢係說話當中帶點寸...解釋比我聽..可能我唔會明..我用"含膿"字眼..佢就用"白血球"..你有既專業都可以客氣d麻~都抵你寸..因為我唔堯~醒我兩支眼藥水...就可以走得~兩星期後再覆診~好在全部有公司醫療...1毫都無出過...簽個字就搞掂~

突發....紅眼症~

2007-09-20T13:00:00.000+08:00

星期二..一起身..就發現角膜邊緣有兩處白色野..好似含膿現象~早幾日以為係眼紅紅..唔夠訓..少少痕..其實都未知係咩事..就即刻係大陸call有無公司車..車番香港睇醫生..好彩有部車原本車客..但可以比我用車落香港先..準事9:30am即走... 去到睇醫生..佢話眼角膜發炎..所以含膿..(無講過係紅眼症,同埋會傳染)佢講野講得好快..趕收工咁..滴眼藥水..茶眼藥膏..食消炎藥..食維他命B..就搞掂~好似好簡單..以為好輕微~好普遍都係少事~ 第二日再去睇..因為覺得好似差唔多..眼又好乾..右眼又開始少少痕~佢話可能野左過隔離...我先知係眼角膜發炎即係紅眼症...wow...所以開左抗生素..加眼藥水滋潤下... 雖然而家好左少少..眼無咁紅...但含膿依然存在...訓左兩日人好攰...都驚會野到人..繼續請假訓...訓...訓.....聽日book左眼科...都係

揚帆..出海...

2007-09-03T12:02:00.000+08:00

去睇下我死既地方有幾靚...haha..當然唔係啦^^新體驗~第一次坐帆船..感覺好free...雖然初時熱..跟著陰天..中段落雨..陽光消失得無影無踪...但都無損雅慶^^28尺長既yamaha帆船..左搖右擺都無事..haha..上船重有得試下點控制張帆..都係新鮮既體驗...當然佢講過好多船上用具名..同邊個位打邊個位..已經一掃而空lu..一船十人..有一半都係新手...所以船長有雨都唔感開帆玩...錯失左佢地所謂既好時機~

銀包....我洗得你乾乾淨淨.....

2007-08-29T22:47:00.000+08:00

唔知發左咩神經....連埋褲一齊洗....死未....今次真係洗銀紙....乜都濕哂~

行前....請留步....

2007-08-23T17:43:00.000+08:00

行前......請留步......一菊躬....再菊躬....三菊躬....家屬謝禮........................................請留芳名...擺低白金...

激心.....你地唔好去"DSC直銷公司"買野~

2007-08-21T21:21:00.000+08:00

諗住平平地買部電視機...元朗呢間咁既直銷公司(我諗佢間手法都差唔多)...又話7日內唔岩有得換...電視機黎到真係有問題勒...雖然佢講過如果有壞係要先換同款電視..我對個款電視無信心想補錢換過部電視...再有問題先可以換其它種類..個sales就話要call個師傅上黎check..check左真係有問題就會換同款新機..約個師傅要4~5日..重要唔到第5日先打上黎約時間...頂..其間我直頭踩場..我已經好唔滿意佢地既服務..擺哂係個面度....都講佢唔掂...叫佢即call師傅..我企係度等佢覆...我要知時間..幾時上黎..頂...嘈佢終於可以唔check機而換同款新機...點知果師傅又有call我屋企人..個晚到..夜晚十一點前先上到黎(我地係約八點幾~)check個陣時..部機顯然表現重差過初初...師傅都無野好講...咁我地叫佢幫手寫上去份報告度我要求要補錢換其它型號...

新玩意N73~

2007-08-14T08:40:00.000+08:00

舊年開始想...但當時4千蚊真係買唔落手...一想就想到近排先買..千幾+簽兩年...其實都重想等..haha..新機到手..3日香...除左一般影相同聽歌外...而家最多玩就係將"狐忍","志雲飯局","台灣綜藝節目康熙來了","同事三分親","電影"..放入手機裡面...原來用一個software轉換成mp4就得...方便..因為已經係放入手機所以想畫質好d..睇得無咁辛苦..轉mp4就無走雞...將以前坐係屋企上網做既搬入手機中..haha..搭每程車都用成個幾鐘..而家有野做勒~

香港先生~

2007-08-13T11:55:00.000+08:00

無特別要去睇..但就咁岩係屋企..咁岩游乾水..又咁岩對正個電視機..即管睇下有咩乎Fit~雖然都係選鴨..但已經明顯有少少進步..我心水號係7號~登登~又勝一仗~佢好熟面..好似拍過廣告或者電視劇之類~有印象...佢笑容夠..又陽光...肌肉又掂..功夫ok~不過係險勝..因為11號真係跳舞個part一流~普通既2文3唔又無問題~都驚驚地敗比佢...其他就唔好提啦..個兩個後生既死0靚仔好唔掂..一味夠勇~...個老既又係..哂d肌肉真係好唔掂..下墜啦~唱歌比女士門聽...唉...聽到打冷震...首歌變哂..係唱英文歌比個model就重可以~有個脂粉味勁重既...以為佢上哂粉咁~

怪颱風

2007-08-13T08:39:00.000+08:00

蝴蝶一焦早迫佢番轉頭..大家都無留意佢係咪假象..亦無理會佢有無打得成..我以為已經唔係好關我事...(正大陸燦^^)點知中午係食堂食飯已經掛3號...天文台當然非常保守...只係話有機會掛8號...(都係無理)食完飯上網睇睇yahoo新聞..佢話有機喎..咁就係msn宣揚開去啦..說話都唔夠十分鐘..耳邊傳來3:30分掛8號..吓....當時1:55分...公司叫執野..2:00開車番香港...一.一"突然急成咁..嘩..5分鐘..打電話..執野..即走...未試過咁高效率...haha...3:00番到黃崗...平時搭開77小巴...見到咁長龍...即變陣...見搭去錦田西鐵站既小巴得幾個人...雖然會遲小小先歸家...應該都有數...上...西鐵都好多人..好在係車尾...多人但都上到..hehe...去到朗屏站...無事lu..4:00搞掂..順利到步...重去M記坐低...

昨晚無啦啦~

2007-08-10T11:24:00.000+08:00

颱風第二日由大陸番屋企...(而家颱風唔係好關我事..haha..)一番到去..見到佢變左植物人..佢已經睇唔到彩色勒...佢個臉濶左好多呀...已經見唔到無線logo勒..佢把聲好沙啞勒..佢唔得勒...最後一次聽到佢把聲勒...開始do..............................死亡時間9點鐘...初初重以為佢受颱風影響~見好似尚早..即刻行動...全家出動...開車...瘋摘應該未咁快收檔...GoGoGo...haha..唔知米貴..以為佢有2千幾既LCD芒...茫想...最後收兵回巢食白果...今次算係最迅速行動既一次...雖然無功而回..haha~

天有不測之風雲~搞長沙

2007-08-06T09:45:00.000+08:00

個fd結緍過後..短時間內最後一次聚會~因為要在英國定居~嫁鬼隨鬼~hehe~係陽光與海灘水上活動~指定要戶外活動~無人估度..晨早好曬既天氣..突然又變成勁大雨..大家都估..係咪應該改活動呢..主人家就有問個邊fd"長沙"天氣如何..佢地話無問題喎...好好天喎...~咁照去啦...都暫時最後一次見..死就死啦...~約係東涌等原來我係最快..因為有E線機場線..半小時就到十幾蚊..抵..其他人就轉幾次車..重差不多要兩個鐘左右..第一次有咁著數..因為大部份都唔係新界人..東涌東薈城原來真係全部都係outlet..我都變左去shopping執到平野..黑色new balance $299...買...個型爭少少唔緊要..主要係佢有11號..普通shop都無呢個size...即買...抵...有收獲..個fd就買另外一對啡色假皮身..都好睇..$350..抵...即掃貨...

要交大陸稅>.<

2007-08-03T12:11:00.000+08:00

慘...交大陸稅...因為公司係大陸性質有別...不同於其它公司係大陸工幹逗留不足183日呢種形式..唉...大陸重要個個月交稅...個個月番幾多日交幾多日...雖然下年三月會扣番比番部分錢..公司acount個邊又唔幫我地搞掂哂...簡單d簽個字就得...個個月要自己煩...填呢樣..簽果樣...正衰人....今個月唔見千幾...唉...日子好難過~

尋晚做一個不一樣的"兄弟"

2007-08-02T09:04:00.000+08:00

因為認識既人係一個多年既朋友..而且係女性..佢老公確實係一個鬼佬..佢地雙方係一個不足三個月既時間..做左一個決定...就係"結婚"因為佢要安排一切事務..所以我地班人知道呢個消息時..係一個半月前..佢無用一個最簡單既方式..旅行結婚..選擇傳統既婚禮..睇黎鬼佬好鍾意..haha~佢一個好容易既決定..令佢身邊所有人為佢忙過不停..女方有一個要求..就係要我地充當"兄弟"一職~當然無"say no"..上~亦當然以我咁純正既廣東話...跟本就同鬼老無法溝通啦~haha~我地自己人玩算啦..咁急之下..鬼老一個朋友都黎唔到..haha~早一星期前收到個rundown好好笑..比左個excel file我地..裡面竟然有埋每人比利是幾多錢..haha..而且裡面係無安排邊d人負責每一樣事情..真係咁順其自然..^^終於到大日子..對我黎講"寶林地鐵站"等..實在太遠..我重早過番工時間

ive UCE degree grad. show

2007-07-09T09:49:00.000+08:00

ive搞既一年全日制既degree課程..咁岩要去浸會醫院探人..就去順便望下..原本無諗住去..所以無影相..~全班整體上都好平均..連present個board都係..但就係無一d好新既idea去刺激到你...hehe..可能有..因為我英文差睇唔到..最失望係..因為有一個係之前同班同學仔..佢用番之前project用過既idea..重係新鮮滾熱辣上年既事..再去番炒...唉...佢其實可以好"標青"...但結果睇得好失望...可能佢真係忙..無時間去諗....一.一"睇完之後我覺得...而家望到佢地既作品...其實我地班都做得到有餘...係我覺得...^^

爆谷殺人狂 - 舞台劇

2007-07-09T09:03:00.000+08:00

無端端有兩張飛...不過要錢...唔知頭,唔知路就照去睇...聽到有魯文傑(無綫藝員),唐寧(無綫藝員),魏綺珊(新聞之花)...開始有d記憶..有留意過呢張海報~導演係"鄧偉傑"...因為之前睇過"同窗勿友"..覺得麻麻..唔係想像中咁好睇..所以都無抱好大期望入去睇...結果呢套又ok喎~http://popcornkiller.blogspot.com/套舞台劇一入場已經講明暴力，色情，往往是最具官能刺激的娛樂，尤其是真人真事。因為今年三月，英國有位失婚男子，在網上聊天室以網絡鏡頭直播上吊自殺過程，在五十多位愛娛樂、鬧哄哄的網友目擊下斷送生命！要聲討問罪，是策劃這些刺激官感的搞事份子，是觀眾，還是網絡發明者？"糊塗戲班"探討的是相同議題。演得都真係唔錯..情節緊湊..時間雖然長但無冷場...講述一對雌雄大盜..摸左入去一個當晚攞左影帝既豪宅..有開槍情節..大聲到嚇死人..

High Bear 之旅 ~ Day 4

2007-07-06T21:16:00.000+08:00

訓到咁上下...無限時限刻真係好...又無食..hehe... 焦焦見到個廣告都會望一眼..好好笑...到左買手信日子...先搭去買黑橋牌既食品...唔熟路都係打的去...點知個的士佬記錯係"愛河"另一面以為係個間... 見到唔係...即過番愛河轉去中華路個邊...因為一開車已經比中華路個地址佢睇... 感覺就好似兜我地路咁...頂...問佢識唔識路..佢又無話唔識... 言語間抄左一陣...叫我地唔信佢就落車...頂...我地咪話你咁樣我地唔比錢架...車重開緊.. 佢話去公安廳囉...好呀..去囉..車車下又見到果間黑橋牌..算勒見到癈事煩... 照比錢落車走...正某利~買完野重可以擺低d野係間舖度一陣轉頭..行落下一條街食早餐果間野叫"古德曼".. 格調唔錯..食件公司三文治...肉鬆吐絲..一杯

High Bear 之旅 ~ Day 3

2007-06-29T21:06:00.000+08:00

今早天氣持續高企..中暑都得... 終於試下酒店早餐...不過都遲左落去... 已經尾聲...就更係無咩野食... 不過就試到稱為有機蔬菜沙律...加上小小小麥粉.. 清清地又唔錯喎.. 好...附近既路其實都有點熟...所以問下大堂服務員...就已經知邊度可以搭到公車...公車附近就係"歷史博物館"不過未去~想搭去既地方就係"旗津" 去旗津就要搭船..公車車程唔遠都係20分鐘左右.. 公車都係12蚊台幣...平野...咁去到搭船都唔貴.. 10蚊台幣...係附近買左杯野飲上船...船一泊岸... 摩托車一條隊...人龍一條隊...一出一入都幾有趣.. 有d摩托車重有帆布圓形包住部車添... 當然上上層吹吹風啦...去到第一時間又開始搵野食...先坐左一間叫"潮州餛飩麵"食左碗麵.. 麵都幾彈牙...見到其他人個個叫兩碟唔知乜東東既野... 好想試...結果無試...好似係當地既

High Bear 之旅 ~ Day 2

2007-06-25T22:47:00.001+08:00

一焦早..勁好天...雨過天晴由於昨日行得腳仔軟既關係..加上另外亦兩位朋友在中午加入一齊玩既原因..有d野決定左......就係訓到佢地黎..上午行程休息...^^可以一提就係間酒店竟然會係休閒室有部電腦比人上網...我預佢無...因為酒店個款唔似有...一接到電話就到大堂等的士黎... 第一站就係搭高雄市火車站去台南市火車站"七股"買左個叫"舊式便當"係車箱食..酸酸甜甜加埋豬扒都幾好食...坐前排位..廁所有前..別有一番風味.... 到步就包左部的士來回約1000蚊台幣...呢兩日都發覺接觸到既台灣人對旅客係十分之有善.. 先去"鹽山"看過究竟...今日熱過香港好多...望過鹽山再加埋天藍色天空簡直一流...好好笑係佢扮係雪...有假聖誕樹...假聖誕老人...假聖誕老人住既屋...重有兩隻真馬仔騎添...沿途有d野食都係以鹽為主提...鹽巴鵝蛋..勁大隻

High Bear 之旅 ~ Day 1

2007-06-24T17:30:00.001+08:00

go..go..go..好耐都無去一個較長既旅行勒,終於搵左一個合適既時間出發,一切準備好..以自由行..機票+酒店向High Bear出發..出發既第一日清早去到機會,見到明星女Fiona迎面而過..無fans跟住佢,帶住大烏蠅眼鏡..條頸真係好長..諗住係香港機場先簽證,唔駛去到先搞,點知佢叫我地等一個鐘先攞得..唔駛呀..一個鐘後我都上唔到機啦..佢重收港紙55蚊一個人..貴過個邊..都係唔好客氣勒..所以都照原定落地簽證原本機票係搭華順細機,但唔知係咪天氣麻麻地有雨,變相比左中華機我地坐,都幾好坐,飛機餐都唔錯,有幾十套戲揀黎睇..但一個半鐘就到..都只係睇左半集都無..坐椅側面有個搖控,個樣似打機搖控我重以為有機打..haha..落機到步當然係先簽證啦..都好快..十幾分鐘都唔駛就搞掂..又平d..因為個日得7~8個排隊..又係閒日..所以咁快..

睇過~"門徒"

2007-02-16T21:28:00.000+08:00

一個警察既身份轉做古惑仔跟左個賣海洛英大佬既事...大佬係劉德華...古惑仔係吳彥祖...故事不過不失..可以睇下...故事連貫性唔錯...好流暢...劉德華d戲好左好多...好仔細咁介紹海洛英既過程...做足功夫..學到下野~有驚喜係配角既古天樂...唔駛做花樽...扮型個種...今次樣樣衰咁做..好似有d戲咁...haha...

Happy New Year~

2007-02-15T23:19:00.000+08:00

祝大家Blog友新年快樂...新既一年衰氣全消...豬籠入水...發過豬頭...發到啪啪聲^^

睇完"二人餐"舞台劇

2007-02-11T12:22:00.000+08:00

有興趣就要去睇下...星期一(12/2),二(13/2)都重有位...有我最欣賞既呀徐...http://hk.myblog.yahoo.com/tsuisintsang 連場好笑..笑過不停..我已經睇第二次..都一樣笑左出黎(無記性..有d位唔記得左)有現場band...有自家創作歌...日常常遇生活細節...小品情節..句句絕..加上呀徐既身體語言...勁...(唔知佢重可以邊方面進步呢)無得頂...^^唔睇就走寶~值回票價

澳門駿景酒店+沙利文Slomar

2007-02-03T17:50:00.000+08:00

房間都算係咁..幾光猛..幾寬敞..聽人講原來個間酒店內既酒樓係好平好抵食..但無試過..都係聽番黎~因為係氹仔所以去食大利豬扒飽都好近..但無食到..太多人..太長龍~去左食沙利文"扒辣雞"..少少辣..好好味^^

美女與野獸

2007-02-03T17:38:00.000+08:00

種了一朵天堂鳥..同池裡一條怪物..究竟係乜野??我唔知..有人知可以報料~

估下呢位係邊個?

2007-02-03T17:31:00.000+08:00

無錯..就係佢..2006年最後一日係澳門見到佢..睇佢後面45度角都重有少少台型..就係佢..李龍基我近排重係黃崗過關見到佢..總算有一面之緣~

媽打生日之壽包

2007-02-03T17:14:00.000+08:00

好久不見大家..又一力作~登~登~....DIY壽包^^雖然不太完美..都上得下枱,食得下~食落都同酒樓既差唔多~媽打...生日快樂!

無BLOG文

2007-01-10T20:13:00.000+08:00

越來越少文...開始新既環境、新既工作...一切都常算過得去...雖然番多了大陸...一切安好!多謝讀者支持~^^以後有事啟奏..無事退潮...謂...嗚...!

2006夏季超新潮跑步機舞^^

2006-12-23T10:54:00.000+08:00

http://share.youthwant.com.tw/sh?do=G&id=13024700&dk=90ea3

傷城

2006-12-22T13:09:00.000+08:00

劇情唔多講~情節編排得好~完全感覺唔到有冷場..拍得好~金城武加梁朝偉兩大靚仔..掂!我唔係好鍾意黃伊汶做金城武前女友..就算出鏡唔多都唔係好鍾意~加上杜汶澤呢位大配角..大家都會知佢會點演啦..加起黎就有火花..好爆笑^^舒琪d唔咸唔淡廣東話..唔多唔少都係攞黎比人笑..呢套睇得過~扺~過埋聖誕節..我都開始進入正式開工狀態lu..多謝各位支持..我會加油勒..^^

沙田連城廣場 -- 滇家菜

2006-12-06T08:35:00.000+08:00

完全唔掂..見到呢間真係唔好去..不值~叫左個$148套餐..菜單有~1.炖鮑魚烏雞湯2.A款選小菜-茄子煲(小辣)3.B款選小菜-糖醋排骨4.兩個白飯(要加8蚊先轉到一個米線)1.炖鐘細都預左..味道雖淡都還可以..但匙更細正常一半..個鐘中間重要耐住哂..好難插入去飲湯..飲4啖等於正常既一啖..哂氣~2.除左得小辣..食唔出有茄子味..3.唔講唔知果個係糖醋排骨..以為係雜果盤..排骨得5粒..重要係碟既外圍..裡面有青椒、紅椒、南瓜、波羅..排骨完全唔入味..波羅唔似波羅味..4.米線緊緊熟~服務員重要係人開始食既時候..插手入黎倒茶..唔識攞開倒完放番入黎..要等佢倒完先有得食..攞米線埋黎個位都勁..好似等我地執開個位比佢先識放..唔係就企係度唔沃..呢間真係好掂..

自發功、發up瘋

2006-12-05T01:29:00.000+08:00

我執著自己要做一個Designer,但實質係一個Engineer!從內到外都十足十,係咪要繼續堅持呢???前半生可以用一個"懶"字去形容自己!懶去諗、懶去做、懶去試、懶去練...懶去接freelance、懶去面對世界...懶去同人溝通、懶去同人分享...懶去運動、懶去工作...人生重可以懶幾多次呢???而家體力、心力full哂,都只得百分之50~用左少少力,都好似白粉佬咁,不斷打呵欠..簡直痴線..一向衝勁不足...每件事做得到,但做得不好!永遠無盡全力去做好一件事~想既多,做既少...一想用力,就無哂心力...目標何在???我既人生應該要點行...我究竟下一步想人生點樣過呢???不斷問...不斷搵唔到答案...想自己成為一個點既人呢...思想一片空白...末感覺到自己到左極限..但又真係去唔到頂峰..放棄定繼續衝呢???工作究竟係人生既一部份...定係人生既全部呢???

快樂無罪之 give me five -- 再加開11場

2006-12-04T11:50:00.000+08:00

佢再加開11場係聖誕時節..想有個開開心心的既晚上..就唔好錯過..^^"三角關係"呢個劇團www.trinitytheatre.org繼<二人餐><20出頭>之後..另一套作品<快樂無罪>..每年都會圍繞著呢三個名加以變化,再加插香港最in最觸目既大事作為題材創作~有四個人表演..場地雖小..又不設劃位..不過夠近..近到有d位表演者直程行埋上黎..表演者有:徐羨曾(吸引我去睇既人,正職係一個平面設計師)譚國明("20出頭"個次開始留意既人,係香港獨立電影創作人)馬志豪(係一個編劇及導演,佢都係專心d編劇會好d,雖然今次有驚喜)鄺慧雯(不錯既演員,演按摩女,時代版觀音,好好笑)今次有乜睇:劇場亞叔規則world cup angels死唔斷氣走過谷底重見光明康復者重聚分享會世界杯在有線偷拍快換1獅背山please stop playingSPSL (Sex Partner or Sex

MAC LOOK X MILK 首飾設計比賽

2006-11-24T20:18:00.000+08:00

二人免費去..好揚公園~

2006-11-19T17:27:00.000+08:00

等都等到免費個日先去..唔駛入場費..入到去..踏足第一步既長扶手電梯..佢就即刻停止左..一.一"..都唔知叫黑仔定好彩..如果係叫好彩..就好彩在唔係好似上到一半既小學生咁..搭到一半..跟著要行埋上去..條梯好長..~我地就係下面等左5~10分鐘先搭上去..好過行~主要目的係去睇下打哂燈變哂色既水母&安安、佳佳~坐下纜車..睇下風景~裡面間餐廳食既咖喱羊腩飯..羊腩好騷..好好味~

Dinner DIY

2006-11-13T22:27:00.000+08:00

第一次整DIY Pizza(我做呀四..輔助形式^^)..買完材料直到完成用左3個鐘~一個勁多料既Pizza..有紅椒、黃椒、磨菇、腸、牛油果、菠蘿、煙肉腸、碎牛肉、芝士..本想分四隔不同味..但落料太多..放下放下..就分唔到..haha~有剩料就做多一個湯和一碟牛肉球炒雜菜~最後飽到連個甜品NEW YORK CHEESE CAKE都未食..haha~

南丫島荒郊之打邊爐事件

2006-11-13T13:58:00.000+08:00

入黑時份去到一個種植地方．．就係打邊爐～裡面種植好多不同種類既植物～呢次都有十數人打邊爐．．今次行動屬於搭枱既搭上搭行動．．雖然疏離但氣氛融洽～充滿陽光氣息既人十分搞笑～路經途中．．食了一碗飽受被蚊針既豆腐花～唔駛５分鐘就走格唔頭．．今次打邊爐材料相當豐富同有派頭．．有口號係”好好食、個個食”既香港仔魚旦、墨魚丸、同埋超貴魚扎(成10蚊粒)～有元朗既勝利牛丸和嘉麗園河粉～有香港大學農業研究所研製，我地再用梅酒醃製過既”嘉美雞”～重有好多海鮮，包括：鮑魚仔、象拔蚌、花蟹、蝦(本來係基圍蝦)、citysuper買既”絹”豆腐（聽講食左會令人有初戀既感覺^^）自己片製薄到透光既鱔片～再加上普通打邊爐既材料，肥牛、金菇、菜～湯底係..馬蹄、牛蒡加名牌罐頭湯一罐（原本係超濃特製湯底..但係壞左）從未食過人家咁有要求既海鮮打邊爐..重要係一個人準備好大部份材料..勁～連食野時..

瑜伽進階班(二) -- 代課導師篇

2006-11-13T13:14:00.000+08:00

呢個代課導師有講又有做示範..都幾好..只係講每一個動作時都心急左d~..好似未平靜就做下一步咁..haha~今次d動作好多都難左好多..勁難做~連鋤頭式都難度加高左~..好笑係有個動作..我望到前面個個男仔做..佢又係做得好辛苦..大家都覺男仔做呢個動作係格硬左d~女仔做就好輕易就做到..唔知係咪骨頭太硬呢..屈多少少都去盡哂..難..haha又一次做搖籃式(即係好似跳降散姿勢,不過就係陸地做咁)~做完呢一式..一起身就頭痛..導師解釋..不可以忍住道氣~原來係做既時候呼吸不順引致..初班miss解釋唔到..今次終於知勒~^^

本來做足準備..

2006-11-08T19:57:00.000+08:00

為著見一份有關gift既公司..諗左一個idea!係一個正常情況下..佢係一個掛蠅既銀器裝飾~當佢突然收到兩三張客人咭片時..佢就係一個"臨時咭片收集器"Temporary Namecard Holder上下開口位置需要有一個彈性拉開夾實咭片~(只係附加飾物一個新既用途,而不是一個真正咭片盒)當然飾物既形狀同物料可以有很多變化~雖然我係適當既時候比佢一個驚喜~Boss都覺得幾有趣既idea~係無要求情況下應該加我分~^^可惜在尾段交談..面對住Boss & Manager..見左成個鐘有好多時間都無言以對~完全暴露我不善交談、被動既個性~令佢地覺得我同其他人相處會有問題..扣..扣..扣番哂分~..又衰左一.一"

瑜伽進階班(一) -- 多口導師篇

2006-11-07T16:37:00.000+08:00

星期日又新一堂開始!一個叫梁家輝既導師~勁多口仔~一開波就問大家邊度..邊度轉過黎~佢問我時..我就答係大埔個邊..問邊個導師..我就答個英文女導師名比佢..佢答..英文名我唔知喎..中文名係咪叫咩咩咩呀~我答..中文名我都唔知喎..剩係知英文名喎..鬥寸囉~^^本來佢比以前個導師講多d野我地知..都好似幾好咁~做某d動作都會知多少少有咩好處~同埋個動作名~佢最衰就唔係同大家一齊做..只係口upup教點做..一.一"又唔示範下比我地睇..d人要求..佢仲寸寸地話...我係黎教..而唔係做比大家睇~有d人做唔到佢就叫乜色衫、乜色褲果位..隻腳唔係咁樣..做果個人幾唔好意思..佢係學員做緊動作時..重細細聲同其他學員傾瑣碎事..重要同大家吹水講埋d工聯會有幾多人..幾大勢力..我面向第二邊採佢都傻..檔時運高睇佢唔度..^^今次可能第一堂..所以動作既變化都係咁上下..不過動作好處就知多左.

Apollo亞波羅

2006-11-01T20:43:00.000+08:00

唔知係幾時新出..一路都無發覺..但一試之後..確係好味~^^亞波羅榴槤味雪條..食落有濃郁榴槤口感..第一口最掂..不能一次過食兩支..多食一定會漏..最好食半枝..勁好味~嗜榴槤就試下..各大超市有售!!

拜山見

2006-11-01T20:29:00.000+08:00

以我咁多年拜山少缺席既情況下~一向都撞唔到..我係成日周圍望野既人都無察覺~無想過這麼近..重要勁齊人..巧合..!天意..!上一代會唔會有積落因愁存在呢..^^真係日頭唔好講人..!日後都係唔好講"拜山見"

勞動日...園地+牆壁畫

2006-10-29T17:54:00.000+08:00

上午到達一塊園地嘗試雜務工作,內有一些瓜、菜、生果、花等的種植..園地內仍有未開墾土地..或半翻鬆的泥土未有動工..周圍還有雜草叢生需要處理~我開始時就用鏟將部份種好的收成鏟起..然後清理周圍雜草..我見用手去拔除不夠成效..就嘗試學用鋤頭連根去除!當然學了方法還是用得不爽..費盡力氣+左右手交替..食左隻蕉..體能免強應付得來~後來先發覺我仍然用錯方法....真失敗..激死^^中間加插有趣事..就係搞藏匿在樹中既皇蜂巢..因為在園地正側方(之前曾經針到人,好彩無大礙)..皇蜂成日飛來飛去好討厭..想鏟除牠..而我想得多..有所顧忌..一旦牠追黎係咪真係要跳落水呢..電話、財物又在身上濕了就麻煩..驚驚地..都係隔岸觀火..去搵乾了既枯枝、乾蕉葉..傳遞放火之用~煙火圍邊攻入樹中..都不是想像中那麼多皇蜂飛出來..結果樹亦燒得半死^^勞動完一輪..最後打開了一張沙灘床..向著有山..有水

平衡

2006-10-17T13:25:00.000+08:00

我要學識平衡~保持平常心、不能太過~指太過細心..太過貼身..太過甜只會漏~不要令自己現在能做到!一旦日後做不到,就會令人失望~不可今日的太過,會成為日後的問題~今後學習既課題~

瑜伽班(十二) -- 完結篇~

2006-10-12T18:19:00.000+08:00

最後一堂..亦係大家比較熟既一堂..多左一兩句..haha..熱身後..佢問有邊個報左進階..haha..得我舉手..唔係幾好意思..手舉得唔高..haha所以佢比左兩招係進階會學既我地試..觀音3手式..其實都係上次個招"用腳聽電話"再加上去..左手支撐在地,右手搖過後腦捉住左腳再撐向天..做落一d都唔順..曲腳..一d都唔直..haha~一路做..個個一路笑..因為好難做..好攰..我就彈一句..係咪做唔到..唔駛升進階呢..haha~另一式佢唔記得名..但唔算難~完成整個初階課程,等11月進階又再開始~

曾經膽生毛事件~

2006-10-11T12:07:00.000+08:00

有感而發...記得打完第一份工想搵第二份工的那個時候~去in一間做登TDC ad.既一份工..當時只得一年工作經驗,我見果個係女manager!我亦都只係帶我大一畢業作品去見工,睇番d作品都唔知似乜..haha~交談中都ok..佢就介紹番公司係d咩類型工作~睇完profolio之後..佢就講左一句..[不過你無乜工作經驗喎...](我心諗..妳知喎..又見我)我就彈左一句..[妳唔請我,我邊有工作經驗呢?]佢笑笑口,跟著我就安然咁走~可能就係呢一句,我走左之後就收到電話可以開工..跟著過了半年之後,公司搞了本當時未留行既免費雜誌,變左我地成日都要OT,搞到好夜,咁我就係一個只有designer既會議結尾時...就提出左需要OT pay既要求..其餘兩個designer顎然..boss亦顎然..boss聽完我解釋點解有咁既要求..之後佢就話商量之後就答覆我(應該係答覆我地)..

今日又出擊~

2006-10-09T12:11:00.000+08:00

人未醒..電話到..衝呀..衝呀..!!

中秋

2006-10-06T15:22:00.000+08:00

月既另一邊係點架呢...

疑幻似真的夢

2006-10-06T10:38:00.000+08:00

夢境一開始就講手提電話,接電話既係第一份工舊公司同事,想問佢近況之際..有人搶佢電話插把口埋黎!一聽就知係舊呀head~重講約緊以前既舊同事一齊黎,講一d名原來我已經忘記左..呀慈同呀興..我就up左一個第二間公司既人..呀深叔..haha問佢幾時..佢就答2-5..無里頭..haha..我開始留意番我身邊環境..原來我坐住私家車前坐..私機同後坐我唔記得係咩人..總之係有人..重上斜停留係五金鋪門口..咁我繼續講電話..裡面既呀head重叫我抄低地址..黃竹坑首富中心..依...呢個唔係舊公司附近喎..舊公司係葵興華星街喎...去到咁遠~黃竹坑似係我第三份工有機會接觸既地方喎...一.一"亂哂..跟著重醒埋..但仍然醒唔哂..我重以為自己講僅電話..重手執電話手勢講野..繼續問問題..haha~死未..以為真實到咁..^^

消息是[蟲]

2006-10-05T10:26:00.000+08:00

由舊team等到新team,最後個個都係fresh grad.我有咁恐怖咩..有內鬼都無用..終於安心繼續大包圍發展..haha逆境氣勢強,順境懶洋洋~

瑜伽班(十一) -- 耐力篇~

2006-10-05T01:21:00.000+08:00

熱身後做一個"武士式"都無問題~但跟著重要將兩手在背部雙掌合埋~一合即時一邊手臂抽根~haha..重要將身體彎向一邊腳..想死~做完一邊..到另外一邊~"艇式"就簡單d..平訓面向天..腳提升30度..身提升30度..手與地成平衡伸直..hold住身體..鬥耐力~攰~下星期最後一堂~

拜日果

2006-10-02T12:38:00.000+08:00

寫法唔知岩唔岩,可能會好難理解~由我呀嫲個代已經做緊呢個儀式~呢個做法通常係當有病時,個人無神無氣,老人家就認為撞到"污漕野"咁就要諗番邊日開始生病,再查查通勝個日時辰同方向,知道之後就去"衣紙鋪"買一份衣紙,內有一張畫了男孩的人像,吐少許口水再放回那份衣紙內,一併再晚上那段時辰期間..向某一個方位去燒..整個過程便完成!好神怪既傳統..但又要照上一代做..做完病個位又無咩特別唔好..佢地話好左..精神左..haha..咪一樣有食藥..haha~

成也ivan、敗也ivan

2006-09-29T23:30:00.000+08:00

見完~等..等...等..等.!

寶貝計劃

2006-09-29T21:57:00.000+08:00

成龍既戲其實都係差唔多..不過今日經過UA又有時間..見到佢又上左畫..即管睇下..其實被BB吸引住就真^^無輪喊好、笑好..BB真係勁得意..元彪又係好耐無拍戲..出下鏡又幾好..古天樂都係做番做開個d戲囉..無咩好睇..謝生&吳生出一個鏡係做戒款車職員..吳生做斷背..但佢兩個d戲無咩特別~好彩主力係睇BB..其他綠葉是旦啦..可有可無..呵呵^^

青紅蘿蔔煲豬展 - 後評

2006-09-28T22:59:00.000+08:00

之前既推介~今次應該令朋友失望而回~因為今次我地入場看既角色有d唔同~我地可以係中學生..可以係家長..~正因為係一班初次演出既中學生..所以用唔到恨批..而且重會覺得第一次算係咁~^^原來時下年青一代既對話、溝通方式真係好唔同~已經段開左無同呢一代既後生仔溝通過~get唔到佢地既笑話~初段對答有d無理頭~但好多後生仔係度笑..笑咩呢??..haha~其中一個演員叫王雪婷,扮演呀媽既角色~其實做得好好..口齒靈利~如果可以化下妝..裝扮一下..我相信會效果不錯~與個女一段對駡,算不錯~另一位演員叫陳裕恆,扮演一個經常夜歸青年..只顧著跟朋友出街,而莫視與家人相處關係..佢一個人扮演對答者..多個角色串連既一段故事..出黎效果係好突出..好笑..但就尾段拖得過長,正所為物以罕為貴~見好就收~有一位演員叫林展豪,我相原本應該係整套戲帶出和故事經過既靈魂人物~但佢未能發揮得好,

瑜伽班(十) -- 嚇親篇~

2006-09-28T01:12:00.000+08:00

熱身一個鐘後...開始叫大家坐下捉起一隻腳拉直向上~慢慢拉近..聽到拉上(咩)頭...心諗..唔係咁快呀~我未放到上頭喎一.一"..原來係額頭..haha...跟著再拉近到耳仔..haha~第二招搖籃式係先趴低係地上..然後雙手向後捉住雙腳..用力趾向上..即係反貢橋..重要左搖搖、右搖搖..真係搖籃咁...嘩..攰死人~玩完唔知點解會頭痛呢..原來唔只得我一個頭痛..奇~倒數剩番尾二兩堂!!

BrainStory 2

2006-09-23T10:50:00.000+08:00

一個有興趣的基因測試,有關於從氣味得知異性相吸其中一個原因!實驗中會搵8個女性作為試驗,每一個女性會穿著一件新既汗衫,連續整整兩晚穿著睡覺,跟著放入一個玻璃瓶內,蓋好紙再將佢密封!每個都完成之後,就加上A-H代號在瓶上!由一位男性割開紙蓋去聞..選出由鍾意至討厭既氣味排列!結果發現~最鍾意聞的..全無基因相同!最討厭聞的..有5個基因相同!佢憑嗅覺所排列的氣味亦排列出基因多與少~非常有趣~^^

非常高興事^^

2006-09-22T23:37:00.000+08:00

接到呀mic一個來電..係東莞杯國際工業設計大賽當中..攞到第三名...真係為佢而高興~正所為肯定佢既實力...因為呢個比賽係中央政府與大陸一所藝術學院所合辦~評審亦有其它國家評分..意義非常重大..雖然獎金需要中央批核..要半年先到手..但成績係有目共睹~重羸到多一份信心番黎~呀mic繼續努力啦..^^

瑜伽班(九) -- 順利篇~

2006-09-21T01:58:00.000+08:00

又感覺到..根開始更鬆!壓得比上一次更低..壓住扯實的根..還有不是辛苦痛的感覺..而家多了一份舒服感..^^今日最尾半個鐘所做的壓大腿根動作..每一個動作都需要壓5~10分鐘~比之前動作有些微分別~開始倒數堂數~剩餘最後三堂~

創意市集101

2006-09-19T18:25:00.000+08:00

介紹台灣101個創業團體,文字雖少..以大量精美圖片觀賞~創意十足..層出不窮..真係估你唔到~以布藝、飾物為主,非常有特色~有點心酸..咁多創作..咁多拼博青年..有幾多能跑出一片天地~..時也..命也~

利志達 - 眼中的設計大師

2006-09-19T18:14:00.000+08:00

這本係"利志達"眼中的60個出色設計的大師中的大師..不同範疇、不同風格的當代大師既歷史背景~介紹每個人生命中創作最出色之作~

大丈夫2

2006-09-19T17:44:00.000+08:00

[女人唔滾，男人唔緊。]上集講男人去滾,被女人查咼,見勢色唔對而散band~今次講女人想還以顏色,輪到佢地去滾,老公去查咼~九嫂背後發起行動...即係吳君如~[男人去滾為洩欲，女人去滾為家庭和睦。]加入左"黑社會"既情節~黑色幽默喜劇~道出男由男圍埋數女人不是..女由女圍埋數男人唔得~男女雙方缺乏溝通引致~結局收尾感人..道出女人心聲..總算無督爆大團圓~

BrainStory

2006-09-16T09:28:00.000+08:00

明珠台曾播過一輯 - BrainStory其中一節挑選一班小學生做左一個實驗!個一班係心散,欠缺集中力,記憶力差,寫字慢,一放學就番屋企睇電視既小學生~小學生既回應係,讀書同做功課都好悶!一番到屋企就只係想睇電視同食薯片~咩都唔想做~功課唔係趕唔上,係跟本提唔起勁去做~實驗就係要每個小學生每日定時食6粒Omeage3,就係奧米加3脂肪酸,係海龜漁油,漁油(oilfish)提煉出既自然物質!係加強腦內每個神經原的交匯點的每一小缺口,令神經原雙方訊息傳遞得更加良好!敏感度增加~過了兩三星期,小學生已經有明顯既轉變~開始可以好集中做功課...無受外間影響~開始鍾意睇書..重會鍾意左去圖書館睇書..佢睇既書重多過佢之前三年所睇既多...對電視既興趣大減~...有趣~

瑜伽班(八) -- 遊雲篇~

2006-09-14T00:38:00.000+08:00

一開始合上眼放鬆..就已經有d飄飄然~但個人好似重加放鬆左..拉根都落得低D~不過d難度高動作依然咁上下..haha~身體其實覺得有少少轉變..好左少少^^

黎僅兩套"舞台劇"介紹~

2006-09-11T16:47:00.000+08:00

首選:快樂無罪係"廿出頭"既人去創作~"徐羡曾"係我留意既演出者...場景唔會好靚..主要係睇演出者既功力~簡介:假如你聽過快樂無罪,你點解唔睇下?!假如你睇過快樂無罪,你識點做啦!!全城一知半解,又議論紛紛,年度大事回顧瘋狂搞笑小劇場,既無聊又言情;三個麻甩佬變身俊男美女,施展渾身解數,擺動全身肌肉,100分鐘演盡2006年城中大事件小人情,得罪人多稱呼人少,甘冒被襲被毆被歡呼之危險,務求將世界杯嘉年華的氣氛延續到劇場!2006年12月1-10日8:30pm(12月4日休息)$150www.trinitytheatre.org第二套:青紅蘿蔔煲豬展(8個後生仔女返屋企食飯的故事)有"張銘琪"都係上次"二人餐"既主角~佢表演都ok~簡介:從前,有一舊豬肉。牠生於太平盛世,好食好住兼長大得豐腴肥美,終生的成就理應成為美味佳餚。但牠不快樂。在牠成為肉餅义燒臘腸紅腸咕嚕肉之前,牠離開了花花世界

20出頭復刻版 - 後評

2006-09-10T20:23:00.000+08:00

導演:馬志豪、張銘耀創作/演出:徐羡曾、馬志豪演員:曾珮珊、李潔婷、麥美貞、夏竹欣、譚國明20出頭呢套舞台劇已經六度公演~上一次睇既"二人餐"而看到張銘耀、徐羡曾既出色表演,所以便看今次既"20出頭"...今次徐羡曾亦無令我失望...佢既演出仍然非常特出~面部表情..支體動作..以及歌聲..總會吸引著我既目光~場地佈置其實無咩特別...背景就像用粉筆畫上去一樣..畫出透視..畫了一些櫈..舞台上有六張小學既櫈..另一邊就一張枱和櫈..非常簡單..入場後等僅開場途中..未正式開始..但徐羡曾已經開始表演..在台上扮在換衫...hehe...由初戀情人的結婚飲宴帶出故事開端...其間回想起小學時既一切流行事..如兒時用過既中華牌HB鉛筆..多功能筆盒..小學生不可用既鉛子筆..多顏色既鉛子筆...小學生常寫既我的志願...舊式既撥電話..call機台女服務員既覆台對話...一些經典金曲..

脊骨科醫生~

2006-09-08T16:03:00.000+08:00

醫師指出頸骨以成S型~腰錐亦斜...左邊背骨大過右邊背骨...因為左撇子所致..加上坐姿不正確..長期做成腰錐有d受壓..盤骨對上亦有d問題..指我行路左腳應該唔順..都知到脊骨唔好..唔講唔知咁差一.一"醫師用一輪熟練技巧..骨聲四响..燒緊炮丈一樣..經過一輪轉身、側身、反身。幫我脊骨大羅移成功~一起身就好似識輕功...爽~隔多一輪再去調整下...^^

愛之初體驗~^^

2006-09-08T12:59:00.000+08:00

一個共同認識既人...一段史前既關係...一份共鳴既感覺...一段若即若離既關係...一本借來的書...一個借意既約會...一個車箱既觸動...一個肯定!令一段感情火速昇華既開始~沉醉...醒了還醉^^

書係呢本~

2006-09-07T01:46:00.000+08:00

瑜伽班(七) -- 不定篇~

2006-09-07T01:36:00.000+08:00

今次動作唔係新..根都鬆好哂..等做難度高少少動作..點之做所有單腳企係度既動作..全部失平衡..唔完整添..hea哂...今次狀態唔好..下次黎過^^

"九型人格愛情"一書

2006-09-06T12:16:00.000+08:00

在朋友交談中,介紹一本叫九型人格愛情一書給我看~因為佢覺得我同佢係同類型人,想法超似~好多人地唔明點解你會咁諗既野..佢明~唔係無見過這書,只係見到要做咁多條就卻步^^結果要做左180條問題之後..先得出一個答案..就係:第5型 - 渴求知識驚訝地..書中所提及性格、想法、愛情既觀念~每一點都確確實實講僅我~原來我唔駛睇心理醫生...都係屬於正常人..haha~類型五 - 愛知識,善於觀察的人性格側寫1.感到自己內心空虛,不期望以與人交往來填補那種空虛,而是用知識來填補。喜歡做一個徹底的旁觀者,事實上也擁有觀察力,但是很少發表意見,顧慮重重。最怕暴露自己的短處,在開始工作之前,或者講自己意見之前,會收集點點滴滴的資訊,想要掌握所有的情況。2.喜歡孤獨,很重視自己一個人獨處的時間,不會讓別人侵犯自己的私隱。自我剖白[我最怕要求多多,期待我有感情表現的人。][因為我考慮各種各樣的事,

EUROPE'S RICHEST JACKPOTS

2006-09-05T18:09:00.000+08:00

無啦啦收到封咁既野...以為有咩好野~望落好似筍野..不過我無send過野比佢又會有我資料~神奇~即刻問我細佬係乜東東..有無著數~佢叫我唔駛理..唔好覆資料比佢..資料可能係網上被人竊用~有d似六合彩一樣形式既博彩遊戲...叫我當廢紙一張..碎左佢...便宜莫貪~

"包法利夫人們"舞台劇後評 -- 林奕華作品

2006-09-04T15:37:00.000+08:00

舞台劇既題材,係從一本法國小說得來既~這本小說被視為寫實主義文學的代表~由一班台灣國立台北藝術大學既後生仔,與林奕華在香港既一次交流表演~每個人看"包法利夫人"既小說後..有著不同見解~就在互相交流既心得當中..搵出書既重要字句..加上獨到看法既串聯...重點加以發揮..去創作出呢一套劇~演員有:陳煜明、黃凱臨、戴旻學、嚴壽山、謝盈萱、莫子儀、陳恭銘、陳家祥、吳天葳、吳佳雯、周東彥、魏雋展、林英杰、林鈺玲講既係國語,都係第一次看,一些字眼雖然不太明,但整體上演出係好看既~整個劇以16個小節,有不同既主題重點~由14個後生仔去演繹..每小節都會有兩人擔當主角..其餘就配合劇情需要出場~場地佈置就像學校場景一樣~左邊有兩個課室既門口...右邊有一個大黑板黃色油木邊...和兩塊細既黑板各一左一右..上面寫上一堆法文..中間場地用黃色油木地板..放上14張黃色油木枱櫈..

英皇新秀歌唱大賽2006~

2006-09-02T22:17:00.000+08:00

"高遠"勝出..但個名好好笑..個音近似"睪丸"亦係一個會被人笑既名~主持人都要強調個名..驚講錯~好無壓力之下就勝出..因為把聲似張信哲..但唱歌無感情~唔可以觸動人心~唔係佢唱歌特別強..只因對手太弱!亞軍個位無可能會入圍~季軍應該係亞軍~有一個跳舞節奏感強既..但就把聲唔得..局限左..有發展空間~有個勢~不過始終係歌唱比賽~跳舞係其次~無計~原來而家唱歌咁易入圍~佢地唔知點解唱得咁屎都會可以入到圍~識唱歌既人而家已經唔想參加比賽..香港歌唱界滅亡勒....全部音域好窄..聲線散..轉音差..無左個d實力派~慘~唔想逐個評點樣差勒..無氣~惜日既新秀..我地bye~bye勒~

一種教學模式..換來兩種不同成果..天壤之別

2006-09-02T08:49:00.000+08:00

我呀媽用既教學模式只得一套~換來只有一得、一失!我呀媽要為維護老爺既面子~係咩教學模式??功課要做得最好~考試一定要攞100分~考試前要做她親手寫既模擬試題~默書要攞100分~我都好想求學不是求分數~點解會有一得、一失?指既當然係我同細佬~我細佬係天生聰明、記憶超強、集中力超強、外向、好勝、求知欲好強既人、成日問點解既人~而我係唔聰明(又唔可以話蠢,因為我會作好多故仔去濛騙佢^^)、古惑(一大堆大話)、心散(人在內心在外)、我視線範圍係180度,望野係唔會集中到一點、成日發白日夢、內外、怕羞、喊包、懶(踢一踢先沃一沃)所以可想而知,兩個係極端唔同既人,但我地感情係相當好既,就好似一凹一凸咁!講番教學...教我就慘囉~小學長期溫習..溫極都唔識..默書又要成晚都係度背..背極都入唔到腦~爭一兩分都問點解咁大意~因為我成日同音字..haha~又心散..個個係出面玩..我就讀書..我人在內..

下一代問題..上一代負責

2006-09-01T18:17:00.000+08:00

今日如往常一樣..有空閒就會落會所..嘆住冷氣(慳番屋企d電)..看住想看既書..一邊飲住冰凍檸檬荼....爽..退休既生活~^^嘆僅既時候..有人打擾雅興..管理員急忙衝落下一層,看個究竟~原來就係細路打交..打交本屬平常事..但今次有出血事件..除左被打..還受刀傷..所以通知家長到來..家長同管理員理論一論..家長當然火著心頭..未曾熄過~對話當中..頑童不止一次打佢個仔..亦都不是佢一個受過傷..所以佢今次報警!由警方處理該頑童!事件跟進我就不會...懶理^^但下一代既問題,上一代一定要負責~唔係生出黎..天生天養....或滿足金錢就不理會就得!下一代...諗到都怕怕...所以我都係做好自己呢一代算lu~^^

一個關係..一個交談..令我沉醉於回憶當中~

2006-09-01T10:08:00.000+08:00

因為blog友A關係..從沒聽她提過..與我同月同日生的人..她認識幾人..令我產生好奇既心..想去認識呢幾人..由於我與blog友A看一套戲而加入了第一人..看戲前一晚為了確認時間地點..與blog友A msn確認..佢便想起先介紹第一人給我認識~稱為"R"在交談中blog友A提及R兒時..都是我個區生活過..便開始交談起地點起來..R初時講得很遠(佢驚我唔識~haha)..跟著越講越近..越講就越起勁..繼而佢講左條村既名..我一呆..因為我覺得我一定識佢..我咁出名..haha~(我認為^^)我開始"逹朵"~haha~原來佢住我隔離村住..不過小學係同一間村校小學~唔講唔知自己..原來我記左咁多人名同往事~而我最叻既..就係好多人既樣貌都洗不掉~我連佢呀哥既樣都想得起~勁~^^交談完後..即刻興致勃勃咁睇番一堆舊相片..小學畢業相..睇清楚係邊年第幾屆畢業..原來全部都係8字..

電影:兩生花 + 黑白道

2006-08-31T21:31:00.000+08:00

兩生花波蘭電影大師基斯洛夫斯基晚年作品~在看既初段..兩個人存在既地方唔同~但造型係無改變..令我初段混淆角色..色彩帶點秋意..而情慾場面亦破多..更加混亂我分不清兩個角色..haha~要到接近Weronika心臟停頓病死先開始弄清關係~佢地有相遇既時間..但只有Weronika看到~嚇得目定口呆..因為實在相似..Veronique每次都有著第六感既佢..感覺到佢既死亡..突然感到傷痛..好像有著相同既經歷..亦因為木偶藝人既愛慕..寄一盒聲帶給佢..巧合地引領到Weronika出生地..在自己既相片中亦有Weronika既足跡~當然亦有不明既地方..1.用戒子磨眼皮..有上色或上粉作用嗎??2.有意無意間目口目面既評審會出現一兩個鏡頭..係咪要正明Veronique太似Weronika??3.Veronique成日坐車都夾住頸巾,代表咩??4.Veronique在床上亦用戒子磨眼皮

瑜伽班(六) -- ok篇~

2006-08-31T09:26:00.000+08:00

今堂多了一招新野~坐低..左腳在底右腳在面..雙膝向正前方..與身體成一直線..左手繞過背後由下向上伸..右手繞過頭後由上向下伸..雙手互扣在背..(我只係掂到咋^^)身體再向前彎低..這個不是辛苦..只係做唔到扣手動作~haha

COLOR STRATEGY 色彩戰略~

2006-08-30T16:34:00.000+08:00

用色不能因為設計師喜好!色彩影響產品銷量~相同質量..相同推銷策略..原來失敗在用色上..~再不是色彩"心"理學...而是色彩"生"理學~科學化指出用色既方法!不是最新既書..是2006年4月出版的書~值得參考~

下山~

2006-08-27T12:00:00.000+08:00

發出人情帖..就快要下山~武功練到招式..未成形..太虛弱~不堪一擊~又要開始身範險境~武林真可怕~haha~都係要跑江湖磨練下~中番兩刀...型d~^^

日本沉沒+遊船河^^

2006-08-27T02:15:00.000+08:00

特技片~無咩評~就係特技囉~草彅明知自己一去就無命..就應該最後同柴崎幸留後啦~懶型~^^跟住同一班火炭舊同事一齊遊船河~成班都好岩傾..有共同黑人爭針對既目標~講番舊事..新事..同是非..樂透~呀康公司已經有5個舊同事入侵我舊公司~睇黎公司已經變左人地控制..haha~我舊女呀頭已經無做呢間..重有d大計既概念..可能日後坐低慢慢傾~haha~我無釣墨魚..但睇人玩..另外從旁吹水同食野~haha~歡樂既一天~

看了新書 -- 顛倒思考題

2006-08-24T12:45:00.000+08:00

抽了一些喜歡既語錄作分享~語錄有很多,只揀選近期常關注既^^語錄一:你理性嗎?紐約知名投資公司所羅門兄弟(Salomon Brothers)與潛在客戶聯絡的頻率不是每個月一次或每週一次,而是每天三次。這種作法並不合理,但很有效。多數人都很合理,所以他們的成就只能達到合理的範圍。(理性的人改變自己去適應這世界,不理性的人改變世界來適應自己。所有的進步都要歸功於不理性的人。)語錄二:脫掉西裝,捲起袖子開會時你不必擔憂同事對你的觀感,因為他們太忙於擔憂你對他們的觀感。會議是給太閒的人開的。會議如同表演,目的是讓別人相信你的重要性。真正做事的人不需要參與開會這種遊戲,他們會捲起袖子埋頭苦幹。語錄三:保持平衡未必是好事穩定的艾廸個性保守的人憑著年輕與活力在公司裡可能升得很快;若再加上願意學習、態度隨和、長相又不錯,可能就升得更快了。他的上司很樂意拔擢他,因為這麼做也證明了上司的眼光。

戀愛初歌~

2006-08-24T01:54:00.000+08:00

演員有:側田、吳雨霏、方力申另外三位綠葉:林雪、劉以達、恬妞當然無咩期望~純粹睇下d後生仔戲~簡單既愛情片+唱歌情節~三個d戲好屎~套戲角色有側田唱主音就當然勁..戲院聽就更加好聽~能打動人心~..感受到..有排紅~戲就唔好提勒~haha~三位綠葉都盡幫..救得幾多..得幾多~^^另外有三位9餅成員客串..對白不知所謂..可有可無~

瑜伽班(五) -- 出汗篇~

2006-08-24T00:53:00.000+08:00

今次慘..冷氣不足..出汗最多一次..滴滴下...熱死~都係曲膝動作+金雞毒辣~d根好似鬆左d...有輕鬆左既感覺~